زيت دابر املا الاصلي

فوائد دابر املا ( من تجربتي وتجارب من حولي ) ::

– ينعم ويطري الشعر وتلاحظين الفرق بشعرك من اول او ثاني استخدام حتى الشعر الناعم
ينعم زيادة ووش راح يسوي بالخشن!!!
– يلمع الشعر ويعطيه لمعان قوي من اول استخدام
– كثير قالوا يسود الشعر والصحيح انه يغمق لون الشعر كم درجة فقط ومافي احد
يكره الشعر الاسود العربيز
-يطول الشعر بسرعه ملحوظه اكثر من اي زيت ثاني والفضل يعود لثمار الاملج ( اللي
لونها اخضر وزي التفاح الصغير) اللي تدخل في تركيبة الزيت

كثر الكلام عن الاصلي والتقليد وناس يقولون ان الاصلي هو اللي مصنوع بالهند والتقليد هو
الاماراتي واكتشفت انهم غلطانين

الزيت اللي يصنع بالهند هذا يجيبونه من الهند انا دورت في المحلات ما لقيت غير
الاماراتي وعرفت ان المورد لدول الخليج هو المصنع الاماراتي المصرح له من قبل الشركة الام
اللي هي موجوده بالهند فالزيت اللي ينكتب عليه:

صنع بواسطة ويكفيلد العالمية ( ا.ع.م) ذ.م.م
الشارقه لصالح دابر العالمية المحدودة
صنع في الامارات العربيه المحدودة
هذا اصلي
وينكتب على زاية الكرتون بالذهبي اصلي وهذي صورته

اقسم بالله انه شعري طال وانا استخدمه من شهرين بس حتى قريباتي شعورهم طالت لنص
الظهر والسبب انهم مايزيتون الا بدابر املا

طريقتي في استخدامه:

كانت ازيت شعري وهو ناشف يوم ويوم لا … او مثل مايعرف بعضكم “يوم وترك
”
اتركه على الشعر من 3 الى 5 ساعات … ادهن شعري واغطيه بكيسه حقت البقالات
وبعدين اغسله مرتين بالشامبو ويفضل بموية دافيه اول بعدين ماء بارد

طريقة ثانية انك تغسلين شعرك اول بعدين تدهنين بالزيت وشعرك رطب وهذي الطريقة مره روعه
لجميع الزيت لان المسام تكون متفتحه ولكنها يبي لها وحده ماعندها دوام يعني قاعده بالبيت
.

للبنت خذي راحتك في تزييت شعرك وللمتزوجه لا تحطينه الا اذا طلع زوجك افضل

بالنسبة للريحه:

طبعا وقت وضع الزيت بيكون راسك مغطى بالكيس ومو طالعه الريحة مره لكن بعد الحمام
كيف تروح الريحه من الشعر!!!!!

كثييييييييييييييييييييييييير منكم يقول حطي خمرية وبخري شعرك او حطي عطر من زهور الريف او حطي
كريستال او او او او او ………………………… .

جربت هالطريقه لكن مو كل مره بقدر ابخر شعري ولا احط فيه عطور احيانا الوقت
او ظروفك ماتساعد اذا انتي مستعجلة صح ولا لا؟؟!!!

احيانا تفوح عليك الريحةمع الحر والصيف اذا مانغسل زين واحيانا حتى لو انغسل زين بس هذا الزيت ريحته
قويه والدليل فوائده يعني شديد مايلعب لانه فعلا يغيرب من شكل وصحة شعرك التعبان.

للتخلص من رائحته في الشعر:

الطريقة الاولى انك تستخدمين حمام زيت بعد الشامبو بس طريقة استخدام البلسم يعني تجيبين حمام
زيت مثل: بوناويل بالمشمش او فاشكول اي نوع يناسبك او حمام زيت بارشوت بالاعشاب

وتحطينه زي البلسم بس على ابلذيل يعني ماتوصلينه لفروة الراس ابداااااا

الطريقة الثانية والفتاكة والاكثر من رائعه هي:

جيبي 1 علبة جيلي فراولة اي نوع واخلطي مع علبة الشامبو حقك ملعقتين او 3
ملاعق من بودرة الجيلي ورجي علبة الشامبو لحد مايتغير لونه ويصير وردي غامق او احمر
وكل ماجيتي تغسلين الزيت غسلي شعرك بالشامبو ابو ريحة فراوله اللي انتي خلطتيه وصدقيني ماراح
تشمين ريحة الزيت وبكذا استفدتي وما انقرفتي بريحته

وممكن تستخدمين هذي الطريقة مع كل زيت تستخدمينه على شعرك