سد الحنك بالصور

ازيكم يا حبايب قلبى
انا النهاردة عملت سد الحنك
بجد خطييييييييييييييير وطعم موووووووووووت الذ من البسبوسة بكتييييييييير يهبل
وسهل جدا ومش مكلف خالص

بسم الله نبتدى
اول حاجة نسيح زبدة فى حلة او طاسة

بعد كدة ننزل بنص كباية دقيق ونحمرهم فى الزبدة زى ما نكون بنعمل بشاميل بالظبططط

واثناء ما الدقيق بيتحمر فى زبدة على نار نونو خالص نحضر نص كوباية سكر وندوبهم
كويس فى نص كوباية مية كدة

ولما الدقيق يتحمر فى الزبدة بسيط مش جامد ننزل بالمية بسكر مرة واحدة ونفضل نقلب
جامد على نار هادية لحد ما تتخن اوى وتبقى قالب واحد هيا هتكون سايلة فى
الاول واحنا هنقلب لحد ما تبقى حتة واحدة زى كدة

وبعد كدة طفيت النار وسيبتة يهدى شوية