قبل ابدا بقولكم سالفة محفزه
انا اؤمن بان كل البنات حلوين بس مو كل البنات يهتمون بجمالهم او مظهرهم
ومو كل البنات يشتغلون ع انفسهم ويعرفون نقاط قوتهم ويبرزونها فنلاقي في بنات مثل ما
يقولون حضورهم يخطف الانفاس وفي بنات حضورهم وغيابهم واحد ، والذكيه هي اللي تعرف وين
مواطن قوتها وتبرزها …
كلنا مرت بحياتنا ذيك البنت اللي لو بدقق بملامحها اقول عاديه جدا بس مع شوية
اهتمام وذكاء منها صارت واااو
وعندها هوية وشخصية خاصه فيها صعب يكون في منها 2 او عدد لا نهائي من
المثيلات
غرضي من هالسالفه اقولكم … كونوا كلكم ذيك البنت وتالقوا عمر الجمال ما كان حكر
ع احد
نرجع للبوست .. روتيني للعناية بشعري ..
اكذب عليكم لو قلت لي روتين ، ببساطه روتيني هو اللا روتين لاني انسانه ملوله
جدا ما احب التزم بشي معين
طبعا جربت اشياء واشياء وفي منها الي يصيب واللي يخيب
طبعا ما راح انقل لكم تجارب حوسه وخلطات واهدار جهد ووقت واحيانا فلوس على نتيجه
يدوب تشوفينها بعد قرن من الزمان !!
ولا راح اقولك فيه شي سحري بمجرد ما تحطينه بيتحول شعرك وبتتغير طبيعته
راح اسرد خطوات من اسهل ما جربت للاهتمام بصحة وعناية الشعر..
يعني يكون مظهر الشعر صحي ، حيوي ، لامع ، وممكن مع الاهتمام واستخدام منتجات
تحفز نمو الشعر وتوقف التساقط يكثف معاك
لو كان عندي مشاكل عديده بشعري ما راح اعالجها كلها مره وحده ، راح ابدا
بالمشكله الاكبر وبمجرد ما تنتهي نروح للي بعدها وهذي هي استراتيجية حل المشاكل عموما
واكبر مشكله ممكن نعانيها بالشعر هي التساقط ، وهي موضوعي اليوم
من الاخر لو شعرك تعبان ويتساقط وجربتي وجربتي ومرت عليك سنين ولا تغير شي وخلاص
طابت نفسك ما بتجربين وتنتظرين اشهر ع ما تطلع معاك نتيجه ما انصحك تكملين البوست
خذي هذي النصيحه مني وروحي سوي ميزو ثيرابي لشعرك وادعيلي
نرجع للي ما ياسوا من حالتهم او حديثين عهد بالتساقط
اسباب تساقط الشعر كثيره منها : اسباب مرضيه مثل فقر الدم – الغدة وغيرها وهنا
انا انصحك تعالجي المرض قبل لانه هو المهم وبعدها التفتي للامور الثانيه .
وممكن يكون التساقط بسبب ضغوط نفسيه مثل الاختبارات او بسبب ادويه مثال بسيط بعض انواع
حبوب منع الحمل
او بسب اتباعك لحمية معينة او دايت
بس اقول .. لان لما حبيت اتكلم عن مشكلة التساقط باخذها من جميع الجوانب وانت
عليك تعرفين ايش مشكلتك وتحلينها
وفي اسباب عاديه مثل فروة الراس الدهنية او اسباب تكون بفعل تصرفات غلط في تعاملنا
مع الشعر مثل تعرض الشعر للحراره والجفاف – الصبغات – استخدام الشامبو غير المناسب –
غسل الشعر وتمشيطه بطريقه خاطئة – تناول الاطعمه الغير صحيه – عدم شرب الماء بكثره
اول خطوه لحل المشكله هي الابتعاد عن المسبب وهنا تنحل معانا نص المشكله
لاحظت بعد ما وصلت لل24سنه طبيعة شعري بدات تغير وتتحول فروة الراس من عادية لدهنيه
وصار شعري يزيت ويتساقط بعدها ..
و كمان و مثل ما نعرف انه بعد الولاده والرضاعه يتساقط الشعر بشكل كبير ،
وصار التساقط كثيف وخف شعري وهنا انا بديت اقلق !!
كنت استخدم فيتامينات بس بعد فتره تعبت منها وطلعت في جسمي حبوب غريبه ف وقفت
كل انواع الفيتامينات اللي استخدمها رغم انها كانت بناء على وصفة طبيه !!!
وخصوصا ان عندي انواع الحساسيه
اول خطوة اخذتها بعد ما وقفت الفيتامينات غيرت طريقة اكلي للامانه ماسويت نظام ولا بطيخ
بس وقفت كل انواع الجنك فوود والمشروبات الغازيه وكل شي معلب ومحفوظ ولاحظت فرق كبيييييييييير
ثانيا وقفت استخدام السشوار والسيراميك والرغوة والجل والخ
ثالثا : استخدمت شامبو وامبولات من فيشي
و بس
يمكن طريقتي مو صح 100% بس اهم شي سهله وما تطفش ومن الملل تستسلمين بنص
الطريق !!
نشوف المنتجات اللي استخدمتها :
شامبو فيشي لمكافحة تساقط الشعر
الشامبو الوحيد الذي يحتوي على اماينيكسيل، وهو الجزيء التجميلي المضاد لتساقط الشعر، للرجال والنساء الذين
يعانون من تساقط شعر خفيف الى ثابت ، يستعيد الشعر قوته و حيويته من الجذور
حتى الرؤوس.
شعر اقوى:78% من الاشخاص
استخدامي له : كان 3 مرات بالاسبوع يعني يوم بعد يوم ولو بغسل شعري مره
رابعه استخدم جونسون او اي شامبو خفيف ع الشعر استمريت عليه فترة 6 اشهر وكان
الشامبو مكمل للامبولات …
نجي للامبولات واللي اعتبرها بطلة هذا البوست اسمها :
VICHY AMINEXIL PRO:
استخدامي له .. تراجع تساقط الشعر بنسبة 90 % فعلا فرحت بالنتيجه
طريقة استخدامه موضحه بنفس العلبه بس راح اشرحها : بعد تقسيم الشعر خذي الغطاء وضعيه
على الامبولة راح تفتح معاك تلقائيا اذا ربطيته تمام وبعدها وزعي السائل على كامل الراس
راح تلاحظين انه مع تقسيم الشعر راح يكون توزيعك للسائل منظم وراح تغطين كامل فروة
الراس بعدها دلكي راسك بحركات دائريه خفيفه
ضروي تحطينه قبل النوم بساعتين او ساعه ع الاقل عشان يستفيد شعرك ومايروح ع المخده
استخدمته يوم بعد يوم لمدة شهرين وفي الصباح اغسله بالشامبو
* معلومات الشراء : اشتريته من صيدليات النهدي وممكن تلاقونه بالصيدليات الكبيره او الصيدليات تبع
عيادات التجميل
