شعر بدر عبدالمحسن

((ارقام ))

في اخر الصفحه .. يسار ..
خبر صغير .. حادث قطار .. مات اربعة ..
مكتوب في السطر الاخير ..
باقي التفاصيل .. في الصفحة العشرين ..
على الثرى .. وبين الورق ..
اجسادهم امقطعة ..
الاربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي باسم ..
بلا ملا مح .. او اسامي ..
ليه كلنا نموت ..
ليه نهمل الجثه ..
ونتذكر التابوت ..
لاقدامنا صوت ..
من يسمعه ..
من يسمع الاقدام..
هم مروا من تحت الكلام..
الاربعة ..
وصاروا ارقام .. ارقام ..

انا رقم .. اصقه ضرير ..
المشكلة .. مثلي كثير..
يجمعنا حب الهاويه ..
احلامنا .. انا نصير..
وقاماتنا متساويه..
نركض على ورق الحياه ..
لين ننمحي ..
المشكله مانستحي ..
انا نمر ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..
((اه يا لجراح ))
لا جيت انا ب سامحك..
تبكي الجراح ما ودها..
مشتاق ودي اصافحك..
عيت يدي لا مدها…
اه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في ياسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
اه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس اشجوني .. ينبت في قلبي جرح ..
ناظرني يا خلي .. جرح انا كلي ..
وشلون اب ارضى الصلح ..
فصل الخريف حبي ..حزن وورق اصفر..
…ودعني يا قلبي..وخل العذاب اقصر..
اه يا الجراح .. راح اللي راح..
وراحتي .. من يا ترى بيردها ..
((اوراق الزمن ))
ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت ايامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرح ينام .. وجرح شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصف يموت .. ونصف درى انه يموت ..
يا سيدي .. ربي انا نقطه ف بحر ..
علمني كيف اهوى الحياه ..
علمني كيف اهوى القدر ..
علمني باماني اكون ..
يارب .. اكثر من بشر ..

(( استبد ))
استبد..استبد احيان
استمد كل هذا الظلم من المي
اتحد من راسي .. لقدمي
واضرب بعواصفي وبزلزالي
واهدم الناس .. واهدم بحالي
لين استرد بعض اثيابي من الريح
ولحمي من الشوك..
وابتعد..ابتعد
واحيان ما املك العواصف .. ولا الزلزال
ولا حتى .. ف الهجير .. ظلال
لكن استبد..استبد باللي عندي
اضرب بيدي ف الهوى..بجبيني ف الصخر
لين اتعب ..اتعب..وانهمد
مثل طفل اضناه البكا.. والسهر
وانتي اخر مااعد في عمري
واجمل ما اعد
اعشقي ظلم الغصون الخضر للحطاب
والجلد للانياب..والجفن للسكين
اعشقي هالظالم المسكين…
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك
وابتعد .. ابتعد

((الاربعين ))
ادري ان الوقت يذهب ما يعود
اربعين فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافي بارد قراح
ما دريت ان الظما سر الوجود
كل شمس تلمس اشجار العمر
تحرق الاوراق وتجف الفنود
وكل ريح تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود
((البدر………..

((انتي حلم ))
انتظرتك .. عمري كله .. وانتي حلم
ومرت الايام والله .. وانتي حلم..
ليه تاخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرف حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا انتي .. قولي والله انه انتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما اصدق اني اشوفك ..
ياللي قلبي في كفوفك .. نقش حنا ..
وفي جديلك عطر ورد ..
اتمنى .. لو تكوني في فراغ اعيوني وعنى
وفي سموم ضلوعي برد ..
ليه تاخرتي علي ..
وما طرى لك تسالي ..
ليه ناخرتي علي .. وما طرى لك تسالي ..
انتظرتك عمري كله عمري كله .. وانتي حلم

((الا الهوى ))

ابعتذر … عن كل شيء …
الا الهوى .. ما للهوى عندي عذر ..
ابعتذر .. عن اي شي ..
الا الجراح .. ما للجراح الا الصبر ..
ان ضايقك اني على بابك امر …
ليلة الم … واني على دربك مشيت عمري وانا
قلبي القدم …
ابعتذر … ابعتذر … كلي ندم …
عن كل شيء … الا الهوى …
ما للهوى عندي عذر …
ا تصدقي … ما اخترت انا احبك …
ما احد يحب اللي يبي …
سكنتي جروحي غصب …
ياحبي المر … العذب …
ليت الهوى وانتي … كذب …
كان اعتذر لك عن هواي …
ما اقول انا … كوني معاي …
ان ضايقك اني على بابك امر …
ليلة الم …
واني على دربك مشيت عمري وانا …
قلبي القدم …
ابعتذر … ابعتذر … كلي ندم …
عن كل شيء … الا الهوى …
ما للهوى عندي عذر …
الله كريم .. حبك … يكون …
همي القديم …
وجرحي القديم …
والله عليم … يا احلى العيون …
ان الفراق … جزا الفراق …
ابوعدك … كان الطريق بيبعدك …
بامشي الطريق …
وكان الجحود بيسعدك …
مالي رفيق …
ابجمع اوراق السنين … واودعك …
كان الفراق اللي تبين … الله معك …
(( الله اقوى ))

الله اقوى غدا شوفك سراب
كيف ابا اروي حنيني .. بالظما
يا ممنى حياتي .. بالسحاب
وين غيث المحبه .. ما هما
اجدبت بالحشا ارض العذاب
واشتكت من تجافيك السما
كيف ترضى علي .. طول الغياب
وانت حبك جرى مجرى الدما
يا حبيبي ذوى قلبي وذاب
من عذابه وبيح ما كما
وعل عين .. رضت فيك العتاب
تشتكي بعد نوره م العم

((البدر …..
((انتي اللي وحدك لي))
كل الحرير اللي في الارض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الاعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي اغسلي سفري ..
ان طال بي الترحال ..
كل المواني احبال ..
تربطني بعيونك ..
وشلون انا اخونك ..
وانتي اللي وحدك لي ..

((البدر……
((اول الناس))

اول الناس انتي .. وكلهم ..
واخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
اعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني ..

(( احبابك سروا ))

مابه احد غيري يابنت.. احبابك سروا..
لاتساليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..

بالله لاتبكين عندي.. والى رحتي سوى اللي تبين
مالك عزى.. ف قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول
لكن ابوصيك بصبر.. لابد للغايب عذر
وياحلوتي ضاع الوعد.. وباكر بعد…
مري على دروب الجراح.. وتلقين احد غيري
غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..
ياحلوتي ضاع الوعد.. وباكر بعد…
مري على دروب الجراح.. وتلقين احد غيري…
(( الجدران ))

المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالاحمر الناري ..
ومحاصر باسلاك .. علقت بها وردة ..
اوراقها المنزل .. والبرعم الافلاك ..
***
وعلى الجدار الثاني ..
وامثال .. واغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلال عريق ..
مثل العنيد .. من الجروح ..
مثل السيوف اللي مقابضها حديد ..
اسرار من ماتوا بعيد ..
وما خلفوا حتى الورق ..
(( انتي ))
مثل الوسن انتي ..
حبك سرقني .. وانتبهت
وتوي اعرف ان الزمن فرقه ووعد ..
وان الهوى ماله ثمن ..
***
باكر تجين .. او ماتجين ..
ارجوك سوي اللي تبين ..
بس انتظر .. وعدك نعم ..
ما خلى للدنيا طعم ..

***
الا الحنين ..
باكر تجين .. او ما تجين ..
ارجوك سوي اللي تبين ..
بس انتظر .. وعدك نعم

(( الدواير ))

يا رامي الماء .. بالحصا.. لاجل الدواير.. تكبر..
لا توجع الماء .. اكثر.. هذي حدود .. الماء..
يجيبك الهاجوس .. و يروح بك..
يا شين وش نفع الحكي .. لا روح بك..
تخط فالرمل البحر.. وترز وعودك .. ساريه..
وتبقى الحقيقه .. عاريه ..
ما عاد في السفر الا دواير ..
بين الكواسر.. والبدن ..
ماكان لي صدر.. وما كان لي كف.. لحمي تنتف ..
ناظر.. على راسي تحوم .. عقبان الهموم ..
وترسم دواير .. وقل لي .. وش اللي صاير..
وكانك حبيبي .. فسر الكون ..
و الا حبيبي .. اترك الكون ..
وقل لي .. من خذا مني محلي .. لين ضاقت ..
فسر اشتاقت.. تبيني .. حدد اقدامي .. جبيني ..
و اخر الجدب .. العواير ..
واترك الماء .. لاشهب الماء .. و الدواير..

((السكوت الكلام ))

ياحروفنا الملح.. في شفاهنا الحنضل …
كان السكوت افضل .. ولا الكلام ؟
قلت اللي في قلبي ..
وخرج الحكي..من الحكي وما عاد..
اخيامنا طويت ..كافي ندق اوتاد
الكلمه .. ماهي انتصار

ولا انكسار ..
كانت حقيقه ..
يوم انقطع حبل الحوار
يا حروفنا الحنضل.. في شفاهنا الملح
زعلوا حبايبنا..كان السكوت افضل

(( السهر والخوف ))
نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من اعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
واه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من اعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..

((البدر……

من يطعن السيف اب حشاه .. ويجرح السيف ..
من يضرب السيف ابدماه .. ويقطع السيف ..
السيف .. المعدن البارد ..
نصل الشتا الحاد ..
له تحت جلدي .. طريق ضيق بارد ..
وله صرختين اجداد ..
حبيبتي .. يا نبتة الدم ..
السيف .. اما قتلتي اعناد ..
والا قتلتي هم ..
ومضة شعاع خاطفه .. السيف ..
الصمت قبل العاصفه .. الالم .. لا فارق اللحم .. العظم ..
كم .. لحظة .. يا انتي انطحنتي خايفة ..
من موعدك .. قبل الوعد ..
ورديتها .. قلت ارجعي ..
وكم صرخة .. ياللي ان جرحتي .. توجعي ..
ولو انجرحتي توجعي ..
اطلقتها بعد العد .. وشقت ضلوع العاطفة ..
من يطعن السيف ابحشاه حبيبتي
ومن يضرب السيف ابدماه .. ويقطع السيف ..
وقفت وضلوعي ( الصفاه )
اغطي عيون الامل ..
ابغترة الحزن .. واركعه ..
كان الجفا .. سيف يسيل ..
في لحظة قصاص ..
وكانت عيوني تودعه ..
تشتاق .. للموت .. الخلاص ..
يا نبتة الدم .. السيف ..
مره قتلني عناد .. ومره قتلني هم ..
((البدر………
((الشمس اللي تغيب ))

اركض ورا الشمس .. اللي تغيب ..
ابي النهار .. وينتحي ..
اخاف انا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمس تبين .. وماتبين ..
ورا السحاب ..
كافي بعض ليل يجي .. قبل الغياب ..
عن ليل الغياب
يا موقد الشمعة ..
وجهي انا .. او نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قرية .. تحت الظلام .. مريتها ماجيتها
وبنية .. تحت الظلام ..
ورسالة في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
اركض ورى الشمس اللي تغيب ..

((الرسايل ))
وليله كانت الفرقا
و قالت لي .. ف امان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. ف امان الله

في ليله كنها الليله عرفتك بسمتي و فجري
و ليله زي ذي الليله و هبتك في الامل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. ف امان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي ف امان الله
(( السراب ))

قال السراب وقلت ظامي لسرابه قال الهلاك وقلت لعيون الاحباب

يا لايمي في حب مترف شبابه الموت حق ولاتبرق بالاسباب

كانه ذبحني صاحبي من عذابه ماابي لدمي يا هل اللوم طلاب

الجادل اللي فيه زين ومهابه يفز له قلب .. وتخضع له ارقاب

في حجر عينة لي غدير وسحابه وفي وسط قلبي له تناهيت وعتاب

ان قلت احبه يكفي القلب مابه وان قلت انا مابيه ..باصير كذاب

((الظما عشق ))
كل ما حث الخطى .. ينبت
الطلح في عيوني
تبني الرمال رمال
كل ما حث الخطى .. يولد
من رحم السراب جبال
اثر الظما عشق
وردت يا بير السما
الشمس دلوي والشعاع حبال
اثر الظما عشق
يا ربعي الخالي
واثر الاماني جمال
ترعى عشب بالي
والشمس ترس نحاس
واثر الشعاع نصال
وراعي الهوى خيال
يفكها من الياس
واحث الخطى .. ينبت
الطلح في عيوني
تبني الرمال رمال
يكبر الطلح في عيوني
ويغيب ..
يسيل من تحت القدم
رغم الجفاف .. شعيب
اقطع تجاعيد السهال
بسيف الظلال ..
ويشرق سواد بيوتكم
في ( مرو ) التلال
وغيم الخريف
البرق له وميض .. ورفيف
يشرب الطلح في عيوني
وتسقي الرمال رمال
((العطش ))
اه ..يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت اظما لحبيبي .. وللعطش

يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونكحبيبي .. او اموت
ما ابي رمشك نعش

يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت اظما لحبيبي .. وللعطش