شعر عن الام والاب

اشعار عن الاب و الام قصيرة جديدة روعه

اي والله احبها والعمر يفداها
تامر على راسي وتامر على دمي
الجنه الله خلقها تحت ماطاها
هذي هي امي عساني فدوة ل امي

امي .. غلا الدنيا ولو فيه غالين
يالله عساني بالعمر مااعدمها

ماقد حنيت الهامه الا ل ثنتين
عند السجود وعند بوسة قدمها”
انا احبك وحبك شي من ديني
وانتي اكثر انسان من لحمي ومن دمي!
يمة بليا حيا والله وحشتيني
ويالعنبو لايمي في حب حضن امي!

قصيدة عن الام من حامد زيد ..

قصيدتي زاد بعيوني جمالها واخذت انقي بالمعاني جزالها
واكتب معانيها من الشوق والغلا لامي وانا اصغر شاعر من عيالها
كتبتها في غربتي يوم رحلتي لما طرالي بالسفر ماطرالها
امي وانا بوصف لها زود حبها وان ماحكيت لها قصيدي حكالها
امي لها بالجوف والقلب منزلة مكانة ما كل محبوب نالها
اقرب من ظلالي وانا وسط غربتي وانا تراي اقرب لها من ظلالها

ماشافت عيوني من الناس غيرها ولا خلق رب الخلايق مثالها
اغلى بشر في جملة الناس كلهم واكرم من يدين المزون وهمالها
اتبع رضاها وارتجي زود قربها واللي طلبته من حياتي وصالها
الصدق مرساها والاشواق بحرها والعطف واحساس الغلا راس مالها
اهيم فيها وابتسم يوم قلبها يسال وانا قلبي يجاوب سؤالها
وان اطلبتني شي فزيت مندفع اموت انا واحمل تعبها بدالها
واصبر على الدنيا والاحزان والتعب واحمل على متني فطاحل جبالها

• شعر عن الام والاب