الرسالة الاولى:
عرفت ابكي من الفرحه
عرفت اضحك من الاحزان
عرفت ان الدموع ارحم واصدق من يواسيني
عرفت ان الوهم دربي ولا به من يقدرني
عرفت ان الزمن خوان
عرفت ان العيون اللي بكت لي امس
جت اليوم تبكيني!!
———-
الرسالة الثانية:
عفيه على قلبك وعفيه عليك انت
تبي الصراحه زين سويت فيني
مشكلتي اني على حبك ادمنت
وبك بساطه قلتها ماتبيني
عفيه على قلبك وشكرا ولا هنت
تبي الحقيقه بيدي اعميت عيني!!
———-
الرسالة الثالثة:
البارحه في لذيذ النوم لاقيته
حلوم جابت حبيب الروح خداعه
فزيت ارحب ودمع العين هليته
رميت نفسي وجا راسي على ذراعه
وقعدت اضمه وفوق الصدر لميته
واثرني اضم الوساده صارلي ساعه!!
———-
الرسالة الرابعة:
دنيا غريبه والبشر مثلها اغراب
لو هي صفت لك ما صفوا لك بشرها
تعطيك من لذتها كل ما طاب
تغريك ثم تغرقك في بحرها
وانا عطتني دنيتي الزين والشعر منها شاب
واللي بنا دنيتي هو نفسه اللي دمرهاز
———-
الرسالة الخامسة:
من عادتي مادس درب الصداقه دس
العب على المكشوف واكشف سواده
من مدلي يمناه مديت له خمس
ومن صد عني عفت شوفت بلاده
لاني عزيز وعزتي تحكم النفس
والنفس ماترضى بهون المكاده
———-
الرسالة السادسة:
مثل النسيم العذب تجرح سكوتي
تسرق بقايا ضحكتي وسط الاصحاب
احاكي اصحابي وهم يسمعوني
وقلبي معك وكنهم عندي اغراب
وعنك يحاول بعضهم يسالوني
متى؟ وكيف؟ ووين؟ اصبحتوا احباب؟؟
———-
الرسالة السابعة:
ابشتكيلك دامك اعز الاصحاب
شكوى جريح يبتسم في ونينه
جرح احسبه طاب واثريه ماطاب
خلا دموع العين تنزف حزينه
جرح مع القلب حاضر ولا غاب
خلا همومي فقلبي سجينه
ماهي جروح الحب الام الاحباب
جرح الصديق اللي غلاته ثمينه
———-
الرسالة الثامنة:
الضحك ماهو علامه مستريح
والبكي احيان مايوحي بحزن
خذ مثل مني: انا قلبي جريح
وابتسم لك من غرابيل وشجن
وان بكيت يجوز ابكي من صحيح
من جرح، من ظلم، من صدمة زمن
او يجوز ابكي علشان استريح
او نتيجه شوق او خل طعن
———-
الرسالة التاسعة:
مات الحكي واحرجني الموقف احراج
وعجزت اعبر عن هواي اعذريني
ما غير جمله حطها الخوف بسياج
(قلبي يحبك حيل لا تتركيني)
نطقتها اخشى اسبب لك ازعاج
ولولا الغلا ماقلتها صدقيني
———-
