عذب القصيد _ قصائد مختاره _ ابيات رائعه _متجدد
نهار الوداع اقول ياعين لاتبكين=بلا دمع ربي عندنا رافع شانه
ترا الدمع مايوفيه حقه وقالت زين!!=الى مابكيته ويش اببكي على شانه
وقلت اصبري لين اتقي منه وابكي لين=تقول الفياض انها من الدمع ريانه
ويوم اتقى مني وانا واقف مابين=همومي وجرح مانزف تو عدوانه
تعذرت من عيني وقلت البكا تدرين=مايصخي به الا الي فقد خيرة اخوانه
شجاع الى صكوا عليه الرجال ايبين=وياخذ قضاه ويعطي الدين ديانه
وانا حالف بالله قد لي ثمان اسنين=ماعاد التفت للحب وابليس واعوانه
الين اعرضوا لي يوم انا خابر ثنتين=وغيري لو انه شافهم ضاع برهانه
تعززت مير ازريت ثم التفت ابزين=وهايمت في لولو حداهم ورمانه
يقولون لي في نجد تلقى ملاك الزين=وانا اقول هذي غلطت مالها خانه
هوى نجد لو يدري من الي سكن في العين=عذرني وجود خط بطحا على شانه
__________________________________________________ _________________
مرحبا ياللي عن عيوني بعيد=مرحبا والكاذب الله يلعنه
مرحبا وان قلت نبدا من جديد=قلت هاك القلب دشه واسكنه
والله ان قد لي وانا قلبي وحيد=واخر احبابي فقدته من سنه
احسب اني كل مره باستفيد=وما استفدت الا الجروح المزمنه
شي في قلبي وشي في الوريد=مابقى في القلب شي تطعنه
وانت من ذلحين لاترحل بعيد=وان رحلت امحق شهر وامحق سنه
__________________________________________________ ____________________
ياقلب من قفى وخلاك خله=احذر تهين النفس واترد خسران
قلب تملل منك ياقلب مله=طبه ولو للحب بك ظرب واكوان
عزة كسير مارضى بالمذله=وموتت شجاع اولا حياة بحقران
لو كل متمسكن لقى حاجتن له=والله ما اجيد المسكنه والتمسكان
الله خلق لي عزتن مستقله=اموت عادي بس لايمكن انهان
يابو سعيد امسي على حر مله=كله من الفرقى ولوعات الاحزان
عليك اعنز من ثقيلن بشله=وانا يمينك لاتراخت بك ايمان
فقدت اعز انسان باسباب زله=واكبر مصيبه كلها زلة لسان
___________________________________
من هو طلب منك الرضا ماهمني لو ترفضين=ماجيت لجل اسامحك جيتك انا باودعك
تذكري من هو معاك ايام مرت من سنين=يكتبلك احساسه قصير في وسط عينه مربعك
تذكري من هو عشق يعيش بايامه حزين=عطاك كل عمره فرح واشواق حبه متعك
تذكري من هو شكى من دمعته هم وانين=تصرخ مقادير الزمان لامر وقته هو معك
تذكري شمعة امل كانت بدنياناتضين=ترقص مشاعرنا ولاتحكي تقولي واسمعك
تذكري ياناسيه تذكري لوتذكرين=مادار بذهني ابد اني بيوم اودعك
__________________________________________________ __________________
مكتوب للكامل يجي فيه نقصان….ومكتوب للناقص زمانه يزيده
احيان نتكبر على الحزن واحيان….بكل ادب نمشي مع الحزن سيده
_______________________________________________
اخترت تجرحني وانا اخترت اسامح
وكل يبين معدنه باختياره
_____________________________
لا شفتني ابطيت عنك ولاجيت
سلم علي نفسك تراني نسيتك
________________________
موجود فالدنيا ولانيب موجود
في غيبتك كني من العقل خالي
يا مالك قلبي ترا الوقت محدود
انا دخيلك لا تزود هبالي
حبك تمكن .. صار من زود في زود
وارتاح لا هبت هبوب الشمالي
تلوفني في ريحة المسك والعود
وتسوقني يمك على كل حالي
اسرفت بي بالقد وعيونك السود
والخد برق في دجا الليل عالي
هافي حشا كنك مضمر ومجرود
يامدمج الساقين ياراس مالي
خليتني مابين حاسد ومحسود
واشغلت قلبي يابعيد المنالي
يا من على شانك ليا هبت النود
افز من نومي واجادل خيالي
واقول يكفي هجر وعناد وصدود
كني معك واثري وحيد لحالي
تبي الصراحه ما ورا صدتك فود
بقولها واللي طرالك طرالي
لاجيتني كني مبشر بمولود
وان غبت كني من يعزى بغالي
_____________________
هذي رهيبه مررره
من كثر ماكنت ! جارحني وظالمني ..
قمت اعزل جروحك بقلبي واسميها
الصوره اللي ( بجوالي ) تعذبني
…ياكثر ماجيت ابمسحها ! واخليها
ياللي جفيت وجفاك المر .. ذابحني
…عقبك وجيه البشر .. ماني بدانيها
من يوم حبك .. غزى القلب وتملكني
……..قطعت كل العلاقات وطواريها
اقرى رسايلك ودموعي تسابقني
..وارد ! واقرى الرسايل .. واحتفظ فيها
انت اخر انسان هاقي منه يصدمني .
…..والظاهر ان هقوتي بانت مواريها
لو الوصايا ليا احتديت ! تنفعني
…….ياكثر ناس على ذودي بوصيها
ليت الفرح ( بنك ) لاجيته يسلفني
….واقاصده ( راحتي ) وحقوقه اوفيها
من كثر ماكنت ! جارحني وظالمني
…قمت اعزل جروحك بقلبي واسميها
تدري وش اللي يبكيني ويضحكني
……….انك محامي قضيتنا وقاضيها
تدري متاك ؟ تعرف قدري وتفقدني
..لارخصت نفسك ,, لشخص مايراعيها
بكره الا هملوك الناس تذكرني
………وتقول عزاه : عيني من يداريها ؟
مدام غيري ؟ على قلبك مشاركني
……وش هو له ؟ اعلق الامال وابنيها
يكفيني انك رحلت ومنت عايفني
…….هذا عزا النفس من كثرة بلاويها
اهديتك : دموع من طعنتك تحرقني
……وانت اللي تستاهل الدنيا ومافيها
واهديتني جرح .. موجعني ؟ وعاجبني ؟
………لن الهدايا على مقدار مهديها
صحيح ! ( حنا انتهينا ) .. بس صدقني !!
…والله ان تبقى ( هوى روحي ) وغاليها
مفضوح ؟ راع الهيام .. ونظرته !! تغني
…..ملامحه واضحه ! , في وجهه راعيها
لكل داء دوا .. لو هو متعبني
……..الا محبتك ؟ .. اعيت من يداويها
ان قلت : علمني انسى ؟ لاتعلمني
………دنياي لامن نسيتك ويش تاليها
فارقتني وضحكتك عيت تفارقني
………….والله يلعن ابو الفرقا وطاريها
مقدر !! افكر بغيرك ؟ .. وانت عارفني
..عشان حاجه ؟ بقلبي .. مقدر !! اخفيها
اخاف لاحبني غيرك ؟ .. وعاشرني .
……..يشوف صورتك في عيني ويوحيها
نشدت عنك ؟ وسمعت اللي يفرحني
………..وارتاح صدري من هموم يحاتيها
تبي تعرف ! وش ؟ على الفرقا مصبرني
………..انك بخير .. وحياتك مهتني فيها
من يوم ماغبت ! والوحده تعذبني
…….اقرى ( رسايلك ) في حرقه والاحيها
اشوف ( صورتك ) .. ودموعي تسابقني
………وياكثر ماجيت ابمسحها ؟ واخليها
