هنالك عده امور مهمه يجب الانتباه اليها عند التحضير لعمل الحنة على شعرك لتحصلي على
النتيجةالجيده من غير تعب ومشاكل ممكن انك تتعرضي ليها..
1.يجب ان يكون الشعر نظيف حتى تتخلصي من اي تاثير للغبار والاتربة على شعرك وكمان
للتخلص من اي تاثير للزيوت على شعرك علشان تطلع النتيجة الي انت عايزاها وتستفيد فروة
شعرك وشعرك استفادة تامة من الحنة ويكتسب شعرك الون المطلوب
2-لا تدعي الحنة على شعرك اكتر من 4 الى 6 ساعات كي لا تنشف على
شعرك اكثر عن الزوم وبالتالي تعرض شعرك الى التقصف عند غسله.
3- حتى تضمني انك هتحطي الحنة بطريقة متساوية ياريت انك تقسمي شعرك الى قسمين او
اربعة اقسام.
4- وانت بتحطي الحنة ياريت انك تحطيها من جذور فروة الراس وصولا الى الاطراف، كمان
حطي الحنة على شعرك بمقدار ملعقتين في وسط راسك وبعد كده دلكيها باصابع يدك.
5- بعد كده ارفعي خصلة من شعرك بواسطة اصابع يدك الشمال وحطي فيها بواسطة المعلقة
قليلا من الحنة ودلكي بيها فروة راسك، وبعد كده كملي على باقي الخصلات بنفس الطريقة
لغاية ما تغطي الحنة منطقة الراس كلها.
6- سرحي شعرك باستخدام صوابع ايديك علشان تتاكدي ان الحنة غطت جميع جذور شعرك.
7- ممكن كمان انك تميلي راسك للاما علشان تحطي الحنة على نهاية راسك ودلكيها جيدا.
8- لفي شعرك على راسك على شكل طاقية وتدلكي الشعر بيدك حتى يتشبع الشعر جيدا
بالحنة.
9- غطي شعرك بونيه للشعرك وسبيه لمدة ساعة حتى تتفاعل الحنة مع شعرك وبعد كده
شيلي البونيه من على شعرك وده علشان تسمحي للهواء انه ينشف الحنة الي على شعرك.
10- اوعي تنسي انك تحطي قطعة من القطن حول البونيه في المناطقة الاتية: جبهة راسك
من الامام وخلف الاذنين وعلى منطقة الرقبة من الخلف حتى لا يتسرب سائل الحنة الى
الملابس او الى جلد الجسم ويغير لونه.
11- بعد كده سيبي الحنة المدة الي انت عايزاها بس خلي بالك انها ماتزيدش عن
6 ساعات.
12- بعد مرور الوقت الي انت عايزه ممكن انك تغسلي شعرك جيدا تحت ماء جاري
مع تدليك لفروة الراس جيدا للتخلص من جميع ذرات الحناء وبعد كده تغسليه.
13-ياريت وانت بتغسلي شعرك من الحنة انك ماتستخدميش الشامبو واكتفي فقط بغسله بالبلسم وتاني يوم
ممكن انك تغسليه بالشامبو وده علشان لون الحنة يثبت على شعرك
14- استخدمي مشط ذا اسنان واسعة لتسريح شعرك علشان تتاكدي ان مافيش اي بقايا للحنة
على شعرك.
15- لا تقومي بعمل حمام زيت لشعرك في نفس اليوم الي عملت فيه الحنة لكن
اتركيه لليوم الثاني وعلى فكرة من الضروري قوي لاصحاب الشعر الجاف انهم يعملوا حمام الزيت
تاني يوم، وعلى فكرة افضل الزيوت المستخدمة في عمل حمام الزيت بعد الحنة هو زيت
جوز الهند.
1- خلي بالك من المقادير… مقدار المية السخنة الي هتستعمليها يجب انه يكون مقدار مناسب
يجعل خليط الحنة متماسك ومش سائل.
2- كمان خلي بالك وانت بتحطي الحنة على شعرك انك ماتمسكيش الحنة بايدك ياريت انك
تستخدمي جوانتي بلاستيك وده علشان لون ايدك مايتغيرش.
3-لو كان شعرك جاف ياريت انك تقلي من كمية الخل الي هتحطيها على الحنة يعني
يكفي معلقة واحدة من الخل وتضيفي 3 معالق من زيت الذرة.
3-لو كان شعرك جاف ياريت انك تقلي من كمية الخل الي هتحطيها على الحنة يعني
يكفي معلقة واحدة من الخل وتضيفي 3 معالق من زيت الذرة.
4- لو عايزة تثبتي لون الحنة على شعرك لفترة اطول ممكن انك تغلي قشور البرتقال
واليمون مع الماء الساخن المستخدم في العجن.
5- فيه مشكلة ممكن انها تقابلك بعد ما تعملي الحنة وهي ان لون الحنة مش
باين في شعرك وده ممكن يحصل لو لون شعرك غامق… بس ولا يهمك انت ممكن
تقومي بتفتيح شعرك باستخدام اليمون وده عن طريق انك تشطفي شعرك باليمون المركز وبعد كده
تغسلي شعرك بالماء الفاتر.. وعندما يفتح.. استخدمي الحناء وهتشوفي النتيجة بنفسك..
بس خلي بالك لو شعرك جاف ياريت انك ما تعمليش عملية التفتيح دي.
حنة طبيعية بمفعول الصبغة
بعد ما حضرنا للحنة مع بعض تعالوا بقى نشوف ازاي الحنة الطبيعية ممكن انها تعمل
مفعول الصبغة بس من غير ما تؤذي شعرك ده غير انها كمان هتساعد على جمال
وتعومة شعرك..
طريقة التحضير
اخلطي كل المكونات مع بعضها ما عدا عصير اليمون وسيبها لمدة 3 ساعات في طبق
بلاسيتك الي فيه عجينة الحنة وده علشان المكونات دي كلها تتخمر مع بعضها البعض، بعد
كده ضيفي عصير اليمون بعد كده حطيها على شعرك من ساعة الى ثلاث ساعات على
حسب درجة الون الي انت عايزاه، يعني لو عايزاه احمر ناري مثلا يبقى سيبيها 6
ساعات.
وخلي بالك ان طريقة التحضير ثابتة في كل مرة والي بيختلف المكونات على حسب النتيجة
الي انت عايزاها ودي بقى مكونات الحنة على حسب الون الي انت عايزاه.شعر احمر
المكونات:
1- عشر ملاعق كبيرة حناء
2- عصير ليمونة
3-كوباية كركديه.
4- كوباية مية سخنة.
5- ثلاث ملاعق قشر الرمان المجفف.
6- كوباية من خل التفاح او الخل العادي.
شعر اشقر
افضل طريقة لعمل الحناء للشعر 444837women.gif
1- عشر ملاعق كبيرة حناء
2- عصير ليمونتين.
3-ثلاث ملاعق كركم.
4- مقدار مناسب من الماء الساخن
5- ملعقة كبيرة من خل التفاح او الخل العادي
شعر بني محمر
افضل طريقة لعمل الحناء للشعر 444838women.gif
1-عشر ملاعق كبيرة حناء
2- عصير ليمونة.
3- ثلاث ملاعق من خل التفاح او الخل العادي
4- ثلاث ملاعق قشور باذنجان مغلية
5- مقدار مناسب من الماء الساخن
لشعر بلون الشيوكولاتة
المكونات:
1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح او الخل العادي
4- ثلاث ملاعق من بودرة الكاكاو
5- مقدار مناسب من الماء الساخن
لشعر كستنائي
افضل طريقة لعمل الحناء للشعر 444839women.gif
1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح او الخل العادي.
4-كوب مغلي من البابونج
5- مقدار مناسب من الماء الساخن.
لشعر النحاسي
افضل طريقة لعمل الحناء للشعر 444840women.gif
1- عشر ملاعق كبيرة حناء.
2- عصير ليمونة.
افضل طريقة لعمل الحناء للشعر 444841women.gif
3-زجاجة سفن اب صغيرة.
4- مقدار مناسب من الماء الساخن
لشعر بلون دم الغزال
المكونات:
1- 10 ملاعق كبيرة حناء.
2- عصير ليمونة.
3-كوبان من محلول دم الغزال عبارة عن (ملعقة كبيرة من بودرة دم الغزال في كل
كوب ماء
4- مقدار مناسب من الماء الساخن.
5- كوب من خل التفاح (او الخل العادي).
لو شعرك فاتح وعايزة تغمقيه
افضل طريقة لعمل الحناء للشعر 444842women.gif
1- نصف فنجان حنة حمراء.
2- نصف فنجان حنة سوداء.
3- فنجان من اوراق عشب البابونج مطحونة.
4- مية سخنة
الطريقة:
اخلطي المكونات دي كلها مع بعضها وسيها نصف ساعة لغاية ما تتخمر وبعد كده حطيها
على شعرك من ساعة الى ثلاث ساعات او اكتر على حسب درجة التفتيح الي انت
عايزاها.
حنة طبيعية لتغذية الشعر
طبعا احنا متفقين ان الحنة ليها فوائد تانية كتير قوي غير تلوين الشعر، علشان كده
عملنا الوصفات دي مخصوص علشان تغذي شعرك بالحنة من غير ما لونه يتغير..
لكل نوع شعر حنة..
حنة للشعر الجاف والعادي
المكونات:
نصف كوباية كبيرة حنة حمراء.
كوباية شاي مغلي بدون سكر
3 ملاعق زيت زيتون.
الطريقة
اخلطي المقادير كلها مع بعضها وخلي بالك اذا كانت خلطة الحنة غليظة ممكن انك تضيفي
نسبة الشاي اكتر لغاية ما تلاقيها بقت متماسكة القوام. وسيبيها لمدة ساعة وبعد مرور ساعة
حطيها على شعرك وسيبيها لمدة 6 ساعات وبعد كده اغسلي شعرك زي ما اتفقنا وتاني
يوم اعملي حمام زيت لشعرك وانت تشوفي النتيجة.. شعرك هيكون في نعومة الحرير.
حنة للشعر الدهني
المكونات:
نصف كوب كبير حنة.
كوباية شاي مغلي بدون سكر.
عصير ليمونة
الطريقة
اخلطي المكونات مع بعضها البعض وسيبيها لمدة نصف ساعة وبعد كده حطيها على شعرك وبعد
مرور 6 ساعات اغسلي شعرك زي ما اتفقنا.
الحنة لازالة القشرة
ودي طريقة ممكن انك تجربيها وهتساعدك على ازالة القشرة.
المكونات:
حنة حمراء.
ماء.
نصف فنجان خل.
الطريقة
اخلطي المكونات دي كلها مع بعضها وسيبيها لمدة نصف ساعة وبعد كده حطيها على شعرك
لمدة 6 ساعات، وبعد كده اغسلي شعرك، كرري هذه العملية مرتين في الشهر وانت هتشوفي
النتيجة بنفسك مش هتلاقي للقشرة وجود في شعرك.
حنة بالبيض لتطويل وتقوية الشعر
افضل طريقة لعمل الحناء للشعر 444843women.gif
كوباية حنة
بيضتان.
نصف كوب ماء او شاي من غير سكر
الطريقة
اخلطي كل المكونات دي مع بعضها البعض وسيبيها لمدة نصف ساعة وبعد كده حطيها على
شعرك. كرري العملية دي مرتين كل اسبوع وبعد مرور شهر هتلاقي نتجية انما ايه؟
الحنة لتفذية الشعر
دي بقى مجموعة من الوصفات الي ممكن تجربيها والي بتساعد على تغذية الشعر..
حنة بالزبادي
المكونات:
كوباية زبادي.
نصف كوب حنة.
كوب من الماء.
الطريقة
تخلط المكونات السابقة مع بعضها وتوضع على الشعر مباشرة.. بعد الخلط كرري العملية دي مرة
كل اسبوع وبعد مرور شهر هتشعري بالفرق بنفسك، وده لان الوصفة دي ميزاتها انها بتغذي
الشعر..
الحنة بالحلبة
هذه الوصفة بالذات بتصلح لصاحبة الشعر الناعم جدا، وده لانها بتقوي الشعر وتزيد من صلابته.
المكونات:
حلبة مغلية.
نصف كوب من الحنة.
الطريقة
اخلطي المكونات دي كلها مع بعضها وسيبيها لمدة نصف ساعة وبعد كده حطيها على الشعر
وهتشوفي النتيجة بنفسك.
الحنة بالزبادي والبيض
افضل طريقة لعمل الحناء للشعر 444844women.gif
كوب حنة.
كوب ونصف زبادي
بيضتان.
الطريقة
اخلطي المكونات كلها مع بعضها وبعد كده حطيها على شعرك مباشرة واتركيها لمدة 4 ساعات..
كرري العملية مرة كل اسبوع وبعد فترة هتلاقي الفرق واضح على شعرك.
الحنة بالعسل
المكونات: كوب حنة.
3 ملاعق عسل.
كوب ماء.
الطريقة يحلى الماء بالعسل الى ان يذوب ثم يضاف الى الحنة، وتخلط المقادير جيدا وتوضع
على الشعر، والوصفة دي بتساعد على تغذية الشعر وتقويته بس انت حاولي انك تجربيها مرة
كل اسبوع لمدة شهرين وانت هتشوفي النتيجة بنفسك.
