المقادير:3 كوب بسمتي منقوع 2 ونص كيلو لحم ضاني طماطم مكعبات بصل مكعبات البهارات المطحونة
عبارة عن (حبهان مطحون . بهار كبسة . كركم .كزبرة ناعمة . ملح . فلفل
اسود . بابريكا ) البهارات الصحيحة (2 ورق لورو . 3 لمون ناشف . 10
فصوص حبهان صحيح . 10 فصوص قرنفل صحيح. 2 عود قرفة ) ربع كوب زيت
التحضير:هنجيب اللحمة ونحطها ف بوله
وهنجيب البهارات المطحونة ونحط من كل بهار معلقتين ماعدا الفلفل الاسود ونحطها ف طبق
وبعدين البهارات ديه هنجزئها 3 اجزاء ونقلبهم كلهم مع بعضهم اول جزء هنتبل بيه اللحمة
هنجيب بعد كده صينية نحط فيها الزيت والبصل
وبعدين ننزل باللحمة
وبعدين نقلبها تاخد لون حلو
ننزل بالطماطم المكعبات والمية المغليه بحيث تغطي الحمة
ونسيبها تستوي ع البوتجاز من فوق
وبعدين نسيبها تتشرب المية لحد ما تبقى ربع الصينية الطبخ: نشيل اللحمة من الشوربة ديه
وناخد الشوربة ونحطها ف حلة ونزود عليها مية ونحط البهارات الصحيحة والجزء التاني من البهارات
المطحونة ونسيبها تغلي ع النار
وبعدين نحط الرز لما المية تغلي ونحط معلقة صلصة طماطم
عندنا فاضل من البهارات المطحونة الجزء التالت والاخير
هنحطه ع اللحمة مع معلقة زيت وندخلها ف صنينة ف الفرن معلش مصورتش الخطوة ديه
وبعدين نوطي ع النار لما الرز يتشرب المية بتاعته
طبعا هنشيل الللمون الناشف والقرف قبل ما ننزله ع الطبق بتاع التقديم
هنزينه بالصنوبر واللوز والبندق
