طريقه عمل الشمع المعطر بخطوات سهله وكمان شكله حلو-طريقه عمل الشمع الملون-بالصور افكار لعمل الشمع
السلام عليكم
هاقدملكم طريقه عمل الشمع في البيت وبطريقه سهله وكمان هايكون ريحته حلوة.
هاتجيبي كل الشمع المكسرعندك وكمان الشمع بتاع السبوع وتجيبي كوبايه شكلها حلو بس تكوني مش
محتاجاها وتجيبي صينيه برده مش عايزاها ومستغنيه عنها وتلمي كل الفتل بتاعت الشمع المتكسر وبنسة
شعر وزيت عطري خام من عند العطار وممكن تجيبي الوان عشان لو حابه تلونيهم وكمان
لو عندك قوالب قديمه او اي علب قديمه عشان تعملي بيها اشكال.
طريقه عمل الشمع المعطر بخطوات سهله وكمان شكله حلو-طريقه عمل الشمع الملون
الطريقه:
هاتسيحي الشمع في الصينيه عالنار وبعد ماتسيحيه شيله من عالنار وتحطي عليه الزيت العطري وتبداي
تحطي شويه شويه في القوالب والكوبايات اللي انتي محضراها للشمع وطبعا ماتنسيش تثبتي الفتله في
وسط الشمع بسرعه قبل مايتجمد.
ولو عايزه تحطي الالوان بعد ماتحطي الشمع في القوالب وقبل مايتجمد تبداي في انك تخرمي
الجوانب بتاعت الشمعه بالبنسه وتحطي فيها الالوان وبعدين تحطيها في ميه دافيه عشان الالوان تدخل
في بعضها وتطلع شكل حلو.
وكمان ممكن تعملي الشمع في قشر برتقال او فشر بيض بنفس الطريقه.
