المقادير
العجينة
6 كوب ماء
2 معلقة شاي ملح
1 3/4 كوب دقيق ذرة اصفر
3 معالق زبدة بدون ملح
باقي المقادير
زيت للقلي
مبشور جبنة بارميزان
بودرة جبنه -اللي بتتجاب للفشار-
هنحط المية على النار لحد ما تغلي في حاجة غويطة
ونحط عليها بعد ما تغلي الملح
ونضيف دقيق الدرة بالتدريج ونقلب
نوطي النار لحد ما الخليط يتقل
وده بيكون حوالي ربع ساعة
نطفي النار
ونحط الزبدة ونقلب لحد ما تسيح
ماشي؟؟
ناخد بعد كده من العجينة دي 3 كوبايات
ونفردها بسمك ما بين 1.5 و 2 سنتي
ونحطها في التلاجة لحد ما تبرد وتتماسك
نطلعها ونقطعها لقطع
-القطع المقترحة بتكون 5 سنتي طول في 2.5 سنتي عرض-
-جربي انتي تقطيع مختلف وشوفي هتظبط ولا هتتحرق لو ارفع-
هنسخن الزيت في اثناء التقطيع طبعا عشان اول ما نخلص تقطيع نقلي
وهنعملهم مجموعات
يعني نقلي حبة لغايه ما يبقو لونهم دهبي
ونحطهم على مناديل تنشيف
ونحط اللي استوى في الفرن المطفي عشان مش يبردوا عقبال ما نقلي اخواتهم
ولما نخلص
نجيب البودرة بتاعت الجبنة ونرشها وممكن نزود البارميزان حسب الرغبة
اكيد طبعا ممكن تتعمل بطعم تاني غير الجبنة
عند العطارين الكبار هتلاقي بودرة شطة وليمون وبودرة الجبنة
طريقة اخرى
طريقة عمل سناكس الجاودار المحمص
كوب حبوب الجاودار
ماء كافي للنقع
التحضير:
تنقع الحبوب لمدة 48 ساعة مع تغيير ماء النقع كل 12 ساعة
تصفى الحبوب جيدا من الماء
الطبخ:
تحمص الحبوب مع التقليب المستمر حتى تظهر رائحة التحميص
مع الحرص حتى لا تحترق
ملاحظات:
تؤكل مع انواع البذور و الحبوب المحمصة الاخرى (اللب)
كوجبة خفيفة (سناكس)
