انا اليوم حبيت اعلمكم الطريقة بالشرح الممل . شئ بنشتغل سلسلة على حسب عرض لبلوزةاللى
تحبيه
وبنشتغل 1عمودية و2 سلسلة وهكذا نشتغل 1 عمودية 2 سلسلة لحتى نخلص جميع السلسلة الاساسية
لما نبدا في السطر الثالث اكيد رح نرتفع 3 سلسلة عشان نوصل طول العمودية بعد
ما نعمل 3 سلسلة بنشتغل 3 عمودية بنفس الفتحة و2 سلسلة وكمان 3 عمودية بنفس
الفتحة يعني بيكون مثل نص الوردة بالرسم مبين لازم نبدا وننهمي السطر بالغرزة دى عشان
يطلع الشغل مرتب وما ينزاد اي شي من الجوانب
بعد ما نعمل 3 عمودية بنفس الفتحة بنكمل 4 سلسلة ونشبكهم في العمودية التانية من
السطر السابق
مبين في الصورة طبعا بنشبكهم بغرزة الحشوة وبنعمل 8 سلسلة وبنرجع نشبكهم في الغرزة التانية
كمان بغرزة الحشوة وبنكمل لحت يصير عنا 6 _ ثمنيات طبعا هدول الستة يلي انا
خترتهم ازا انتو حابين تعملو اقل يعني 4 او 5 على راحتكم بس المهم انة
بعد 6 اهرمات بدي اسميهم اهرمات لانة شكلهم متل المثلث رح يصير برجع بعمل 4
سلسلة يلي هم نصف 8 يعني نصف الهرم وبنعمل 3 عمودية و2 سلسلة و3 عمودية
في نفس الفتحة متل يلي شتغلناها في اول السطر وهيك بتكون الرسمة كملت بنرجع بنعيد
نفس الشي لحتى نخلص عرض لبلوزة المهم متل ما بدينا نختم عشان نقدر نتحكم بالعدد
ما يزيد ولا ينقص طبعا رح ننهي السطر بعد 3 العمودية بغرزة عمودية لوحدها اخر
السطر …
السطر يلي بعدة رح نبلش في السلسة 3 كالعادة ونرجع نعمل القطبة يلي رح نشتغلها
دايما في الاول والاخير لكن هون رح يختلف بعد ما اخلص 3 عمودية بعمل 1
حشوة على اخر قطبة من العمودية يلي في السطر السابق وبعدها بكمل 8 سلسلة وبشبكهم
في راس الهرم يعني في وسط 8 حبات يلي تحت عشان اقسمهم كل 4 على
جهة ديروا بالكم لازم في الوسط يعني نغرزها بوسطها والا ما بتزبط بنكمل لحت نوصل
لنصف الوردة متل ما سميتها وبنعمل 3 عمودية و2 سلسلة و3 عمودية متل تحت هيك
بنكمل كل الشغل لحد ما نوصل لعند الحفرة
في نقطة لازم تنتبهولها انة سطر بنبلش 8 سلسلة وسطر بنبلش 4 ولو بتنتبهوا رح
تشوفوا انة نصف الوردة كانها كتملت لكن مش وردة بالظبط لكن مرة بتكون مفتوعة ومرة
بتتسكر رح احاول اصورها وانزلها لوحدها عشان تنتبهولها
طبعا لازم نختم السطر بعمودية لا تنسوا
طبعا لازم يكون الشغل متل هيك
طبعا بنكمل الشغل لغاية ما نوصل لحفرة اليد
طبعا الحفرة رح نشتغل فوق 6 العمودية غرزة الحشوة لحد ما نوصل قطبة السلسلة يلي
متل الهرم كمان بنشتغل عليها 4 حشوة لغاية ما نوصل 8 متل الصورة وبنكمل شغل
متل العادة لغاية ما نوصل اخر الشغل ما بنكمل فوق 6 بنتركهم بنشبك السلسلة متل
العادة على اول قطبة وبنبلش السطر يلي بعدة ب 4 حشوة على الهرم لغاية ما
نوصل النصف وبنعمل 8 سلسلة وبنكمل متل الشفل الاول
بنكمل الضهر تقريبا 14 سطر متل الصورة
حفرة الصدر نفس الشي لكن بنقسم الشغل من الوسط وبنعمل حفرة القبة
الكم ……..بنقوم بثني الصدر وبنحسب كم بدنا عدد غرز للكم وبنبلش
سلسلة متل الضهر والصدر لكن الكم بعد ما نعمل السطر التاني يلي هو سلسلة 2
وعمودية 1 بنبلش السطر الثالث على طول اهرمات متل الصورة
وبكمل السطر متل الشغل يلي قبل لكن هون بنبلش نحفر من اول سطر للكم وبنكمل
الحفرة متل الصدر والضهر يعني لازم تكون الحفرة نفس العدد في الصدر + الضهر+ الكم
نشبك الكم مع الصدر والضهر بغرزة الحشوة والجوانب كمان
نحبك البلوزة من جميع الداير الكم والقبة اي غرزة احنا بدنا ياها
وهيك بتكون لبلوزة خلصت يا رب تعجبكم
