اصعب فراق((الام))
القلب يحزن والمدامع غزيره
في جوفي نارا من لهبها تبكيت
والدارظلما كانت امي تنيره
يايمه وينك من دونك خلا البيت
قلبي تفطرعلى الفرقاءالمريره
امنت بالله وبااقداره ترضيت
الموت حق وكلن له مصيره
وموت النبي قبلك يايمه تعزيت
هذاجلالك وريحك في عبيره
كل يوم اشمه ولاشفته تهنيت
صوتك يايمه يامحلا اثيره
حنانك يمه يخليني تدفيت
من يوم رحتي والمشاعراسيره
محدا يفضفضه و ابصمتي تسجيت
يايمه منهو اجيله واستشيره
يعدلني لا شفت الصواب وتنحيت
يايمه كلن يناظرلي بحيره
من يوم رحتي وانا اللي ماتواسيت
يوم كنتي عندي كني امير ديره
كلن يناديني يقولي تعال هيت
ويوم رحتي يمه وكني في جزيره
و حيدا فيها عن الناس تواريت
اجي دويخ في وقت الظهيره
محدا سال عني يقولي تغديت
وابيت ليلي وعيوني سهيره
كم من ليالي نايما ماتعشيت
ظروف يمه تواجهني عسيره
الشكوا لله بظروفي تعنيت
ياكم تعلم من معاني غزيره
يامنهل التعليم منك تربيت
كم قصة قلتي وللماضي نسيره
ولا جيت عندك سواليفك تسليت
اااه يا يمه نظراتي الاخيرة
مليت كفي تربا ثم حتيت
ابشري يمه بدعوات كثيره
كل ما ذكرتك وللرحمن صليت
