اتوفي يوم اﻻربع 17 / 6 / 1998 عن 87 سنة قبل الوفاة ب 18
يوم انقطع عن اﻻكل خالص و لما بنته تجبله اكل يقولها يا بنتي مانا لسة
واكل تقوله طب خد فاكهة طيب يقولها مانا لسة واكل مانجا اهو مانا لسة واكل
تفاح و هكذا ((: و بعدها باسبوع انقطع عن الشرب – كان ساعات ينام فجاة
بالساعات و ميتحركش فيصحوه عشان قلقوا يصحي مخضوض فابنه قال متصحيهوش و لو عايزين تطمنوا
اقري جنبه قران و لو غلطت هتﻼقيه بيصححلك .. وفعﻼ حصل كدة ^^ ” يوم
اﻻحد 14/6 ” ( قبل الوفاه ب 3 ايام ) ابنه عبد الرحيم كان قاعد
ف الشقه اللي فوق فلقي بنته جاية تقوله ان الشيخ سالها ابوها فين قالتله فوق
قالها قولي ﻷبوكي يجهز العربية قالتله حاضر فقالها هو النهاردة كام قالتله 14 فعد علي
ايده 14 15 16 ياااه 17 ﻷ قوليله جهز العربية بسرعة ،،جات تمشي قالها النهاردة
ايه في اﻻيام قالتله اﻻحد قالها الحد اﻻتنين الثﻼت اووه ﻷ قوليله يا بنتي بسرعة
. فابنه عبد الرحيم لما حكتله كدة اتصل بواحد اسمه عبد الرحمن فبلدهم ( ميت
غمر ) قاله جهز المقبرة اللي اتفقنا عليها بعدها ابنه نزل لقاه قاعد علي السرير
و منزل رجله و بيقوله هاااا قولت لعبد الرحمن قاله اه يا موﻻنا قاه برافو
عليك فهمتني يا وﻻ فقاله الحمد لله ” يوم التﻼت ” قبل الوفاة بيوم الساعة
12 بليل الشعراوي قال ﻷبنه انا عايز استحمي فدخلوه قالهم انا عايزة ليفة خشنة و
تدعكوا جسمي جامد و هاتولي لبس جديد خالص و جﻼبيه بيضا جديدة و لما خرج
قال لحفيدته اعمليلي ضوافري بقي و سويهم و قال ﻷبنه و انت ظبطلي دقني بقي
.. فابنه بيهزر معاه بيقوله هتعمل فيها عريس وﻻ ايه فقال ” ايوه صح كدة
انا عريس ” ‘- الساعة 3 الفجر” فجاة قال لوﻻده واحفاده اطلعوا برة بقي و
سيبوني شوية مع ربنا فالرجاله طلعوا الشقق فوق و البنات قعدوا في البيت تحت ”
اﻻربعاء الساعة 6 و نص الصبح” يوم الوفاة فجاة ابنه عبد الرحيم صحي من النوم
و خرج لقي الرجالة هم كمان صحيوا و نزلوا البيت تحت لقي اخته بتعيط قالها
فيه ايه حصل حاجة قالتله ﻷ مفيش دة لسة شاتمني فقالها ليه قالتله انا جيت
ادخله عشان يمكن مصﻼش الفجر جيت افتح اﻻوكرة مفتحتش فزقيت الباب لقيته فتح و زعقلي
. فابنه خد اخته و دخل للشيخ اﻻوضة لقاه برضة قاعد علي السرير و منزل
رجله فبيقوله ايه بتزعق لفاطمة ليه فقاله سيبك منها احنا قاعدين في الحضرة و دي
داخلة علينا و هي مش شايفاهم و ممكن تدوس حد فيهم فخوفت عليها و زعقتلها
مشتمتهاش . فقعدوا يهزروا مع بعض و يفتكروا ذكرياتهم و فجاة الشيخ لم رجله طلعها
علي السرير و قال الله الله و بص فوق و قال اهﻼ وسهﻼ سيدي ابراهيم
اهﻼ ستي زينب اهﻼ سيدنا الحسين اهﻼ كذا و كذا و قال اسامي كتييير من
اسامي اﻻولياء الصالحين و فجاة قال الله الله الله انا استاهل كﻸ دة !! ؟؟
ليه كدة انا جاي اهو انا جاي اشهد ان ﻻ اله اﻻ الله و اشهد
انك ( و مشاور بصباعه )محمد رسول الله . وتوفي ” فكشفنا عنك غطاءك فبصرك
اليوم حديد ” صدق الله العظيم ((: زفة عريس فعﻼ اللهم ارزقنا حسن الخاتمة
