كتبت هاي القصيده لكل الي حبو حب من طرف واحد وانجرحت مشاعرهم
يارب اكون وصفت احساسهم ولو ماينوصف اكيد ……..بهل ابيات وياريت اتنال اعجاب الجميع ؟
حبيتك حب من طرف واحد وقبلت اكون الضحيه
حبيتك صدك موندمان وادري قسمتك مو اليه
وراضي بكل الي تكوله حتى لو اكضي عمري بلاذيه
علات الهوى مالها حلول بس علتي تشفى من تكمش اديه
لك اه واذوب اشلون قطعت ثلج تشتهي اميه
لك روحي تعلكت بيك وانت بكل بساطه تكلي خيه
لك من عمت عينك من كلتها ابد مافكرت بيه
لك كلها تعرف بقوتي وانت من كلتها ماضل حيل بيه
اداري دموعي بحسرتي وانثرها نثر على اثريه
لملمت منك فرح واطيتك كل ماعدي من حنيه
حنيت عليك وكلت بلكي بيوم الله يهدي ويحن عليه
طلعت حنيتك لكل الناس ومن توصل يمي تبخلها عليه
تعرف ليش؟لان اني من حبيت انطيتك روحي هديه
وانت ماقصرت هديتني كل ماعندك من انانيه
فكرت بنفسك وبس!وماضيعت وكتك وفكرك مر مره بيه
صحيح انظلمت وياك بس هذى القاسمه ربك اليه
ياروحي!تره اني مو اول مضلوم يدخل سجنك بلا قضيه
هم القاضي يقضي عليهم وانت بيدك قضيت عليه
وطلب اخير اطلبه منك من اصير اكبالك عينك لاتصد عليه
لان من تصد روحي تروح وحتى البيدي يصير مو بديه
شوف تره كل الصار مقسوم وبعد حبك ماجتني المنيه
كافي الراح من عمري واني بعدك راح املك الدنيه
اما انت مااشمت بيك بس اكلك انتظر يصير بيك مثل ماصاربيه
والله مايكطع بعباده بس هي دنيه اتدور واكيد اتدوربيك مثل مادارت بيه
حبيتك حب من طرف واحد ورضيت اكون الضحيه ؟؟؟؟؟؟؟؟؟؟؟
