قصتي حزن ومرارة ,,,, تحكي عن سارة الفتون
لبسهاعالموضة دايم ,,,, والعباية بكل لون
العطر فواح منها ,,,, والكحل غطى العيون
تقول: (ايماني في قلبي ,,,, لا تسيؤن الظنون)
يا شريفة يا عفيفة ,,,,* ليه رشيتي العطر؟؟
يالي اهدافك نظيفة ,,,,* ليه جملتي الثغر؟؟
ليه لسيقانك كشفتي ,,,,* وليه لشعرك والنحر؟؟
ليه خصرتي العباية ,,,,* لين ابديتي الصدر؟؟
شافوا سارة رجال حسبة ,,,, كلموها وانصحوها
مخافة الله ذكروها ,,,, ومن عذابه حذروها
ام سارة خاصمتهم ,,,, واشتكتهم لابوها
والاب اللاهي تكلم : ,,,, (بنتي حرة اتركوها)
مرة سارة خارجة ,,,, من بيتها ويا الرفيق
اصدمتهم شاحنة ,,,, في حادثة وسط الطريق
من عقب ملهى ومقهى ,,,, صاروا في قبر وضيق
وصاروا عبرة لكل عاصي ,,,, عله من غيه يفيق
الشباب في كل مول ,,,, ما دروا شي الي جرى
وين سارة ؟؟ يسالون ,,,, موت سارة ما طرى
ما دروا انك يا سارة ,,,, غيبوك في الثرى
ما دروا مين الي باع ,,,, وما دروا مين اشترى
كم فسدت وكم غويت!! ,,,, ما سلكت درب الهداية
ليت ربي ما عصيت!! ,,,, ليت ما طعتك هواي !!
ليتني يوم اني مت ,,,, ماتت ذنوبي معاي !!
ليتهم يوم ادفنوني ,,,, ادفنوا ذيك العباية !!
ليت ابوية يوم جوني ,,,, قال يا بنتي خطيتي !!
ليت ما طعتيني يمة ,,,, ولعباتي ما شريتي !!
ليت لافعالي نهيتي ,,,, ولعذابي ما سعيتي !!
ليت حرصتي علي ,,,, ليت عني ما غفيتي !!
ماادري وش بالقى يا يمة ,,,, يوم نومي في القبور !!
القى حفرة والا روضة ,,,, القى ظلمة والا نور !!
القى نار والا جنة ,,,, القى ظل والا حرور !!
اه من دنيا الاماني ,,,, اه من دنيا الغرور
ليه تبرجتي يا سارة ؟؟ ,,,, ما قريتي في الكتاب ؟!!
السور انزلها ربي ,,,, فيها ايات الحجاب !!
ليه بحكمه ما رضيتي ؟؟ ,,,, ليه جانبتي الصواب ؟؟
ليه تكبرتي وعصيتي ؟؟ ,,,, ما تذكرتي الحساب ؟!!
يا بنات في كل ديرة ,,,, لا تسوا مثل سارة
التبرج والسفور ,,,, هوعنوان الخسارة
الحجاب هو الرقي ,,,, والتقدم والحضارة
الحجاب تقوى وعبادة ,,,,* الحجاب عفة وطهارة
ما نقول حجابنا ,,,, تقليد وعادة ما نقول
ما نقول هو خيرة ,,,, نتبعها او نحول
ما نقول قول على ,,,, قول ربي والرسول
ما لنا الا الرضى ,,,, بشرع ربي والقبول
