من اجمل قصائد حامد
زيد قصيدة اهل الجنوب وقصيدة الجمهرة
قصيدة الجمهرة لحامد زيد
الجمهره
مشكلتي اني ماعرفت احسب لصدتهم حساب … قلطتهم صدري على ذكري قصيد وحنجره
صوت يصول بمنبره واخطاب مامثله خطاب .. والطيبه اللي زعزعت صوت الخطيب ومنبره
مافيه دمع صوبوه احبابي بوجهي وخاب … ولازرق حزني على غالي ولافج انحره
كل الزهاب اللي معي ذكرى من اصحاب الزهاب … واللي بقالي من عذاب اشرس طريقي
واخطره
لاني تجنبت الغرق.. عديت من فوق السحاب .. لان اكثر اصحابي ورق..ماشفت للطيب اثمره
والله ماحطيت بين الحقد والخوه حجاب … حتى غدوا ربعي يحدوني على الضيق اشكره
اثر المصايب ماتجيك الا من الناس القراب .. وبهالزمن حتى الخوي اللي تثق فيه احذره
لابارك الله في رفيق تزعله كلمة عتاب .. ولاجمع الله الرجال اللي تفرقهم مره
الصاحب اللي مايجي من صحبته غير العذاب … نذر علي ان ماهجرني والا انا اللي
باهجره
من يفتح لفرقاي باب افك له عشرين باب … واذا خويي مايقدر خوتي مااقدره
عقب اكتئاب البارحه ماعاد انا حمل اكتئاب … الطيب جرجرني وانا ماني بناقص جرجره
اللي يخاف من الظما يترك لنا طرد السراب .. واللي ماهو بقد الظلام ووحشته لايسهره
انا تجرعت الظما لين احترق وجهي وذاب .. انا كسرت بخاطري قبل الصداقه تكسره
انا اكثر (انسان) تعلم من كثر مااخطا وصاب .. انا اخر (لسان) يتكلم في زمان
الثرثره
جفني وجرحه السهر ، حيلي وهدت الصعاب .. دمعي هدر،ضحكي ندر،عمري وضيعت اكثره
شيبت بعقول العرب..هيبت روس ماتهاب .. جمهرت ناس عمرهم مايعرفون الجمهره
ماصرت ذيب الا لان اللي تحدوني ذياب .. ما كنت اغيب الا لان العفو عند
المقدره
ترى حلاتك لاحملت لصاحبك كلمة عتاب .. ان مانطقت بها بوجهه ماتذمه بظهره
ودك اليامن جاتك الغلطه من الناس القراب .. الصاحب اللي ماكسبت محبتهم
- كلمات شاعر يتكلام عن غدر الصاحب حامد زايد