حبيبي نام ياعمري على صدري وصارحني
وفض الصمت باحساسك وخل الحب لي يجري
وفضفض لي بعد عمري وعاتبني وفهمني
انا اطري على بالك كثر ما انته علي تطري؟!
تعال اقرب من احضاني ترى خدك مواعدني
يبي يلامس شغف روحي ويقطف بوحي من شعري
تعال انثر هنا ليلك وخل ويلك يولعني
انا احبك وابي قربك.. ترى مني قضى صبري
انا نبضك زهر ارضك وانت؟! ايه تملكني
بنحل خصرك ..جمر ثغرك وزود بلونك الخمري
تتوهني .. تغرقني.. ومن بردك تدثرني
وتبكي لي وتشكي لي وله قلبك ومن سحري
ابي دموعك مع انفاسك بصدق الود تحرقني
وابي عطرك مع سحرك واهك بالحشا تسري
ابي همسك يبعثرني غلا ولمسك يلملمني
وابي عيونك من عيوني تذوب من الولع كثري
وابي عهدك مع وعدك وابي كلك تسلمني
ابي ايدك تسافر بي وزهر قدك يلحفني
واهيم بعالمك عاشق جنوني انت .. وانت بي تدري
تشوف الجمر بعيوني؟! تشوف الشوق جنني؟!
اجل تدري مثل ما ادري بانك حلمي يابدري
حبيبي قوم وصارحني عن احساسك وعلمني
انا اطري على بالك ؟! كثر ما انته علي تطري؟!
والله اني مفارق شعر الغزل
بس من شفتك وانا ببحره غريق
كامل الاوصاف والحسن اكتمل
كملك ربي وخصك بالخليق
من كحل عينك عيوني تكتحل
وان تناظر بي يجي بعيني بريق
القمر وان شاهدك غاب وافل
يستحي في محجر عيونك يويق
صورك ربي سبحانه وجل
تاج زين الكون بك وحدك يليق
