وصفة لسحر الازواج:
الكثير من الزوجات يخافون على ازواجهم من السحر ، وانا بعطيكن اليوم سحر مضاد تسحرين
فيه زوجك وما تقدر اي وحده خايسه برع البيت تسحره !
لكن خلونا نرجع شوي للبنت قبل الزواج واللي فعلا تكون فعلا ساحرة مب بس بالمكياج
والرموش الصناعيه اللي ما اختلفنا ان الجمال يضمر مع السنين لكن ساحره بصوتها ، بنظراتها
، وباهتمامها بانوثنها … وين سارت هذي الاشياء والا بعد كان مكياج ويزول بعد الزواج
!
الزوجات يقولن ليش الريل يسير يدور وحده ثانية وانا مسويه له ولعياله كل شي يباه
… مستحيل لو محصل كل شي يباه فالبيت بيسير يدور برع البيت … الزوجه تسوي
فعلا كل شي لزوجها … لكن لحظة هل لي تسويه الزوجه هو ما يريده الرجل
؟
الزوج ما يبغي ام لعياله وطباخه ومهندسة ديكور ومنسقة حفلات ومفتشة بلدية ولكن يريد نفس
البنت لي تزوجها مب بالشكل لكن بالطباع … والا بعد الطباع والانوثه تمتش مثل اصباغ
المكياج !
وما يؤكد هذا الشيء هو كلام الكثير من الزوجات ان الزوج احيانا يترك زوجته لمن
هي اقل جمالا من الزوجه … اسالي نفسك يا زوجه ليش … يمكن تشل شنطة
احسن من شنطتك … او موترها احلى من موترك … او تعاملة معاملة ما يحصلها
في البيت !
والله ثم والله ثم والله لو كنت امراة و زوجه لخليت زوجي يسجد عند ريولي
وما بيقدر يفكر في حرمه ثانية او حتى يطلع ويا ربعه يجلس على القهوة …
السحر عندك وانت تعرفينه … لكن بعطيك مساعده هو مب الصريخ ولا ويع الراس ولا
النجره !
قوتك في انوثتك … واذا حاولتي تعاملين الرجل بالقوة والعنف والقسوة والصريخ فستخسرين … لانه
بكل بساطة اقوى منك … لان الله خلقه كذلك … فكوني انت ايضا كما خلقك
الله انثى جميلة رقيقة .
يرجى من كل الزوجات ارسال رساله حلوه لازواجهم الان يذكرونهم بحبهم وبشوقهم لهم!
ابدي في السحر من الان وشوفي النتائج المضمونه !
