لي ثلاث ايام
لي ثلاث ايام ما جاني خبر
واعنا قلب المولع واعناه
كن يوم الناس للعاشق شهر
لا رساله ولاكتاب ولا وصاه
اتصبر يا معين اللي صبر
واتحرى غاية القلب ومناه
الهوى يا اهل الهوى كله خطر
خلوا المفتون يشبع من هواه
التمني والتوجد والسهر
ضرني والقلب جاه اللي كفاه
هل دمعي فوق خدي وانتثر
قلبي المجروح وين القى دواه
الحبيب ان غاب زوله او حضر
ما يحب القلب محبوب سواه
من بحر جده الى شرقي قطر
في الحضر والبدو ما تلقى حلاه
شوفة المحبوب والروض الخضر
تنعش القلب المشقى واتغذاه
ارتجي ارمي بلاماك القدر
ولا اختلف دامي على قيد الحياه
في جميع الناس ملكت النظر
ما نسي حبي وقلبي ما نساه
