ما ارق الرياض تالي الليل

الليالي الوضح

رقم القصيدة : 6522 نوع القصيدة : عامي ملف صوتي: لا يوجد
في الليالي الوضح ..

والعتيم الصبح ..

لاح لي وجه الرياض ..

في مرايا السحب ..

كفها فلة جديله من حروف ..

وقصة الحنا طويلة .. ف الكفوف

من نده عطر الرفوف ..

لين صحاه ..

في ثيابك يا الف ليله..

وفي الهبوب ..

انثنينا يا هبوب النعاس .. والحلم ..

الف غصن من اليباس ..

فز لاجلك .. وانثنى ..

اكسري الاوهام كاس ..والمواجع فم

وان عشقتيني انا ..

ما ابي من الناس .. ناس ..

ما علينا .. لو طربنا وانتشينا

اه .. ما ارق ( الرياض ) تالي الليل ..

انا لو ابي ..

خذتها بيده ..ا ومشينا ..

***

يا نصيبي من الصور .. والرسايال

ومن كل شمس قايمه .. ومن كل ظل مايل ..

يا مكاني من البيوت ..

ومن الصحاري اللي .. فرقت فكري قبايل ..

وين احب الليله .. وين اهيم ..

اقبلي مثل ديم ..

او غصون النار تنبت ف الغضى ..

وبين ما خلى من النخيل الفضا ..

وما نسى الغيم ..

اقبلي .. يا بختري عيوني من الربيع ..

وطل وجهي من الشتا ..

ومثل صوتي من الهبوب ..

اقبلي مثل الرياض ..

من تعاريج الدروب ..

في ضلوع الوادي ..

وين حبيتك قمر .. فوق طين اجدادي ..

***

وين احب الليله .. وين اهيم ..

ارفعي طرقة الشيله .. عن سديم ..

وكوب وهاج ..

اقطعيني بنصل طرف سادر وحجاج ..

شقيقيني يالهبوب العارضية ..

واهدمني سياج ..

لين اغني الهوى ما هو خطيه..

يالعفاف اللي تسربل بالبياض ..

كل ما قربت يدينا ..

ناض طير.. وجض ريم ..

ما علينا ..

اه .. ما ارق الرياض تالي الليل ..

انا لو ابي ..

خذتها بيدها .. ومشينا