اول شي اني اروح ل مجمع رويال الطبي بالدمام ( هو عيادة اسنان و جلدية
) هاتف: 1038426699 – هاتف 1038421199
طبعا ما كنت سمعت عنه من قبل وجيت سالتكم هنا ما احد كان يعرفه لكن
مسوقين كانوا جايين كليتنا بجامعة الدمام بمناسبة يوم مفتوح و جايبين عروض من المركز وصراحة
تحمست لعروضهم واجد .. وهذا اللي دفعني اروح ليهم اول شي اخذت عرض تنظيف اسنان
ب 50 ريال واني جربت التنظيف من قبل ولقيت تنظيفهم ممتاز مع ان اللي تسويه
مساعدة الطبيبة الفلبينية وعرض ليزر الجسم كامل عدا البطن و الظهر ب 1350 ريال و
يشمل الوجه بجهاز جنتل ليزر برو وهم جددوا العروض بعدها بفترة واني سالت الاخصائية اليوم
قالت لسه مستمره العروض واللي بتروح تكلمني خاص اعطيها رقم الاخصائية مباشرة على العموم اني
قبل اول زيارة ليهم اتصلت عليهم و عطوني رقم الاخصائية اللي تسوي الليزر عشان يكون
بينا تواصل و احجز عندها مباشرة وطبعا في اكثر من وحده لكن هم اختاروا لي
وهذي تعاملها عسل و مواعيدها مضبوطة يمكن مره وحده بس اللي انتظرت فيها نص ساعة
لاني تاخرت ربع ساعة فقدمت قبلي اللي شغلهم بسيط مثل الشنب بس لكن بالعادة اروح
تكون تنتظرني وادخل على طول اول جلسة رحت فيها استقبلتني بترحاب شافت بشرتي و اقترحت
عليي اجرب الجهازين .. جنتل ليزر برو + جهاز سبرانو وقالت عندي الحرية اختار بعد
التجربة وكانت تجاوب على كل اسئلتي باريحية و تشرح ليي و عرفت منها ان عندها
شهادة دبلوم ليزر من الاردن جهاز جنتل يكون ضربات ليزر معاها غاز تبريد .. مجرد
تنتهي الضربة يختفي الالم .. وياخذ وقت عشان تخلص الجسم كامل تقريبا ساعة وشوي وبهذا
الجهاز تخطط الجسم بقلم تحديد وتتابع الخطوط عشان ما تغفل منطقة قدر الامكان .. واذا
اني نبهتها منطقة ما ضربتها تتقبل مني عادي جهاز سبرانو تحط جل وبعده تمرر على
المنطقة الجهاز بسرعة وبدون توقف لين الجهاز يطلع صوت بانتهاء الوقت المحدد للمنطقة المحددة واني
فضلت جهاز جنتل حسيته اقل الم بالنسبة لي و مافيه ازعاج الجل يتلصق اذا نشف
ولازم تمسحيه بعدما تخلصي الاعدادات اللي استعملها حاليا بجهاز الجنتل 9 .. وعلى المناطق الداكنة
مثل الركبة تستعمل 8 واني بشرتي حنطية ثاني جلسة كانت بعد شهر من اول جلسة
.. وصراحة من ثاني جلسة لاحظت الفرق في ظهور الشعر خصوصا في سيقاني كان يظهر
ببطئ اكثر ثالث جلسة كانت بعد شهر وشوي من ثاني جلسة وكانت اوك ونفس الشي
الشعر يظهر بعد وقت اطول طبعا قبلها كنت جيت اقرا هنا بالمنتدى وكان واجد تتكلموا
بنقطة ان لازم الاعدادات تكون اعلى شي تتحمله البشره وقبلها كانت تستعمل ليي قوة 8
و كلمتها واستشرتها اذا تزيد القوة ل 9 ووافقت قالت نجرب و قولي اذا حسيتي
بالم ما تتحمليه وجربت قوة اعلى وفالبداية تاثرت بشرتي يعني صارت متنفخه بشكل خفيف مع
لون احمر خفيف لكنه كان محتمل وولا سبب ليي تصبغات او حروق واستمرينا على نفس
هذي القوة ومع الجلسات اللي بعدها صارت بشرتي ما تتاثر واجد رابع جلسة بعد شهرين
وشوي من ثالث جلسة ومناطق تقريبا صار ما يظهر مثل سيقاني وصار واضح بالنسبة ليي
المناطق اللي بالغلط ما ضربتها بالليزر طبعا منطقة صغيرة يعني بحجم دائرة ضوء الليزر خامس
جلسة كانت بعد 4 شهور من رابع جلسة قبل اسبوع من الحين و الشعراغلبه نما
وطاح .. يعني هو ما يطيح لحاله لكن لما امسك الشعره واشدها ع خفيف تطلع
معايي بسهولة و بدون الم طبعا عدم ظهور الشعر كان بالتدريج وعلى مناطق متفرقة من
الجسم .. يعني كان جزء يستفيد اكثر من جزء لكن اقدر اقول 50 % او
اكثر من شعر جسمي اختفى .. واذا ظهر في بعض المناطق يكون خفيف وفاتح
بالنسبة للمنطقة الحساسة
هي تقبل تسوي للزبونة او تعلم الزبونة تسوي لنفسها وتتركها بالغرفة لحالها وبدون تكلفة اضافية
ومتوفر عندهم مخدر للبشرة ممكن تحطيه اول ما توصلي تخلص هي باقي مناطق الجسم وبعدين
تكملي لنفسش
- عياده رويال الجلديه بالدمام
