انا بشرتي من النوع الدهني المركب الي حد ما.. وماكنت بعاني من اي حاجة مجرد
بشرة طبيعية
كنت بحط ماكياج علي خفيف وانا نازلة الكلية وكنت بحرص علي الحاجات النظيفة واهم حاجة
الصن بلوك والحمدلله جميع الانواع الي كنت بستخدمها كانت بتجيب معايا شغل جامد مع الشمس
جيت في اسبوع كده لقيت وجهي بيلتهب بشكل جهنمي.. ومرة واحده لقيته كله حبوب وبيحرقني
جدا من اي حاجة عليه
سالت صيدلي قالي دي اكزيما او حساسية تلامس مع حاجة انتي بتحطيها سواء كانت مستحضرات
او عطور او معجون اسنان او الكلام ده… وقفي اي حاجة بتسخدميها وجربي كينا كومب
الصراحه انا اخدت بالي من كل الي بحطه وحطيت كينا كومب كم يوم والحمدلله كانت
النتيجة مرضية.. الحبوب خفت كتير والاتهاب خف.. وبطلته ((كيناكومب))
وبعدين اخدت بالي من المستحضرات وصرت اعرف الي لما احطه الحساسية تزيد والي لو حطيته
تخف..
الموضوع خف تقريبا بنسبة 90% شوية كده بين كل حين وحين كانت تيجي بشكل عابر
واحط كيناكومب والحمدلله كانت بتروح
جيت من 8 شهور تقريبا ولمده 4 شهور كانت بتروح وتيجي بضراوة.. وبرضو كنت مراعية
كل المستحضرات الي بستخدمها ومافي فايدة.. وصل الامر ان حتي كريم نيفيا ودوف العاديين كانو
بيعملولي التهاب عنيف
كنت بحط كينا كومب عليها تروح شوية وترجع تاني.. فضلت احطه لعل وعسي والامر ينتقل
من سئ لاسوا
رحت لدكتورة الله يباركلها
قالتلي السر هو……….. كينا كومب…. والسبب ببساطة هو ان فيه كورتيزون
وان استخدامه فترة طويلة هو السبب
وجهي بطبيعته حساس ولازمله معامله خاصة انما هدا هو السبب
وكان العلاج هو كريم فيه كورتيزون خفيف عملنا بيه عملية سحب للكورتيزون من البشرة زي
مابيعملو سحب للمخدر من الجسم بجرعات بتقل علي المدي لحد ماتقف
وكريم تاني ملطف ومضاد للالتهاب
انا قصدت من القصة دي كلها اني اوضح حاجة قد نكون كلنا عارفينها بس محد
يقدرها غير الي اتلدغ منها
لا يستعمل الدواء الا باشراف الطبيييييييييييييب
