مساء الورد شعر

مساء الشوق واللهفه مساء يغار منه الورد
مساء يعطر ايامك بريح العود والكادي

مسائك خير ياحب يتيم بخافقي اوحد
رياض القلب منزالك تغيض قلوب حسادي

عظيمه هالعيون اللي بنظرتها اشوف الود
واذا ارخت هدب عينه .! الا يا جنة الوادي

وخدود بانت عروقه صغار شفتها تمتد
في وجه ماكساه الا جمال يوسفي زادي

انا الغرقان في بحرك وموجك عالي مشتد
ترا ماهمني موجك غريق وحضنك مرادي

جنون الحب سميتك عرفتك حظي الاسعد
مادام اني ملكت اسمى عيون العشق بعنادي

ابمشي لك دروب اخلاص طويله مالها اي حد
اجيك ازحف اجيك امشي كلا الامرين شي عادي

ابي اضرب جدار البعد واهده بضربة من يد
يطيح ويحكي غباره”هل تقوى على بعادي ؟”

اذا تقوى انا ماقوى احبك واخرتها صد
افضل دنيتي فبعدك”كفن وقبور ومهادي”

مساء الشوق مع بوسه ابتركها على هالخد
قسم بالله في دنياي “حبك اعظم امجادي”