طريقة لتعطير الفم المكونات فكل بيت موجودة
قرفة مطحونة وقرنفل مطحون ونعناع مطحون ونحط تلت معلقة صغيرة من كل حاجة على كوباية
ونص مية مغلية ونسيبهم يغلوا على نار هادية دقيقتين وقفل علية وتسبية متغطى لحد ما
يبرد وتصفية وتحطية فازازة او اى بخاخة وبعد كل ما تغسلى سنانك تمضمضى بوقك بية
وتعملى غرغرة ودة طبعا بعد ما نكون غسلنا سنانا كويس وكمان غسلنا لسانا بالفرشة زى
ما بيقولوا اللسان سجادة البوق واحنا دايما نسينوا يعنى مش للرغى بس وبعدين تغسلى بوقك
والفرشة وتمشى الفرشة على شفايفك بالمرة بحركات دائرية وتنشفية كويس وتخدى المعطر دة بقى تستخدمية
وممكن لو اتبلع مفيش مشكله هيفضل معطر بوقك لحد وقت طويل وهتحسى بانتعاش وكل ما
تتكلمى هتحسى بوقك دة جنينة باضحكباضحك
ومتنسوش بقى لما تخلصوا تحطوا زبدة كاكاو او مرطب شفايف وتحطوا المعطر فى التلاجة لحد
تانى استخدام
ويا سلام لو استخدمتية قبل ما تنامى هتصحى تلاقية الريحة موجودة
وممكن نغير فى المكونات ممكن نحط فانيليا ومية ورد بس بتاعة الاكل وممكن مستكة وزعتر
بس بصراحة اقواهم وبيعتبر مطهر كمان النعناع والقرفة والقرنفل
