ليزبيان (انجليزى: Lesbian) يعنى ست بتميل عاطفيا/او جنسيا للستات مش للرجاله.
اصل الكلمه جت من ليزبوس (انجليزى: Lesbos) وهي جزيره يونانيه كانت عايشه فيها الشاعره القديمه
سابفو (انجليزى: Sappho)، سابفو كانت بتكتب اشعار عن الحب وكان اكترها موجه للستات، وعشان كده
اسمها واسم الجزيره اللى عاشت فيها دايما بيفكر الناس بالستات اللى بيحبو الستات.
الليزبيان و الفيمينيزم (حركة حقوق الانساء)[تعديل]
الليزبيان اشتركو فى اوائل حركة الفيمينيست (ودي حركه عملها الستات اللى مش عايزين يتعاملو معامله
اقل من الرجاله). و الفيمينيزم هى الحركات السياسيه و الاجتماعيه اللى بتنادى بان الستات يتساوو
بالرجاله وياخدو حقوقهم اللى اتحرموا منها. حصل خلاف جوه الحركه بين الليزبيان وبين الستات السترييت
او الهيتروسيكشوال (يعنى اللى بيميلو عاطفيا وجنسيا للرجاله مش للستات)، وحصل انه فى الستينات و
السبعينات ان شوية من الستات السترييت عايزيين يخرجو الليزبيان من حركه حقوق الستات (الفيمينيزم) عشان
كانو عايزين المجتمع يتقبل الحركه وهما شايفين ان المجتمع مش متقبل الليزبيان كفايه و بالتالى
فوجودهم جوه الحركه ممكن يضرها.
بعد شويه وبالتدريج بدات حركات حقوق الستات تتقبل وجود اعضاءها من مجتمع الليزبيان. ودلوقتى هنلاقى
ان كتير من القاده المهمين فى الحركات دى بيكونو من الليزبيان.
