..*.. شدوا ع الاصايل ..*..
.
.
شدوا ع الاصايل .. سنوا ه الرماح
من ارض بلادي .. طالع الفاروق و صلاح
شدوا ع الاصايل .. سنوا ه السيوف
شعب ب عز يقاتل .. و عينيكم بتشوف
تراب بلادي .. بالروح بنفديه
تراب بلادي .. و الشهداء صفوف
ل نحلف ل ترابك .. و اطفال الخليل
لا لا ما بننساكي .. يا ارض الجليل
يرخصلك الغالي .. و ما فينا بخيل
و احنا جيل العودة .. جيل بيتبع جيل
شدوا ع الاصايل .. و صحوا ه النايمين
من المية ل المية .. ب تنادي فلسطين
جاوبها استشهادي .. يا بلادي جاهزين
فزت و رب الاقصى .. فزت ب عليين
..*.. سدينا ه الشوارع ..*..
.
.
سدينا ه الشوارع ما نسينا .. عيشتنا في الخيام
كيس طحين و سردينة .. في الغربة كنا ننام
فكرونا نسينا .. من الخيمة طلعنا زلام
و العلم نحنا سياده .. و بتشهد الانام
سدينا ه الشوارع و طلعنا .. نرمي كرت التموين
شلنا البارود و سرنا و اعلنا .. لا لا للتوطين
لو اعطيتونا الدنيا .. ب كنوز و ملايين
ما تساوي حبة رملة .. من ترابك فلسطين
سدينا ه الشوارع ب تنادي .. ب تنادي فلسطين
وينك يا ابن الخطاب وينك .. و ينك صلاح الدين
وينك امة محمد .. وين الملايين
و الاقصى عم بنادي .. مجروحة فلسطين
سدينا ه الشوارع .. و علينا ه المتاريس
و اعلنا الحل الواحد .. ارضي مش ل التدنيس
شيعنا شهيد الاقصى .. يمه ب زفتة عريس
و شهيدك ي ارض بلادي .. عنا مقدس تقديس
سدينا ه الشوارع ومشينا .. و مشينا ل الامام
ايد بترمي قنابل .. ايد بترفع اعلام
و عز الدين .. بيتحدى .. ب عزيمة و اقدام
جنين طلعت يمه .. عادت عهد القسام
سدينا ه الشوارع و اعلنا .. و اعلنا كبير صغير
حق العودة ل بلادي .. مع تقرير المصير
بت غير فلسطيين ما بنقبل .. و اللي بدو يصير يصير
و حلول الغاصب مرفوضة .. ب قرار الجماهير
سدينا ه الشوارع و اقسمنا .. حرية بدها دم
ل اجل عيونك يا بلادي بنعطبها .. بنعطبها وما بنهتم
ل اجل تعود اسلامية .. حرة و الشمل التم
نفديكي ب الغوالي .. لا منة و لا ندم
.
..*.. ما يهنالي عيد ..*..
.
.
لا لا ما بيهنالي عيد .. و لا عيشة كريمة
مادام ه الوطن بعيد .. و دميذ اصبح وليمة
ناديت ب عالي الصوت .. يا امة عظيمة
يكفيكي سكوت ونوم .. وهاي اكبر جريمة
ناديت من وستط جراحي .. دمي اصبح شلال
و عيونكم عم تتفرج .. مافي كيف الحال
اشكيكم ل الله .. الله يغير ه الحال
يا امة قبلت ب الذل .. و صارت تحسب مال
العيد يوم انا نعود .. و ترجع فلسطينا
و نبني مجد الاحرار .. و نزرع اراضينا
و نكتب تاريخ الامة .. و نتذكر ماضينا
و نفتح ابواب الاقصى . لكل المسلمينا
.
..*.. سكابا ..*..
.
.
سكابا يا جروح الزين ..سكابا
ما ضلش خوف .. طاب الوفا طابا
غالي كثير يا وطني يا غالي
مهما يصير .. تترسخ في بالي
ما بنخشى موت .. او سود الليالي
ولاد سباع .. ما ظمتها ايابا
شعبك هدار .. ما بتهموا جراحو
و لا الالاف يا وطني .. لو راحوا
و ان هب الموت .. ما بنخاف رياحو
نطلعلوا رجال .. و نشرع البوابا
يا فلسطين … لعيونك جينالك
عشتي في البال .. بدنا نضل في بالك
من وادي الموت .. جزنالك مهالك
كسر عظام .. ب زنود الشبابا
و الليل ان طال .. اوعك يما تظني
اني غفلان .. او بتغيبي عني
و سلاح حجار .. في ه الاوف تغني
ناقصها رصاص .. ت يجاوب عتابا
..*.. من رحم الارض ..*.
.
.
من رحم الارض انها تقاتل .. قاتل ب حجار
خلي ه الارض الغضبانة .. تولد احرار
تولد سواعد .. تتحدى جيش المحتل
لا هامة ذلت .. لا والله
و لا شعبي مل
اطلع من حارة .. ل حارة
علمهم ضرب الحجارة ..
من مخيم .. ل مخيم .. طلت السباع
حامل ب ايده ..مطاطة .. حامل مقلاع
ب الايد اليمنى .. ارفع راية
ب شمالك مع اهل الحارة .. اضرب بت حجار
اطلع و اتحدى ب جدارة .. دم الشهدا مش خسارة
من مدينة لت مدينة .. وحدة احرار
من المي ل المي .. ارفع شعار
اقسمنا نجاهد .. يا بلادي
كبار صغار .. نقاتلهم .. اخر قرار
اطلع و اتحدى ب جدارة .. دم الشهدا مش خسارة
من مدينة لت مدينة .. وحدة احرار
من المي ل المي .. ارفع شعار
اقسمنا نجاهد .. يا بلادي
كبار صغار .. نقاتلهم .. اخر قرار
..*.. شعب الشهدا ..*..
.
.
اسمع .. اسمع .. لا لا شعب الشهدا .. لا ما بيركع
دمر علينا الحارات .. فجر ب الطيارات
من وسط الركام بنطلع .. اطفال بنواجه مدفع
اسمع .. اسمع .. لا لا شعب الشهدا .. لا ما بيركع
لا لا ل الاستسلام .. و عيون تسهر ما تنام
ل الوحدة و ل الامام .. اقصانا حتما يرجع
اسمع .. اسمع .. لا لا شعب الشهدا .. لا ما بيركع
ناديت .. يا اهل القرار .. النار وصلت للدار
بيكفيكم ذل و عار .. اطفال .. حرية بنصنع
اسمع .. اسمع .. لا لا شعب الشهدا .. لا ما بيركع
اسمع يا عدو الدار .. ه الارض ارض احرار
اقسمنا كبار ..صغار .. ل نخلي الغاصب يركع
اسمع .. اسمع .. لا لا شعب الشهدا .. لا ما بيركع
دمر علينا الحارات .. فجر ب الطيارات
من وسط الركام بنطلع .. اطفال بنواجه مدفع.
..*.. اه يا صبارة ..*..
.
.
اه يا صبارة .. اه
يا بنت الصبر و الليل
ب عيونك امل .. ما احلاه
بشد العزم و الحيل
زينت الارض ب زهور ..
ع الجمرة رميتي بحور
منصور الوطن .. منصور
شعبي ب الدما رواه
ب ايدي .. كسرت قيود
و اطلقت الدمع بارود
و شبابي وراي تجود
و ل بلادي .. الشرف و الجاه
خبتي الحزن .. ب جرار
ما يشمت عدو .. غدار
من خوفي على الصغار
في قلبي كتمت الاه
ازرع روحك جوه الارض
لا و لا تسال ليش و ليش
قطرة دمك صارت نار
تحرق دبابات و جيش
.
..*.. المهرة الحرة ..*..
.
.
يا جنين يالمهرة الحرة
ب خطوة مجد .. تهز الارض
ارضك يعبد .. تنبض ثورة
و تعرف كيف يكون الرد
يا جنين .. ظلي على عهدك
خلي تاريخك ينعاد
كم مستعمر .. مر ب ارضك
ب الهزيمة .. ولى و عادد
و ب صمودك.. و عزم رجالك
سطرتي كتب الامجاد
و انتي عبير النسمة الحلوة
لكن صعبة وقت الجد
يا جنين .. لو كانوا عرفوا
انك الاغلى ب قلب احبابك
على ارضك .. ما كانوا تعدوا
ما مروا من فوق ترابك
شوفي القسام .. و صحابك
رماح تحمي بوابك
و احنا السيف الماضي ب ايديك
على هالغاصب قيمي الحد
ظنوا حصارك .. قلل عزمك
و زمامك على قد الايد
شافوكي عنقاء .. انتفضت
مع كل خطوة النار تقيد
تبقى الاقوى .. و ما تستسلم
و الهمة فيها بتزيد
عرفوا انو الحرة .. حرة
تموت وما يسبيها حد.
..*.. يا احرار العالم ..*..
.
.
يا احرار العالم .. يا طلاب الحرية
ما خلقنا تانعيش ب ذل
خلقنا نعيش ب حرية
شوفوهم في فلسطين
غزة و رام الله و جنين
صبرا و قانا .. و دير ياسين
و ملجا العامرية
حرية مش احتلال
قتل و تدمير الامال
يا سارق حلم الاطفال
استبشر ب المنية
مثل النخل العالي نعلا
احنا عزة مية بتجلى
نتحداك .. ومهما تعلا
رح ترجع ب الذلية
شعبي بيكبر وسط الطوق
راسو عالي و مجدو فوق
قلبو بينزف حب و شوق
و عزة نفسه عربية
مهما اشتدت هذي الشدة
بعون الله يتصاعد ردي
مري يا انتفاضة و عدي
ب راياتك الاسلامية
..*.. صباح الخير ..*..
.
.
صباح الخير يا بلادي
يا وردة نورت نيسان
صباح الخير ل جروحك
يا دمك زين الحيطان
صباح الخير لعيونك .. اه يا عيني
صباح النصر .. ياللي اسمك فلسطيني
صباح المجد .. ياللي انتا اله عنوان
صباح الخير يا بلادي
يا وردة نورت نيسان
صباح الخير ل جروحك
يا دمك زين الحيطان
صباح الخير .. ل شارع و مدرسة و جامع
صباح الخير .. ل طالع يواجه قوة الطغيان
صباح الخير .. ل عيونك .. اه يا عيني
صباح النصر .. ياللي اسمك فلسطيني
صباح المجد .. ياللي انتا اله عنوان
صباح الجرح .. من صبرا و من قانا
صباح الصبر .. ع الغربة و منفانا
صباح العودة حتما .. يافا ملقانا
حتما .. حيفا ملقانا
رام الله .. و .. غزة ملقانا
..*.. صوتك مجروح ..*..
.
.
ميلي على تراب الوطن .. يا امي و تحني
خلي القلب ينثر امل .. ل طفالنا و حني
قولي مواويل الوطن .. تايسمعوها الناس
يا صوت امي .. من الصبر مجروحلو حني
اااه يا امي
صوتك مجروح يا امي .. و شتو اللي جرالك
و دموع الدم .. سيلو سايل من شالك
صبرك ع الهم .. و انتي ياما صبرتي
قلوب الناس .. اللي حالا من حالك
صوتي مجروح .. واللي زودلوا جراحوا
دم الاطفال .. اللي من بدري راحوا
زي الحمام .. لما يرفرف بجناحه
و عيون البوم .. تلمع بالليل الحالك
والله ما ابكي .. و ل احبس هالدمع ب عيني
و انا مربيك .. تا توفي نذري و ديني
تراب الارض ما بينك و بيني
يا حامي الدار .. ادفع عنها المهالك
لو تنسى الحد .. لا انتا وليدي .. وانساني
اهجم ع الموت .. من وراك بتلقاني
بوقد ه النار .. على باب الديوان
و اصرخ ع الخيل قومي اتباهي ب خيالك
..*.. ما نهابك يا محتل ..*..
.
.
ما نهابك يا المحتل .. وحنا جينا
نفنى و لا ننذل .. ويا جينينا
حنا يوم تنادينا .. تصهل العزة فينا
بنا سيف ..ب نلتف ..
نرفع علم فلسطين .. و بفيو يحلى الصف
حر و عالي الجبين .. و الروح فوق الكف
هي هي .. طل الشهيد .. ع كتاف رفاقو
يضحك و محني الايد ..عشاق تلاقو
مشعل على الكتاف .. برد الليل وما يخاف
حنا يوم تنادينا .. تصهل العزة فينا
بنا سيف ..ب نلتف ..
نرفع علم فلسطين .. و بفيو يحلى الصف
حر و عالي الجبين .. و الروح فوق الكف
ما نهابك يا المحتل .. وحنا جينا
نفنى و لا ننذل .. ويا جينينا
حنا يوم تنادينا .. تصهل العزة فينا
بنا سيف ..ب نلتف ..
نرفع علم فلسطين .. و بفيو يحلى الصف
حر و عالي الجبين .. و الروح فوق الكف
..*.. ل اعمل مركب ..*..
.
.
ل اعمل مركب .. من ورق
و ع المي ل ارميه
و سلامي ل احلى وطن
والله .. ل ارسل فيه
هيلا هيلا .. بيوصل يافا
هيلا هيلا .. بيوصل حيفا
هيلا هيلا .. ونسمة شوقي
على ارضي توديه
ياما حكالي جدي .. قلي عن ارضي اخبار
عن شجر و زرعه الاخضر .. عن بيدر و غمار
يحكي .. و الدمع بيجري .. على خده انهار
و اقلو .. اصبر يا جدي .. من املي انا بعطيه
ستي قالتها .. و وصفتلي ارضي كانت كيف
خضرا و الزهر .. مزينها .. بكل الوان الطيف
عروس ما احلا زينتها .. قمرة ب ليلة صيف
اللي حرمني ارضي يا ستي .. الله يجازيه
امي ولدتني .. في الغربة.. و سموني غريبة
و زي ما بعرف اسمي .. بعرف ارضي الحبيبة
ع كتبي .. و حيطة مدرستي .. و ع قلبي قريبة
اسمك يا بلادي موالي .. و دايما بغنيه
ل اعمل مركب .. من ورق
و ع المي ل ارميه
و سلامي ل احلى وطن
والله .. ل ارسل فيه
هيلا هيلا .. بيوصل يافا
هيلا هيلا .. بيوصل حيفا
هيلا هيلا .. ونسمة شوقي
على ارضي توديه
موج البحر .. ينده على احبابه
قلب الوطن ما مال .. مشتاق ل صحابو
بالله يا موج البحر .. خذلي معك مكتوب
مكتوب من ارض الوطن .. معطر من ترابه
