امس كلمت الشيخ عبدالكريم المشيقح.. المهم قلت له ياشيخ ابي احوالي تتغير انا ماعندي وظيفه
ولاني متزوجه وابي الخير والرزق الكثير.. قالي الشيخ:: بقولك على اربع اشياء تسوينها : تسوينها
تسوينها:: قلت زين..
اول\ ارضي الله مهما كان.. خلي هدفتس بالحياه رضى الله..
ثانيا\ دايم كوني على وضوء..دايم على وضوء.. قالي الايه” ان الله يحب التوابين ويحب المتطهرين”
ثالثا\ رددي دايم سبحان الله والحمدلله ولااله الا الله والله اكبر..ذكر لي حديث بس نسيته
قالي ان الله يحب هالكلمات.. ياليت الاخوات اللي تعرف الحديث تذكرنا فيه..
رااااابع\ مهمه مهمه مهمه ان كل يوم تتصدقين لو بريال او بكسره خبزه لهندي بشارع
او علبه ببسي لهندي بشارع او حتى تمره.. او عرفتي ناس فقراء تصدقي عليهم..قالي اذا
ماعندتس فلوس تصدقي حتى لو مثال تطبخين وترسلينه لحد فقير او ترسلينه لهنود يبنون بيت
او اي هنود او اي شي..او مثال بعشرين ريال اشتري حبه رز بخاري وارسلها للعمال
حتى لو كانوا حقين محطه اللي يعبون البنزين.. المهم قال لازم يوميا… وجاب لي الحديث..مااذكره
بس اللي فيه ومعناه ان تدخل السرور على قلب مسلم.. تخيلوا قالي انتي سويها لوجه
الله واذا ارضتي الله راااااااااااااااح يرضيك… قالي راح تشوفين التغير…وقالي يمكن يمكن يمكن امورتس تتعسر
وتحسين بضيق بس قاااالي معليه كملي لان هذا الضيق معناه ان الخير بجي لتس.. والضيق
هذا من الشيطان لانه مايبي تسوين خير عرفتوا يابنات…
المهم اللي خلاني ادق على الشيخ لاني سمعته في قناه بدايه قال في بنت كلمته
عندها مشكله او زي تسذا..المهم هي مو متزوجه..الشيخ قال لها التزمي هالاشياء الاربع اللي فوق..
يقول التزمتها وسوتها يقول في اقل من مده بسيطه اتوقع اسبوع.. يقول كلمتني قالت ياشيخ
انا خطبتي هالاسبوع من رجل اعمال سعودي..من اكبر تجاااااااار الخليج.. وقصص كثييييييير…
يااااااختي وش رايكم نلتزم بها الاشياء لوجه الله..وش رايكم..اللي ماعندها فلوس يااختي حاولي تدبرين عشره
ريال ومن هالعشره طلعي كل يوم ريال وقلي للسواق او احد اخوانتس او اي احد
وقولي اشتر ببسي وعطه اي هندي .. حاولي.. او اذا انتي رايحه لدوام خلي اللي
يوديس يوقف عند بقاله واشتري بخمس ريال اي شي وعطيها هنود..
بعدين نسيت اقولكم الشيخ قالي خلي همك رضى الله ثم ادعي مثال انتس تقولين يارب
تصدقت عشان ارضيك يارب ارضى عني ويارب عطني “”قولي حاجتس”
:::::::::::::::
:::::::::::::::
:::::::::::::::
يقول الشيخ عبد الكريم ان فتاة اتصلت به قالت تقدم لخطبتي احد التجار وكان لهذا
الشاب علاقات مع بعض الفتيات فارسل اليهن عبر الايميل اني ساتزوج وساتركن وسيبدا حياةجديده ,
فاحدى الفتيات ارادت الانتقام بحجة انه افسدهن ثم تركهن بهذه السهولة فعملت له سحر بقيمة
250 ريال فكان من نتائج هذا السحر ان هذا الشاب اصبح كالطفل لايعقل شيئا فاضطرت
اسرته للسفر به الى الخارج بعيدا عن اعين الناس وحديثهم بعد ان اصبح كالطفل واتصلت
على خطيبي كي اتطمن عليه فكان جواب اهله انتي السبب فلولا هذه الخطبة مامرض ابننا
فاصبحت في حزن شديد افترقنا قبل ان يحدد موعد زواجنا فقلت لها انتي الان مصيبتك
اعظم اهله معه ويعلمون حاله اما انتي فبعيدة عنه لكنا اوصيك باربع امور
طبقيها وستجدين خيرا ان شاء الله ..
1/ عليك ان تكوني خلال ال24 الساعة على وضوء حتى عند النوم .
2/اعطي الله ما يحب
((سبحان الله والحمد لله ولا اله الا الله والله اكبر)) طوال اليوم.
3/تصدقي كل يوم لحديث
(( حصنوا موالكم بالزكاةوداوو مرضاكم بالصدقة واعدوا للبلاء الدعاء ))
4/ اكثري مدح الله عزوجل
يقول الشيخ:
كنت في اليوم التالي في طريق سفر والجوال مغلق وعندما فتحت الجوال اذا بعدة اتصالات
منها واخبرتني بعدد الاتصال انها استيقظت في صباح اليوم التالي فوجدت 20اتصال من خطيبها !!!!!!!!!!!!!!!!!
وعند الاتصال به علمت ان الله من عليه بالشفاء واصبحوا في احسن حال وحدد موعد
لزواجهم
فقط من يوم واحد طبقت كلام الشيخ سبحاااااان الله
:::::::::::::::
:::::::::::::::
:::::::::::::::
السلام عليكم ورحكمة الله وبركاة وانا نزلت طريقة حملي بعد الله قبل السنة وهذا قصتة
الي سويتة والله اني علمة الناس بهالطرق والله انة في 2حملوووووووووووووو بعدالله وهذي 4 طرق
تسوينها لعبد الكريم المشيقح للاستجابة الدعاء
اناتزوجت وانا واختي بيوم واحد اختي حملت بعد الزواج بشهرين وانا حملت بعد معانات اربع
سنين والحمد لله تدرون ماخليت مستشفى مارحت له ولا حرمة تمسد الارحت لها ونسيت ان
الرازق الله جلا في علاه وفي السنة الرابعة جاة للزوجي دورة للمكة وكانت شهر رمضان
وكان ينزني في الحرم ويروح وانا كنت اجلس وابكي وادعي بهذا الدعاء (يارب جيتك في
بيتك اطلبك لا تردني خايبة )واستخدمة اربع طرق سمعتها من الشيخ عبد الكريم المشيقح في
بداية وهيه(كثرة قول سبحان الله والحمد للله ولا الله الاالله والله واكبر _واخراج الصداقات بكثرة_والوضوء
طول اليوم_اكثري من مدح الله )والله استمريت عليها من شهر تسعة وجاااااااا شهر 11 وانا
حامل بارادة الله والدعاء في الليل والاستغفاروخلو املكم بالله كبير لان الله عند حسن ضن
عبده به
وادعولي اولد بسلامة
:::::::::::::::
:::::::::::::::
:::::::::::::::
سبحان من لا يعجزه شئ
فقط يقول لشئ كن فيكون…لايريد سوا الايمان واليقين…
لا اطيل عليكم احبابي….لقد كنت في هم وضيق لا يعلم به غير رب العباااااااااااد…
ايماني بالله قوي …واملي به كبير….ان يفرج عني ماحل بي….
وفعلا يااحبابي….حصل لي مااريد في ايام قليله…لم تتجاوز الخمسة ايام…
عزمت على اتباع طريقة شيخا الفاضل المشيقح..
وهي كالتالي…
1-ان اكون على طهاره طيلة اليوم كل مااحدثت اجدد الطهاره…
2-ان اقول سبحان الله والحمدالله والله اكبر 50مره في اليوم تزيد عليه والكن لاتنقص عن
ذلك
3-مدح الله في كل مجلس تجلس به
4-الصدقه يوميا”…
والله ياحبابي….من اول يوم احسست بشعورغريب لقد بدل الله ماكان بي من هم الي راحه
وطمئنان…
بعد ثلاثة ايام توصلت لمن لديه حل لمشكلتي وفي اليوم الخامس انتهت المشكله كما تمنيت
فما كان مني الا ان اسجد شاكرة لعظيم شانه سبحانه….
فاين انت يامن تريدين الابناء …واين انت يامن تريدين الوظيفه…اين انت يامسكين ,,,اين انت يامهموم…
اين انت عن الرحمن الرحيم…
