عنتر حب عبلة
وقال ليها :
“”يا بنت الناس انا فقير
ودراهم يومي معدودة “”
قالت ليه
يا ولد الناس
انا صبية مفتونة بالذهب مجنونة
نحب نعيش مرتاحة
وفي القصور نتباهى
عندك شي فلوس هات ارى
ضحك عنتر ضحكة صفرا وقال ليها :
“” يا بنت الناس انا فقير و دراهم يومي معدودة
انما عندي قلب كبير بحر شطانو ممدودة
عامر بالمحبة والخير وفهمني وفهمني يا بنت الناس … “””
بعدت عليه عبلة شوية
قالت ليه يائسة ومكوية :
بعدني يا ولد الناس
يكفي ما تغني ليا
لا تخطبني لا تجيب مقياس
لا تتسلف لا تتكلف
من الاول هاني نخبرك
انا صبية مفتونة وبالذهب مجنونة
جيب السيارة تشوفها الحومة
وتلفازة بلازما كبيرة
والكمبيوتر هاني نوصيك
عليه ما نقدر نصبر
وايباد وايفون
وف لبنك مصروفي يكون
ولا بعدني عافاك
خليني نشوف طريقي
انا صبية مفتنونة وبالذهب مجنونة
هاني نخبرك من الاول
قبل ما يطيح الفاس في الراس
بعدني يا ولد الناس….
حار عنتر وبكى مسكين
وشداتو الحمى
وقال ليها حرام عليك
راني نحبك ونموت عليك
شوفي لله يا بنت الناس
وارحمي قلبي المسكين
طول الليل عليك عساس
غادي نعيشو مزيان
وناكلو كيف الناس
مالكي هكذا صعيبة
لمن تشبهي يا عبلة ؟؟
شوفي ليلى واش درات
وعلى قيس راه ماتت
ارحميني ارحميني ارحميني
يا بنت الناااااااااااااااس
شافت فيه شوفة اخيرة
وشعلت فيه نار كثيرة
الحب بلا فلوس راه مسوس
سير فحالك يا عنتر
انا صبية مفتونة بالذهب مجنونة
قيد الجمرة في قلبو
وهاجر الحومة
وحلف على الزواج ديما
هو مسكين
وهي صبية مفتونة…
