فنجان قهوة
قمت النهاردة الصبح منحرف المزاج
خانقت دبانوشى و شتمته فى سرى و ابتسمت
انا اصلى لو هاجرت كان حصل انبعاج
فكتمت حلق البير بغطاه الشهير ثم انكتمت
عيل فى سن المدرسة قاللى : يا حاج
و انا زرت بيت الله لكن ما اسميش كده
و وليه حبلى قالتها تانى .. عقلى وج ..
انا مسيو كيت و كيت يا سيدة
لابس مثقف زى توفيق الحكيم
ببيريه و تلفيحة
افوت بشكل سليم فرنسى صميم
اخد (كافيه) فى (سان ميشيل) فى باريس على الريحة
و اسرح و اهيم ورا كل تسريحة
و لما فقت من الهيام
لقيتنى واقع يا حرام
فى مقلب الزبالة و الدبان امم
يتددوا لى بدفء مصرى و يقولولى
قوم يا حاج
ما يقع غير الشاطر يا حاج
و الف الف سلامة ليك …
يا عم الحاج .
فنجان قهوة
قمت النهاردة الصبح منحرف المزاج
خانقت دبانوشى و شتمته فى سرى و ابتسمت
انا اصلى لو هاجرت كان حصل انبعاج
فكتمت حلق البير بغطاه الشهير ثم انكتمت
عيل فى سن المدرسة قاللى : يا حاج
و انا زرت بيت الله لكن ما اسميش كده
و وليه حبلى قالتها تانى .. عقلى وج ..
انا مسيو كيت و كيت يا سيدة
لابس مثقف زى توفيق الحكيم
ببيريه و تلفيحة
افوت بشكل سليم فرنسى صميم
اخد (كافيه) فى (سان ميشيل) فى باريس على الريحة
و اسرح و اهيم ورا كل تسريحة
و لما فقت من الهيام
لقيتنى واقع يا حرام
فى مقلب الزبالة و الدبان امم
يتددوا لى بدفء مصرى و يقولولى
قوم يا حاج
ما يقع غير الشاطر يا حاج
و الف الف سلامة ليك …
يا عم الحاج .
- شعر اصلاح جاهين
