طريقة عمل التورتة بالكريمة
المقادير:عملت الكيكة الاسفنجية
ومقاديرها كانت:
6 بيضات مفصولين الصفار عن البياض
1 1/2 كوب سكر
2كوب دقيق
1/2 كوب ماء دافى
فانيليا
بيكنج بودر التحضير:ضربت البياض لوحده بالمضرب مع نص كمية السكر ونص معلقة خل لحد ما
قوامه بقى تقيل زى المارينج
وبعدين ضربت باقى كمية السكر مع الصفار والفانيليا
وبدات احط الدقيق مرة والبياض مرة لحد ما خلصت الكمية
وزودت نص كوب الماء الدافى
وانا كنت مسخنة الفرن من قبل ما ابدا الطبخ: حطيت الكيكة فى الفرن على درجة
180 لمدة 35 دقيقة لحد ما استوت
لما بردت سقيتها بشربات عملته بنص كوب عصير برتقال ومعلقتين عسل ابيض
سخنتهم على النار مع بعض وسقيتهم للكيكة
عملت الكريمة
حطيت 1/4 كيلو كريم شانتيه بودر مع كوب لبن بارد ومعلقة عسل
ودوبت الشيكولانة فى حمام ماء دافى مع نص كوب لبن ومعلقة زبدة
حشيت الكيكة من جوه بالكريمة وغلفت الجوانب وعملت خطوط من الشيكولات
