ظلم الغريب اهون ولا ظلم الاقراب
لان الظليمه من قريبك مصيبه
وعيب القريب اصعب من عيوب الاغراب
لان القريب يعيبك اللي يعيبه
والله مايذبح طويلين الاشناب
غير القريب اللي طعن في قريبه
عقب القرابه والغلا صرتو احزاب !
ولحد جنى من فعلته كود خيبه
بالله لايكثر , ترى خاطري طاب
مليت من كثر الجروح العطيبه
الفرق واضح بين صادق ونصاب
والحق يطلع لو يطول مغيبه
وان كان بالدنيا محد حاسب حساب
بالاخره رب خلقنا حسيبه
وانا قسم بالله . لايمكن ارتاب
ولا حب هرج فيه نمه وغيبه
احب اقول الصدق حتى لكذاب
واحب اجازي من غمرني بطيبه
والا الردي له عندنا حفنة تراب
وان غاب ماقلنا عسى الله يجيبه
بس انت ياليتك تفكر بالاسباب
لان الظليمه من قريبك مصيبه
يالله دخيلك كلهم صاروا احباب
تب الزمن ماهو ال هالناس تبه
لو جيت تحسب مالقيته ف الاقارب
مجموع الاعداء اكثر من الاحبه !!
انا و انت و انت ف قلوبنا اعتاب
لكن بعض ايامنا مستتبه ..
نخاف نفتح قلبنا ينفتح باب
خص القريب ودنا ما نسبه
والله يا بعض المعارف ف الاجناب
اخلص من قريب النسب ف المحبه
هذا ان تردى ينحسب مية حساب
ولا القريب لو فعل .. ما تكبه
محدن يبي يبتر ذراعه ولو عاب
عمر السفينه ماتعاكس مهبه
لو جيت تقطف من عناقيد الاعناب
لابد ما ترمي منه كم حبه
تلقى السبب يوم اتمعن ف الاسباب
و اللي جهل يلقى السبب عند ربه
واللي وطت رجله على جرة الداب
تلقاه حرص بمشيته و يتنبه
و اللي يقول ان البحر سهل كذاب
ما اظن يعرفه زين حتى .. يطبه
واللي يدور مدحته عقب ما شاب
ماتنفعه لا صار مثل الجلبه
انا احمد الله مست لبيتنا اطناب
نثبت ولو زاد الهوى في مهبه
و الليا هقيت اني تكاسلت ارتاب
سارعت في كيفق الرجال و مشبه
و يطري علي شطر بشرهات و اعجاب
ياكليب شب النار يا كليب شبه ..
- قصيده عن الظلم
