احبك ثم احبك ثم احبك

احبككثر ما قد صار احبك رغم ماقد صار

احبك كثر ما دنيا الزعل و الصد مهجورة

احبك كثر ما تمطر بصدري من غلاك امطار

احبك كثر ما صارت اراضي العشق ممطورة

احبك كثر ما تفتح شبابيك الربيع ازهار

احبك كثر ما غنت عشان الصبح عصفورة

احبك كثر ما تاقف على جنب الطريق اشجار

احبك كثر مايقسى الشتاء و تهاجر طيوره

واحبك كثر مافا الارض بنت تلفت الانظار

و احبك كثر مايرتاح عطر بصدر مغروره

احبك كثر ماجاب البساتين اعطته زوار

احبك كثر ماجانا صباح يشبهك نوره

و احبك كثر ماتهدي كفوف الوصل من تذكار

و احبك كثر ماشالت ايدين العاشقين صدوره

احبك كثر مانقرا عن الفارس عن المغوار

احبك كثر ما نسمع ولاشفنا ولا اسطوره

احبك كثر ماتلعب بدنيا العاشقين اقدار

و احبك كثر ما البحار يعشق نسمة بحوره

احبك كثر مايتحلف اللي منشغل باعذار

احبككثر مافي الناس ناس بجد معذوره

احبك كثر ما ملت قصايدنا من التكرار

احبك كثر ما الشاعر تمنى حب جمهوره

احبككثر ما شفنا على وجه الزمان اثار

احبك كثر مافي الارض فقر و ناس ميسوره

احبك كثر مادارت بذهن الحالمين افكار

احبك كثر مافي الخير ناس بخير مذكورة

احبك كثر مانجهل متى توقف بنا الاعمار

احبك كثر مانسمع حكايا حب مشهوره

احبك كثر ماضاق السجين بلعنة الاسوار

احبك كثر ما هاج البحر و اجتاحته ثوره

احبك كثر ماننسى و احبك كثر ما نحتار

احبك كثرمايسهر محب و في ايده صوره

احبك كثر ما تقطع شفاتك في العسل مشوار

احبك كثر ماخدك يخلي الشمس مقهوره

و احبك و الزمن ساكن

و احبك لو زماني دار

احبك يامدينة حب وسط الصدر معمورة

احبك و التفت شاعر لعينك و امطرت اشعار

حلف مايمسي الليلة قبل مايكتب شعوره

ورتبتك بصدري و انت تستاهل و راعي دار

تفضل قلب اوراق الغلا و ايديك مشكوره

و قمت اجمع من اشواقي قصايدعشق منثوره

انا عاشق جمال و ما خفالي في الجمال اسرار

انا لامن كتبت اعطيك واعطي العشق بقدوره

كفايه لو تطل و يفرح بطلتك دار الجار

كفاية لو تشوف الناس في نظرتك ماسوره

احبك

ثم احبك

ثم احبك

ثم احبك

رغم ماقد صار

احبك حيل مهما صار

احبك دام انا طيب

و اراضي العشق ممطوره

احبك ثم احبك ثم احبك

رغم ماقد صار

• قصيده احبك ثم احبك