الصابون هذا فائدته ..
– مع التدليك يعمل على تكسير الدهون والسيلولايت وبالتالي تنحيف للمنطقة ..
– يشد جسمك ..
– يخفف الخطوط البيضا والحمرا مع المداومة ..
– ينعم بشرتك بشكل خرااافي ..
– يوحد لون البشرة مع الاستمرار ..
,
تجربتي مع الصابون كانت لمدة اسبوع فقط ..
النتيجة :
بدون مبالغة .. صديقاتي بالجامعه يسالوني : ايش عامله لبطنك تشربين شي ينحف ؟ مررره
كرشتك خفت !!
مع العلم استخدمتها ايام الدوام يعني مع اني وجهي في وجيههم كل يوم الا انهم
لاحضوا الفرق ..
شدت لي بطني بشكل ملحوظ ..
بالاضافة الى .. النعومة خياليه .. فتح لوني بشكل معقول وجميل ..
بالنسبه للخطوط البيضا .. للامانه ما لاحضت انه سوا لها شي واضح لوحده ..
لكن في موضوعي الثاني اللي حطيته باول الموضوع شفتوا كيف اني استخدمته كعامل مساعد للتخفيف
الخطوط ..
والنتيجه كانت جدا مرضيه ..
اتمنى الكل يوصل لها ..
نجي الحين للطريقة ..
المقادير ك التالي :
– 2 ملعقة قهوة تركية
– 2 ملعقة زنجبيل
– 1 ملعقة قرنفل (مسمار) مطحون
– 1 ملعقة شوفان كويكر
– نصف ملعقة فلفل اسود مطحون
– فنجان زيت زيتون
– صابونة جلسرين ( او اي صابون انتي تفضلينه )
طريقة الصنع :
تبشرين الصابونه وتضعينها في قدر وتغطينها بموية ورد .. لا تكثرين مجرد مقدار يغطي لك
الصابون .. وتنقعينها ليلة كامله الى ان تذوب ..
اليوم الثاني تخلطين كل المقادير مع الصابون وتضعينها على النار الى ان تبتدي تطلع فقاعات
تخلينها دقيقتين بس بعدين تطفين النار ..
بيصير عندك سائل بني غامق .. تصبينه في علبه زجاج .. ( افضل شي علب
ورق العنب )
وتنتظرينه الى ان يبرد ..
وتحطين العلبة عندك بالحمام ..
,
طريقه الاستحمام :
ضروري يكون الحمام دافئ مع بخار عشان تسهل عملية تكسير الدهون ..
اذا خلصتي استحمامك العادي .. تدهنين الصابون على الاماكن المراد تنحيفها او شدها او تنعيمها
او ازالة الخطوط منها ..
وتدلكينها بحركه دائريه لمده لا تقل عن ربع ساعه ..
وبعدها تشطف بالماء فقط ..
,
وتقدرين تستخدمينها لكل جسمك ك صنفره .. رائعة للنعومة ..
.
.
