عندك عزومة!!
وحاسة انك متلخبطة!!
ومش عارفة تعملي ايه؟!
نفسك في اي حد يساعدك ويقول لك تعملي ايه؟!
يلا نحضر للعزومة مع بعض
-1-
حددي عدد المعزومين
اول خطوة المفروض انك تعمليها هي انك تحددي عدد المدعوين اد ايه بالضبط؟!
وعلى الاساس ده هتبداي تحددي كمية الاكل اللي هتعمليه، وخدي بالك ان لو كان عدد
المعزومين قليل؛ يعني مثلا 3 افراد هيبقى عدد الاصناف قليل ومحدود…؛ لكن لو عدد المعزومين
كبير هيبقى فيه تنوع في الاصناف المقدمة، وده علشان ترضي جميع الاذواق…
-2-
حددي اصناف الاكل
الخطوة اللي بعد كده هي انك تحددي اصناف الاكل اللي المفروض تكون موجودة على السفرة..
وده جدول بيحتوي علي قائمة بالانواع اللي المفروض انها تكون على السفرة في اي عزومة…
اولا: السلطات
شوفي يا ستي المفروض يكون عندك على السفرة في اي عزومة نوعين من السلطات، وليكن
مثلا طبق سلطة طحينة وطبق سلطة خضراء.
ثانيا: الشوربة
كفاية اوي في عزومة رمضان وجود نوع واحد من الشوربة؛ خاصة لو كان عدد المعزومين
مش كبير؛ لكن لو عدد المعزومين كبير يبقى اعملي نوعين او ثلاثة…
ثالثا: اللحوم
طبق اللحوم ده بيعتبر من الاطباق الرئيسية على السفرة علشان كده لازم يكون على السفرة
في اي عزومة نوعين من انواع اللحوم، وليكن مثلا طبق بوفتيك لحمة وطبق فراخ مشوية.
رابعا :النشويات
النشويات زي: الارز او المكرونة او المحشي، لازم تكون موجودة على السفرة، بس يا ريت
تكتفي في عزومة رمضان بوجود نوع واحد من النشويات.. يعني اما مكرونة او رز، او
اكتر من صنف من اصناف المحشي.
خامسا: الخضار
يا ريت انك تعملي نوعين من انواع الخضار في عزومة رمضان علشان ترضي جميع الاذواق.
سادسا: الحلويات
اكيد لو عندك عزومة هتقضي وقت كبير جدا في عمل الاكل، علشان كده اختاري الحلويات
السهلة في التحضير او اختاري الاصناف اللي ممكن انك تعمليها قبل العزومة بيوم… زي البسبوسة
او اي نوع من الحلويات اللي بتتقدم باردة زي الايس كريم او المهلبية او الارز
باللبن.
-3-
جهزي للعزومة قبل يوم العزومة
يا ريت انك قبل العزومة بيوم تجهزي ادوات المطبخ زي “الصواني والاطباق والكوبايات والكاسات”، وتتاكدي
من نظافتها؛ بحيث انها تكون جاهزة على الاستعمال…
كمان ابداي في تحضير الاكل قبل العزومة بيوم… طبعا هتسالي نفسك دلوقتي، وتقولي: ازاي احضر
الاكل قبلها بيوم، كده الاكل يبوظ؛ خصوصا ان الجو حر اوي اليومين دول؟!
هاقول لك: ان فيه حاجات ممكن انك تجهزيها قبل العزومة بيوم وتحطيها في التلاجة…
وده جدول بالحاجات اللي ممكن انك تحضريها قبل العزومة بيوم..
العصائر
ممكن انك تعمليها وتحطيها في كوباية كبيرة وتحطيها في التلاجة او تحطيها في اكياس وتحطيها
في الفريزر وتطلعيها يوم العزومة قبل المغرب بخمس ساعات.
اعداد بعض الوجبات
في بعض الوجبات ممكن انك تجهزيها وتحطيها في التلاجة زي المحشي على سبيل المثال؛ ممكن
انك تجهزيه وتلفيه وتحطيه في التلاجة؛ بحيث يكون جاهزا على التسوية يوم العزومة.
تتبيل اللحمة او الفراخ
لو هتقدمي في العزومة لحمة او فراخ مشوية ممكن انك تتبليهم ببصل قبل العزومة بيوم
وتحطيهم في وعاء بلاستيك وتسيبيهم في التلاجة؛ بحيث يكونوا جاهزين على الشواء يوم العزومة.
تعصجي اللحمة
لو هتعملي مكرونة بالبشاميل او جلاش باللحمة المفرومة يبقى يا ريت انك تعصجي اللحمة قبلها
بيوم.
اعداد الحلويات
الحلويات كمان ممكن تعمليها قبل العزومة بيوم وتحطيها في التلاجة، ومن الحلويات اللي ممكن انك
تعمليها الايس كريم والبسبوسة والبقلاوة.. وخدي بالك انك تغطي صينية البسبوسة او البقلاوة كويس.
-4-
اعداد باقي الاصناف يوم العزومة
ملاحظه مهمة جدااااا
1- لما تعملي عزومة مافيش دايى للافتكاسات يعنى الاختراعات بالعكس اعملي الحاجات العادية التقليدية المجربة
(بصراحة كمان علشان ما تحرجيش الضيف افرض عملتيله سلطة مايونيز بالشامبينيوه وطلع يا حبة عينى
ما يعرفش غير المحشى بتاع امه يبقي كدة احرجتيه ولا لا ) ايه رايك وعلشانك
انتى برضه افرضي باظت منك لا قدر الله
2- اعملي الحاجات اللي سهلة في التقديم والغرف والاكل يعنى كل ما تعملى حاجة تتاكل
بالايد او الملعقة اقصي حاجة (شفتى اقصى حاجة الملعقة ) يبقي احسن علشان مش هايسرك
قوى منظر ضيوفك وهما محتارين ومكسوفين مش عارفين يغرفوا حاجة او ياكلوها
3- الحلويات برده ابعدى عن الكريمات والملزقات (يعنى الحاجات اللي بتبوظ ايد الواحد بسرعة )
والمدلعات فاهمانى طبعا (برده علشان ما تتعبيش في التقديم للناس)
4- العصاير خليها حاجة اساسية علشان الواحد بيحب يشرب حاجة بعد الاكل
وخليها برده حاجة تقليدية ومعروفة
اساسيات لازم طبعا تقديم شوربه سلطات مخللات عشان لو نسيت حاجه وطبعا الخبز وعصاير وحاجه
حلوه
ودي نماذج من عزومات ممكن تعملييها
نقول اول عزومه
بفتيك وفراخ محمره صينيه رقاق باللحم
مكرونه بيض استكلندى
شوربه لسان عصفور
سلطات(خضره -زبادى-طحينه)
بطاطس شيبس
ومخلل
الحلو كوكتيل
تانى عزومه
ارز معمر بالفرن
فراخ بالفرن
تورلى لحم وخضار
جلاش باللحم المفروم
وسمبلوسه بالخضار والجبن وشوربه لسان العصفور والسلطات والمخللات
ثالث قائمه
شيش طاووك او فراخ بانيه
لحم مسلوق ومحمر وشوربه خضار
صينيه كوسه بالبشاميل
سمبوسه او بيف باسترى محشى الى يعجبك
وطبعا السلطات والمخللات
والحلو جلى بالفواكه
رابع قائمه
كفته لحم يا مشويه يا محمره
صينيه فراخ بالبطاطس
مكرونه بالصلصه ممكن كمان باللحم المفرووم
شوربه عدس وممكن تقطعى الخبز وتحمصيه ويقدم معاه
والسلطات والمخللاتوطبعا عصاير والحلو انا بفضله خفيف كوكتيل جيلى بالفواكه مثلا
عزومه اخرى
السلطات
سلطة خضرا + وبابا غنوج +وسلطة فاصوليا او بطاطس
المقبلات
سمبوسة باللحمة المفرومة والسبانخ
الشوربة
شوربة خضار
الاطباق الرئيسية
كفتة
فراخ في الفرن
لحمة كباب حلة
الخضار
بامية او اي صنف خضار
الاطباق الجانبية
محشى كوسة او مشكل +جلاش باللحمة المفرومة
ارز طبعا طالما فيه خضار مطبوخ
الحلو :اي كيكة او تشيز كيك +فروت سلاط او كوكتيل
العصاير (مافيش احسن من عصير البرتقال دايما طازة وحلو وممكن عصير فراولة)
ده بقى حاجه اسبيشيال موش لاى حد
منيو ابن بلد
السلطات:
سلطة خضرا +باذنجان مخلل + سلطة زبادي
الاطباق الرئيسية :
ممبار
فتة كوارع
طحال
مخ
الاطباق الجانبية
محشى ورق عنب
الشوربات :
شوربة خضار
العصائر :
عصير برتقال
الحلو :
مهلبية او ارز باللبن
فواكه
دى بقى عزومه سمك
السلطات(خضرا بابا غنوج”سلطه زبادى بالخيار”سلطه طحينه)
الشوربه شوربه سى فود(ممكن شويه سمك مقطع على شويه جمبرى وشويه كالمارى )وماتكتريش موش الكل
بيحبها
سمك مشوى ومقلى (ياعادى او فيليه نوع واحد)
الجمبرى او سبيط بكزا طريقه حسب الامكانيات
فيه ناس بتحب السمك التعابين
الارز صياديه او احمراو ارز بالبصل
وطبعا العصاير والحلو الى يعجبك
دى عزومه عملتها فى رمضان ونالت الاعجاب
مبدئيا السلطات والمخلللات والشوربه انا بفضل لسان العصفور
عكاوى بطريقه اسامه السيد كانت تحفه وخلصوها(لو ناس منكم وعليكم سيبوها بعضمها) لو حد غريب
يبفضل انكم تفصصصوها
ممبار
وطبعا فراخ للى موش يحب العكاوى وملوخيه
وخبز وارز وعملت صينيه واحده مكرونه بالبشاميل للظروف
الحلو عملت بسبوسه هايله وكنت عامله كاستر بالمكسرات
كده انا خلصت ياريت اى واحده عملت عزومه تقولنا عملت ايه عشان كلنا نستفيد
