ست الحبايب ياحبيبه يااغلى من روحي ودمي
ياحنينة وكلك طيبة يارب يخليكي يا امي
زمان سهرتي وتعبتي وشلتي من عمري ليالي
ولسه برضه دلوقتي بتحملي الهم بدالي
انام وتسهري وتباتي تفكري
وتصحي من الادان وتيجي تشقري
تعيشي لي ياحبيبتي يا امي ويدوم لي رضاكي
انا روحي من روحك انت وعايشه من سر دعاكي
بتحسي بفرحتي قبل الهنا بسنة
وتحسي بشكوتي من قبل مااحس انا
يارب يخليكي ياامي يارب يخليكي ياامي
لو عشت طول عمري اوفي جمايلك الغاليه علي
اجيب منين عمر يكفي والاقي فين اغلى هدية
نور عيني ومهجتي وحياتي ودنيتي
لو ترضي تقبليهم دول هما هديتي
يارب يخليكي ياامي ست الحبايب ياحبيبة
كلمات اغنية احمد مكي اغنية شكرا يا ماما
ياااااااااا امي
حنان ملوش حدود … اعظم انسانه فى الوجود
ماما
مهما هاحكي اللى ف قلبي واللى نفسي اقوله ليكي
مش هايطلع حتى نقطه ف بحر احساسي بيكي
كان حلمك تبقي سعيدة مع زوج حنون عليكي
تبنوا حياة جديدة …و ولادك حواليكي
ويدوب حققتي حلمك جه وهد البيت عليكي
فجاة راح سابك وحيدة ساب ولادك حتى بيكي
سابك محتارة وحزينة و الولاد ماسكين ايديكي
وبقى عندك الاختيار بيت جديد وفرصة تانية
او تعيشي عمرك وحيدة مع ولادك الصغار
مسئولية صعبة جدا كنتي قد الاختبار
قولتي هختار ولادي ولو هربيهم ف نار
م النهاردة دول حياتي مش هسيبهم مهما صار
اللى قالك ليه تضحي واللى قالك ده انتحار
واللى قالك بكرة تيجي تندبي سوء الاختيار
الولاد دول كانوا احنا انا واخواتي الكبار
قدرتي تعدي بينا وتربينا وده انتصار
]وجاي اقولك ب ابتسامة من قلبي
شكرا يا ماما … شكرا يا ماما
ياااااااااا
امي
دعوة حلوة منك و ايديكي فى السما … يسمع ربي منك وينورلي انا
شكرا يا ماما
دعوة حلوة منك و ايديكي فى السما … يسمع ربي منك وينورلي انا
كان فيه اوقات كتير الظروف كانت واقفة ضدك
كنتي بتخبي علينا وتدخلي تبكي لوحدك
و اما يدخل حد فينا بتضحكي وتداري دمعك
بس كنت ببقى عارف مرة بالصدفة سمعتك
وقتها انا رحت حالف ب اللى خلقك وب غلاوتك
ان ما هاتغفل عيوني الا لو فرحت قلبك
و ييجي اليوم اللى تكوني فيه فخورة ان انا ابنك
لما بشوفك وانتي قاعدة بفضل اراقبك من سكات
و القى نفسي بقول لنفسي بحب فيكي كتير حاجات
لما بتحكي يوم ولادتي يوم ماخدتيني ف ايديكي
رحتي حضناني بمحبه كل تعبة راح عليكي
قومتي بصالي ف عينيا قلتي يومها سالتي نفسك
انت ايه وهاتبقى مين يارب يطهرلي قلبك
كنت بهرب من ايديكي وياما بتدلع عليكي
ولما احس بخوف وغربة بجري واستخبى فيكي
ولو ف يوم حسيت تعب جوا حضنك تحتويني
و بصوت حنون ودافي تدعي الرحمن يشفيني
ولما بنكسر او افشل والامل بيبقى فاني
بتقوليلي قوم وكمل قوم وحاول مرة تاني
طول ما فيك الروح يا ابني قوم وحقق الاماني
ثق ف ربك ثق ف نفسك قوم عشانك قوم عشاني
بسببك انتي بقيت بقدر طبعا ده انتي ست قيمه
لاني طول مانا كنت بكبر شايفك انتى ازاى عظيمه
ده انا مهما كبرت هاجي و اوطي على رجلك وابوسها
ده انتي امي وانتي عمري وكل حاجة حلوة حاسسها
من كل قلبي
شكرا يا ماما
ياااااااااا
امي
دعوة حلوة منك و ايديكي فى السما … يسمع ربي منك وينورلي انا
شكرا ياماما
دعوة حلوة منك و ايديكي فى السما … يسمع ربي منك وينورلي انا
دعوة حلوة منك و ايديكي فى السما … يسمع ربي منك وينورلي انا
دعوة حلوة منك و ايديكي فى السما … يسمع ربي منك وينورلي انا
دعوة حلوة منك و ايديكي فى السما … يسمع ربي منك وينورلي اناااااا
عيد الام
كل سنة وانتي طيبة يا مامتي و بعودة الايام
تفرحي و تتهني و في عيدك نغني
و نضرب لك سلام
..(ورده)
يا حبايبي يا حلوين يا حبايبي يا طعمين
كل سنة و انتم دايما طيبين وفي صحة
وسعادة و يخليلكوا … بابا
على طول السنين
..(الاطفال)
كل سنة وانتي طيبة يا مامتي وبعودة الايام
تفرحي وتتهني وفي عيدك نغني
و نضرب لك سلام
..(ورده)
بادعي لكم طول السنين تسعدوا يا طعمين
واشوفكم عرايس واشوفكم ناجحين
و تدعوا لبابا يخليلكو بابا
على طول السنين
..(الاطفال)
كل سنة واتي طيبة يا مامتي وبعودة الايام
تفرحي وتتهني وفي عيدك نغني
ونضرب لك سلام
احن قلب
احن قلب في الدنيا قلبك
انتي يا امي
واغلى حب في الدنيا حبك
انتي يا امي
ربيتي اختي كبرتي اخويا
تعيشي ليا انتي وابويا
انتي يا امي انتي يا امي
حبك يا امي يجري في دمي
وكل غالي يرخص عشانك
سهرتي جنبي وشلتي همي
وكل ما اكبر يكبر حنانك
وتسعديني دايما في قربك
انتي يا امي انتي يا امي
ربيتي اختي كبرتي اخويا
تعيشي ليا انتي وابويا
انتي يا امي انتي يا امي
انا اسمي غنوة على شفايفك
وانتي اسمي في قلبي غنوة
وكل لحظه بيبان لي عطفك
في كلمه حلوة ودعوة حلوة
والدعوة منك يسمعها ربك
انتي يا امي انتي يا امي
احن قلب في الدنيا قلبك انتي يا امي
واغلى حب في الدنيا حبك انتي يا امي
ربيتي اختي كبرتي اخويا
تعيشي ليا انتي وابويا
انتي يا امي انتي يا امي
شادية (( ماما يا حلوة))
ماما يا حلوة
ماما ياحلوة يا اجمل غنوة
عايشة في قلبي وجوه كياني
غالية عليه وضي عنيه
يا اول كلمة نطقها لساني
ماما يا ماما
***
انتي ياماما ملاك من الجنة
تحت جناحك اعيش واتهنى
انتي حياتي وابتساماتي
انتي منايا وكل هنايا
مين رباني مين
ومين هناني مين
غيرك انتي يا حلوة ياماما
ماما ياماما
***
لما اضمك وتضميني
تبقى الدنيا مش سايعاني
ويزيد شوقي والقى حنيني
بيخليني اضمك تاني
مين رباني مين
ومين هناني مين
غيرك انتي يا حلوة ياماما
ماما ياماما
***
مهما الف الدنيا يوماتي
ما القاش زيك في الدنيا دي
اسعد لحظة في كل حياتي
لما الاقيك يا ماما قصادي
مين رباني مين
ومين هناني مين
غيرك انتي يا حلوة ياماما
ماما ياماما
صباح الخير يا مولاتي
صباح الخير يا مولاتي
يا ماما … يا اما … يا اماتي
سلاماتي … احتراماتي … قبلاتي
صباح الخير يا مولاتي
يا ماما … يا اما … يا اماتي
ابوس الايد … وقلبي سعيد
يا اول حب في حياتي
يا امي
علشانك النهارده
الدنيا كارت معايده
ملا الربيع اركانها
بمليون الف ورده
والكون بقى جوه بيتك
وانا قبل الكل جيتك
ياللي انا وانتي حاجة واحده
تحبيني وانا احبك
واعيش بالقرب من قلبك
عيوني معجبة بيكي
وروحي كلها تجاوبك
تفضل تقول لك وتقول لك
دايما وابدا اقول لك
صباح الخير يا مولاتي
باغني للامومه
واليد الخدومه
واقول الله يا امي
ع الدفء والنعومه
يا ست يا فدائيه
ياللي قضيتها هي
تجعل حياتي جنه
ولو تبات مهمومه
تعبتي كثير عشان خاطري
عشان امشي … عشان اجري
لما جريت بعيد خالص
في عيدك جيت ووفيت نذري
اضمك بفرحة واقول
صباح الخير يا مولاتي
ما انساش الابتسامه
ومش حانسى يا ماما
الشخطه اللي تعلم
وما تهينش الكرامه
علمتيني المعاني
والصبر ع الاماني
والضحك والاغاني
وبكتيني يا ماما
باجيكي واهنيكي
واقول يا رب يحميكي
كل ما اشوف امل وحياه
اشوف صورتك واناديكي
يا ماما … يا اما … يا اماتي
صباح الخير يا مولا
