اليوم سويت بسبوسه محشيه بجبن وقشطه على طريقة منال العالم مع تغيير الحشوه وطلعت رووووعه
قليل ف حقها وحبيت تشاركوني ارائكم وتعليقاتكم
ندخل ع المقادير
2 ك سميد + ك حليب بودره + ك سكر + ربع ك جوز هند
+ م صغيره ونص بيكنج باودر + اصبع زبده بحرارة الغرفه +علبة قشطه+ رشة ملح
تعجن المقادير مع بعض حتى تتجانس وتختلط وراح تكون عجينه ثقيله
تقسم العجينه الى نصفين ويفرد ا
لنصف الاول ف صينيه بايركس او دائريه انا استخدمت البايركس المقاس الوسط وترص جيدا
ثم نضع الحشوه المكونه من 3 علب قشطه المراعي الطازجه مع كميه من الجبن المالح
يعني نضع الجبن ع القشطه ونحرك ونذوق الطعم الين يكون معتدل ماهو مالح مره ولا
مافيه طعم مره يعني يكون الطعم معتدل
ثم تفرد الحشوه السابقه ع طبقة البسبوسه اللي حطينا مع مراعاة عدم ملامستها للاطراف
الحين نجيب القسم الاخر من البسبوسه ونشكله على هيئة اقراص مصفوفه ع الحشوه والغرض لان
بما ان العجينه ثقيله
ماراح تقدرين تفردينها ع الحشوه الا بها الطريقه ولا راح تختلط معع الحشوه وماتقدرين تغطينها
وماتخافين من شكلها لان مع النار راح تذوب ويختفي شكلها
ندخلها الفرن ع حرارة 170 حتى تنضج
اضغطي هنا لمشاهدة الصورة بحجمها الاصلي
ثم عند خروجها من الفرن تسقى بشيره وتقدم وهذي صورها عند التقطيع
اتمنى تنال اعجابكم مثل مانالت اعجاب اللي سويتها لهم
وبس
والحين راح استنى ردودكم المشجعه اللي تسر الخاطر ههههه
