طريقة عمل فازة من الخرز
هخليكى تعملى فازة تحفة لوحدك
الادوات
نص كيلو كرستال مقاس 10او12 خيط سنارة مقاس 80 دة اللى انا بشتغل بيه كمان
ممكن 60وكمان 70
الطريقة
نلضم 8 خرزات فى الخيط ونربطهم كويس
فوق كل خرزة بتعملى رباعية بمعنى فوق كل خرزة من التمانية بتحطى تلاتة وتدخلى فى
الخرزة وتطلعى منها وتدخلى فى اللى جنبهاوتحطى اتنين وتدخلى فى اول واحدة من التلاتة اللى
دخلتيهم واللى طلعتى منها واللى جنبها وتمشى كدة لغاية الاخر
فوق الرباعية خماسية يعنى فوق كل واحدة رباعية تعملى غرزة خماسية
خلصتى الخماسية عدى الخيط لغاية التمانية اللى بدئتى بيهم الاول واشتغلى رباعية
فوق الرباعية خماسية وبعدين دورين رباعية
وبعدين خماسية خدى بالك من دى
من نص الخماسية لنص الخماسية اللى جنبها اعملى سداسية
سطر جديد نعمل واحدة خماسى وواحدة سداسى من نص السداسية
سطر جديد من نص السداسية لنص السداسية سباعية
من نص السباعية لنص السباعية اللى جنبها اعملى خماسية بعد كدة رباعية للطول المطلوب 3او4او5ادوارويعدين
اخر سطر اعملى خماسية
كدة خلصنا مبروك عليكى الفازة عمايل ايدك
ودلوقتى اسيبك مع الصور ح تكون موضحة اكتر
