البرفانات
انا بفضل دايما لما تجيبي برفان ياريت يكون اوريجينال
لييييييييييية ؟؟
لانه اشيك واقيم وكمان تمنه فيه
يعني ريحته ثابتة جداااا ومش خاسرة فيه الفلوس
وانا برشح الانواع دي فالرجالي وطبعا كل واحدة
وذوقها
دانهيل
مش فاكرة سعرها بصراحة بس هي جامدة
في حدود 350
هوجو بوص
تمنها تقريبا 415
هي سويتي شوية مش جامدة زي معظم الرجالي
وافضل الاماكن
طبعا مزايا وليها فروع كتيرة اووووي وهناك في تستر
تقدري تجربي وتشمي اي برفان قبل ما تشتري
” سيتي ستارز _ كارفور العبور _ سيتي سنتر ”
وكمان محل فيسيز
2 _ الساعات
طبعا لما الساعة تكون اوريجينال هتكون هدية قيمة جدا
طبعا احسن الاماكن اللي ممكن تشتري منها ساعات وتكون
مضمونة التوكيل بتاعها وعشان تتفرجي علي اكتر كولكشن
لبنات القاهرة ” سيتي ستارز ”
عامة احسن واغلا ماركة ساعات هي ” Tissot”
ودي الماركة الوحيدة اللي المينا بتاعها ضد الخدش
واسعارها بتبدا من 2500 وعشان تجيبي شكل محترم
وساعة محترمة من الماركة دي يبيقي مش اقل من 5000
اما عن باقي الماركات المنتشرة لو هتجيبي اوريجينال يبقي
لازم صناعة سويسري عشان تضمني انها هتعيش والسويسري
بيبدا من 2000
اما بئه في ماركات اوريجينال بردو ماكنة ياباني وتصنيع وتجميع
صيني ودول بئه اسعارهم من 700 _ 1200 وهما منتشرين اكتر
في ماركة اسبريت وماركة بوليسي
فانا شايفة انه الاحسن انكوا تجيبوا هاي كوبي او فرست كوبي ودول
منتشرين اووووي واسعارهم من 200 كحد اقصي 600
3_ نضارة شمس
وانا برشح الريبان و الشكل دة بقوة لانه بيليق علي معظم الناس
وكمان موضته مش بتبطل وسعرها من 1000 _ 1500 ويفضل
انك تشتريها من مغربي للنظارات نفسه
4_ ميدالية فضة
سعر الجرام حسب العيار من 8 _ 22 ج
وافضل الاماكن لشراء الفضة عموما
شارع المعز وشارع خان الخليلي
والصاغة
5_ سلسلة فضة
انا بصراحة مبحبش الراجل اللي بيلبس سلسلة فضة
بس طبعا الناس اذووووووووواق
6_ خاتم فضة عقيق
7_ دبلة فضة
طبعا هتقولولي هاغير الدبلة لية هو احنا لحقنا
عادي في ناس بتحب التغيير بسرعة وانا منهم
هههههههههههههههه , غيرت دبلتي مرتين
وناوية عالتالتة ان شاء الله ادعوووولي
8_ ماكينة حلاقة الدقن
وطبعا فيلبيس وبراون احسن الماركات
فيلبيس اسعارها بتبدا من 400 ج
اما براون مش عارفة بس لسة منزلة موديل جديد
شفت اعلانه من يومين
وافضل الاماكن لشراء الاجهزة الكهربائية
بي تك _كارفور _ العجيل _ سيبنيس _ فيرجن
9 _ كاميرا ديجيتال
وياريت لو هتشتريها وتخليها هدية عيد ميلاده طلعيها يومها
واخلي اي حد يصوركوا بيها عشان تكون اول صورة بيها
انتوا الاتنين مع بعض ودي هتكون حلوة اوي عشان تصوروا
بيها الذكريات السعيدة مثلا شهر العسل و اللحظات الاولي
لمولودكم السعيد ان شاء الله .
احسن الانواع سوني وكودك
واسعار السوني تبدا من 900 لحد 5000
تختلف علي حسب جودة الصورة والامكانيات
10 _ كاميرا فيديو
افضل الماركات سوني
واسعارها من 2000 ل 6000
11_ محفظة شيك
والهدية دي ادامك فيها اختيارين
بيرجعوا لشخصية خطيبك وطبيعة لبسه وشغله
الاول : انك تجيبها جلد طبيعي
للاسف ماعرفش عنها اي حاجة
الثاني : تجيبها سبوووور
انا بحب المحافظ السبور بتاعت اداديس وبتكون في رينج من 90 _150
بالكتير
12 _ حزام شيك
وهنا بردو في اختيارين ::::
حزام جلد طبيعي .
لو خطيبك لبسه الاكتر كلاسيك
سعره بيكون في حدود 100 ل 200
حسب ما شوفته في سيتي ماكس
حزام سبور
دة طبعا بيليق عالجينز والتيشرتات
مينفعش خالص عالبنطايل القماش
ودة اسعاره حسب ماشوفته في اداديس
لانها ماركتي المفضلة من 90 _ 350 ج
14 _ بدلة كلاسيك
ياريت بئه لو كتب كتابكم قرب مثلا
تنزلي تجيبله بدلة علي ذووووووووووقك
وانا ارشح اللون الرمادي الفاتح بقووووة
وفي محل في الكربة اسمه روبيان قبل سينما
نورماندي تحفففففففة اذواقه مش ممكن وصعب
تلاقيها في حتة بس اسعاره غالية نسبيا يعني البدل
ب 750 بس بدلة من الاخر
اما بالنسبة للفرح ارشح اللون الاسود اللي فيه لمعة
شوية زي اللي فالصورة تماما .
15 _ كرفات ستان شيك
انا بردو مصممة علي نفس المحل
الكرفاتات هناك ب 75 ج بس اتحداكي
لو لاقيتي الاشكال اللي عنده موجودة اصلا
في حتة تانية اشكال مميزة جدا .
16 _ قمصان
افضل الهدية دي في حالة ان خطيبك يكون بيتشغل
في مكان لازم يلبس فيه كلاسيك فالحالة دي انزلي
هاتي كذا قميص يليقوا عالبدل اللي عنده وياريت
لو تكملي جميلك وتجيبي معاهم الكرفاتات اللي تمشي
عليهم .
وانا ارشح محل اسمه ” ريفالدو ”
في الكربة الشارع اللي جنب نورماندي علي طووول
عنده كل الالوان والدرجات اللي تتخيلوهاااا والاسعار
عنده في رينج ال 150 ج .
17 _ مجموعة تيشرتات
وانا افضل الهدية دي لو بيلبس في شغله
اللي يريحه مش مقيد بلبس معين يعني
التيشرتات اريح شوية من القمصان
افضل ان تجيبي الهاي كوبي من
التيشرت الاكوست البلولو .
اما عن الاوريجينال افضل ماركة ديادورا
الايطالي واسعارهم فالموسم من 90 _ 150
اما فالسيل 60 _85 بس تحفةةةةةةةةةة
وماركة مومو وفيلا استايلهم حلو اوي
وبيكونوا في رينج نفس الاسعار بتاعت
ديادورا .
اداديس ونيكي
فالتيشرتات الخروج مش اد كدة
