على مشهد اللي افترق
يبكي العرق وينوح
اياك تخافي الغرق
قلبي سفينة نوح
لا تغرك المتاهات..
ولا صهد ايامك
عمر اللي سقى ما مات
واهو زرعه قدامك
شوبش يا الخطافين
خبيتوا الخطة فين؟
وبيبنوا قلوعك من جوعك
وبيرمولنا الخطافين
يا ريتني كنت ملك النحل..
اقول الحق مرة.. واموت
عينيك فدانين من نخل
ومن ميتى النخل بيموت؟
والبت عروسة بكار
زفوها بضرب النار
حواليها خدم وولاد
فارشين ورد وسجاد
واخدينها بالخناقة
والمهر الف ناقة
والنيل اعوج ولف
ويا ويل الزرع ان جف
صوتك هجة مهجة
والشاطر يتهجى
فيض يا نيل في جنادل
ما تصبش في الجرادل
ده البت عروسة بكار
خطفوها بضرب النار
