احنا عادتنا في رمضان اننا نعمل بوقالات جميلة..جبتلكم بوقالات جزائرية بلهجتنا..حسب اول حروف اسمكم..
في قديم الزمان اقتسم سكان العاصمة الجزائر المكان فاصبح للرجل الشارع و للمراة السطح.
وبما ان كل البيوت متراصة سمح ذلك للنسوة بالانتقال عند بعضهن البعض و اثناء اجتماعهن
كانت البوقالات سيدة الجلسة حيث تنوي الواحدة بينها و بين نفسها ان تهدي البوقالة لاحدهم
و يقال انها كثيرا ما كانت ” اي البوقالة ” تعبر عن حالة صاحبتها.
اما فائدتها فكانت حينها السلوة الوحيدة لنساء العاصمة.
فالبوقالة من التقاليد العريقة في العاصمة الجزائرية حيث كان النسوة يتفنن في ابتكار الحكم ”
على الطريقة الجزائرية ” فاليكم بعضا منها كل واحد يدخل يختار واحدة ان شاء الله
تكون فال خير عليه
باسم الله بديت ..و على النبي صليت …وعلى اصحاب الاسماء الي تبدا بالالف هذى البوقالة
نويت…نطلب ربي الفتاح يعطيني نحل البيبان و نشوف الهناء و نرتاح .
وحكمتكم :العلم نور والجهل ظلام
باسم الله بديت ..و على النبي صليت …وعلى اصحاب الاسماء الي تبدا الباء هذى البوقالة
نويت…هبط لقاع البحر ، فرشت زربية ، خرجت لي جنية ، قالت لي واش بيك
يا بنية ؟ قلت لها راحوا حبابي و خلاوني وحدانية.
وحكمتكم : بئس الطعام الحرام
باسم الله بديت ..و على النبي صليت …وعلى اصحاب الاسماء الي تبدا بالتاء هذى البوقالة
نويت…لو كان السعود تنغرس بالعود نغرس ميات عود في وطية ، لكن السعود بيدك يا
معبود . يا سقام السعود سقم لي سعدى.
و حكمتكم :تجنب شؤم الهزل ، و نكد المزاح.
باسم الله بديت ..و على النبي صليت …وعلى اصحاب الاسماء الي تبدا بالثاء هذى البوقالة
نويت…طلعت للغابة ، صبت الضرو يابس ،قتلوا يا ضرو القمر يمشي ولا حابس ، قالي
مفرش زربية وحذاه طاوس .
و حكمتكم : ثمرة العلوم العمل بالمعلوم.
باسم الله بديت ..و على النبي صليت …وعلى اصحاب الاسماء الي تبدا بالجيم هذى البوقالة
نويت…رشيت عتبة الباب بالزهر و الطيب ، وسقيت كل الاحباب بالعسل و الزبيب ، و
كى نسيت جاني جواب كنت نستناه من عند البعيد.
و حكمتكم : جد بالكثير ، واقنع بالقليل
باسم الله بديت ..و على النبي صليت …وعلى اصحاب الاسماء الي تبدا بالحاء هذى البوقالة
نويت…مديت لقاع البير و فرشت زربية ، حرقست حرقوس ذهب من راسى لوذنية ، فرحي
يا يما سعدى زها ..و استشفاي في العدو الى استشفي في .
و حكمتكم : الحازم من كتم سره
باسم الله بديت ..و على النبي صليت …وعلى اصحاب الاسماء الي تبدا بالخاء هذى البوقالة
نويت..يما يما ديريلي تويقة في وسط الحديقة باش نشوف زهرى كي تجيبو ذيك الوريقة.
و حكمتكم : الخرس خير من الكذب .
باسم الله بديت ..و على النبي صليت …وعلى اصحاب الاسماء الي تبدا بالدال هذى …صحاب
الاسماء الي تبدا بالدال هذى البوقالة نويت..ديديو..ديدو..انا سعدي مليح ، قنديلي ضاوي ، البنيان الى
بنيتو قع سجالى ، بنياني فوق غرفة و لي يخصني يكملهولي العالي .
و حكمتكم : دل على الجميل بجميل خلالك
باسم الله بديت ..و على النبي صليت …وعلى اصحاب الاسماء الي تبدا بالراء هذى البوقالة
نويت…عسل يا عسل في باقة خضرا ، يا شميمت العاشقين يا قمرا ، حلف سيد
الملاح ما يراس امر غير اذا جات غزالته باش تكمل الحضرة.
و حكمتكم : ربما اراد الاحمق نفعك فضرك
باسم الله بديت ..و على النبي صليت …وعلى اصحاب الاسماء الي تبدا بالزاي هذى البوقالة
نويت…الدالية دلات ..و دل العنقود ، خلي القمر ينكشف ، والسحاب يذوب ، و خلي
لالات النسا تنال المرغوب.
وحكمتكم : زين النطق الصدق .
باسم الله بديت ..و على النبي صليت …وعلى اصحاب الاسماء الي تبدا بالسين هذى البوقالة
نويت…خرجت نهار الجمعة ، في يدى شمعة ، قالولي امسحى ذيك الدمعة ، و انساي
الخلعة ، قريب يتلموا احبابك و صحابك و يفرحوا معاك الجماعة .
و حكمتكم : سرور الدنيا كاحلام النائم .
باسم الله بديت ..و على النبي صليت …وعلى اصحاب الاسماء الي تبدا بالشين هذى البوقالة
نويت…الناس تنده بالرجال و الوالي ، وانا ننده بربي العالي .
وحكمتكم : الشكاية سلاح الضعفاء .
باسم الله بديت ..و على النبي صليت …وعلى اصحاب الاسماء الي تبدا بالصاد هذى البوقالة
نويت…حوم حوم يا حوام ، حوم فوق السطح العالي ، و قول لها يا لالة
يا زينة لبنات و خدودها براقة ، و عيونها غراقة ، صارت كل القلوب ليها
سباقة.
و حكمتكم : صداقة الجاهل تعب .
باسم الله بديت ..و على النبي صليت …وعلى اصحاب الاسماء الي تبدا بالضاد هذى البوقالة
نويت…كلام على كلام و الكلام على سقيلة ، العين في العين و الدعوة مقبولة.
و حكمتكم : ضالة الكريم حسن الثناء.
باسم الله بديت ..و على النبي صليت …وعلى اصحاب الاسماء الي تبدا بالطاء هذى البوقالة
نويت…يا شمس واش بيك ذابلة ، الا لابيك الزين راني نفكر فيك ، و اذا
بيك الزهر ربي ما يتخلي عليك .
و حكمتكم : طوبي لمن شغله عيبه عن عيوب الناس
باسم الله بديت ..و على النبي صليت …وعلى اصحاب الاسماء الي تبدا بالظاء هذى البوقالة
نويت…محبس منقوش ، مربي على الفشوش ، ما يحمل الهانا ، اصبر يا خاطري حتى
يفرج مولانا .
و حكمتكم : ظلم الضعيف افحش ظلم
باسم الله بديت ..و على النبي صليت …وعلى اصحاب الاسماء الي تبدا بالعين هذى البوقالة
نويت…لزيت لباب الرياض ، الورد عالباب النرجس باسني ، الزهر عنقنى ، و الياسمين ما
بغى يكلمني .
وحكمتكم : العين بريد القلب .
باسم الله بديت ..و على النبي صليت …وعلى اصحاب الاسماء الي تبدا بالغين هذى البوقالة
نويت…قطعت اللحم بيدى و عملت بذور ، و سمعت الكلام بوذنى و عرفت من قالو
، يا قايلين الكلام القبيح واش تربحوا ، انا طاوس في القصر و انتم خفاش
النهار ما يضوالو.
و حكمتكم : الغفلة غرور.
باسم الله بديت ..و على النبي صليت …وعلى اصحاب الاسماء الي تبدا بالفاء هذى البوقالة
نويت…جزت على جنية ، قالت لي واش تحوسي يا ولية ، قلت لها مانى نحوس
لا على مال ولا على جاه ، نحوس على من ضيعت قولي لي .
وحكمتكم : الفقه جيش لا يهزم
باسم الله بديت ..و على النبي صليت …وعلى اصحاب الاسماء الي تبدا بالقاف هذى البوقالة
نويت…جايز على باب دارنا ، لابس تلمساني ، قتلو يا شيخ بالاك تنساني ، قاللها
والله ما ننساك ، ونصيبك على ربي جاه و سلطاني.
وحكمتكم : القريب من قرب نفعه.
باسم الله بديت ..و على النبي صليت …وعلى اصحاب الاسماء الي تبدا بالكاف هذى البوقالة
نويت…امنت بالله ، و المنام رؤية من عند الله ، حمامة بيضا جات ترفرف علي
، معاها حصان توقف بين يدي .
وحكمتكم: كرام الناس اسرعهم مودة.
باسم الله بديت ..و على النبي صليت …وعلى اصحاب الاسماء الي تبدا باللام هذى البوقالة
نويت…نبعث لكم دموعى في مشوار ازرق ، و نبعث كلامي في برية تحرق ، ما
ننساكم يا ناسى بحق مكة و بلاطها لزرق.
وحكمتكم : لين الكلام قيد القلوب.
باسم الله بديت ..و على النبي صليت …وعلى اصحاب الاسماء الي تبدا بالميم هذى البوقالة
نويت…سمعت قر الحمام في قاع السجنة ، لا من سقاه الما ولا من طاه شعير
، يا قمر ..الحمام يعي و يحن ، وتتعمر النافورة ، ونعودوا لزمانا كيما كنا
.
و حكمتكم : المشقة كلها في تاديب الجاهل .
باسم الله بديت ..و على النبي صليت …وعلى اصحاب الاسماء الي تبدا بالنون هذى البوقالة
نويت…خرجت ليلة الجمعة ، في يدى شمعة ، خرج لي ملاك حنين قالي : يا
بنت السحاب حاجتك راه مقضية ، قلت ليه : يا سيدي طالت المدة ، قالى
: روحى لدارك تصيبيها قدامك .
و حكمتكم : النفس مولعة بحب العاجل .
باسم الله بديت ..و على النبي صليت …وعلى اصحاب الاسماء الي تبدا بالهاء هذى البوقالة
نويت…خرجت بدر البدور تتزعبل في المور ، تلقت هذوك الشعور ،على الخد الى ينور مثل
التفاحة.
وحكمتكم : هيهات من نصيحة عدو.
باسم الله بديت ..و على النبي صليت …وعلى اصحاب الاسماء الي تبدا بالواو هذى البوقالة
نويت…دارنا في الجبل ، مقابلة مكة ، مفتاحها من ذهب ، يشعل ما يطفي .
وحكمتكم : الوحدة خير من جليس السوء
- بوقالات حسب الاسماء
- البوقالات حسب الاسماء
- بوقالات جزائرية حسب الاسماء
- بوقالات بالاسامي
- بوقالات حسب الأسماء
- بوقلات حسب الاسماء
- بوقالات الزواج
- بوقالات بالاسماء البنات
- بوقالات جزائرية حسب الأسماء
- كيفية عمل بوقالات
