انشوده عن الوقت

يمر الوقت يسرقنا بلا ذكرى ولا طاري
هموم الدنيا تشغلنا وتاخذنا وتودينا
وفجاة يرجع الماضي ويقطع حبل افكاري
يذكرني سوالفنا وجمعتنا وليالينا
احط خدي على اليسرى وامد اليمنى للباري
ياليت الوقت الي باعد يقربنا ويدنينا
انا ما ادري اذا تدري او انته ما انته داري
انا ودي الزمان الي مزعلنا يراضينا
واتخبر عن اخبارك وتتخبر عن اخباري
واسال ليش روحنا وتسال ليش ما جينا
ونتلاقى وحبايبنا نقضي الليل سماري
على شط البحر نسهر ونتذكر حكاوينا
ونرسم لوحة الماضي على نجم السما الساري

نبروزها بامانينا ونختمها باسامينا
شراع الحب يسري بالسفينه والامل صاري
وربان البحر ذكرى وتصاريف القدر مينا
تركنا همنا لله وما عاد الدمع جاري
ولا عاد الزمان الي يبيكنا يبكينا

• صور ادارة الوقت جديدة ومفيدة
• انشوده الوقت
• انشوده عن الوقت mp3