كلمات عن التجريح

يرت رايي فيك واخترت فرقاك

الله مع الايام يغنيك ويغنيني

ما عاد ابي شوفت خيالك ورؤياك

حاول تبعد عن خيالي وعيني

للصبر اخر خلاص عافك الخاطر

حاولة امسح ذكراك لكن ماني بقادر

روح ابعد بس يكفيني جراح
لا ترخى راح ذاك الحب راح
خلني بعيش بعدك مستريح
ما يسح الجرح غير الجريح
لا انته ولا غيرك

لا انته ولا غيرك ولا حتى السنين السود
تخلي دمعتي تنزل على خدي واكفكفها
انا ادري منيتك انك تشوفني وانا مهدود
ولكن اغسل يدك محال ادموعي اذرفها
احبك كنت انا احبك وحبك كان بي موجود
ولكن عشرتك هالحين انا من قلب عايفها
عطيتك كل ما املك ولا فكرت بالمردود
وكلما تصدمني بجرح اقول احباب طوفها
تقول الخطاء وارد وانا اقول الصبر بحدود
ولا انت درس علمني عطايا القلب اطرفها
انا ماني هذاك اللي اذا ضاقت عليه يعود
انا يالضيقه تنسفني يا اما الضيقه انسفها

صار يتغلى علينا ما يعجبه شي فينا
مادرى احنا بغلانا ما نبي اللي ما يبينا

ماني بميت لي نسيتي غرامي
ببكي عليه ايام لحد منسى

صرت منهم وفيهم صرت خاتم بايديهم
بعت قلبك عليهم ليتهم يشترونك

يا خسارة وقت في حبك قضيته
ضاعت احداثه هدر طول الليالي
روح انا ماني متحسف ابعادك
بس اعزي من بيرضابك بدالي

مات الغرام اللي لك بداخلي مات
ما عاد ينفعك العذر لو تعذر
مقدر خلاص اتحمل اليوم غلطات
مكذب عليك انا بديت اتغير
كنت احسب انك معاي بتم
لكن للاسف ظهرت شخص خاين
ما تعرف المحبة و الشجون
والي في داخلك
بقايا انسان لا اكثر ولا اقليا خسارة
لينتني ما سلمتك القلب والحين ارجوك ارحل لا تبرر اعذارك

اما انا بعتك ولا يمكن اشريك
صورة وملت شوفها نظرة العين

لو تندمتي وناديتي تعال ما تغير صرخة احساسك علي
كيف ونتي للكبر صرتي مثال وانطويتي بدنيتي احلام طي
الغرور يحطم اخسور الوصال يعمي عيونك ترى عن كل ضي

دمعتي سالت على شانك ضحيه
ما رحمتي دمع جرح موق عيني
من هو المسؤول عن عمر تحطم
من هو اللي باع خله خبريني

قالت انت تبين انك مستهين وانت روحك من عنا البعد اطلعت
زين ابسال دام قلبك ما يلين ليش عينك يوم قفيت ادمعت
قلت انا باسي قوي لو ترجعين صدقيني عمر نفسي ما اخضعت
وكان قصدج دمعتي لا تفرحين شعرة دشت بعيني واطلعت

ياللي تطالع وكنك ما تطالعني

نظرتك هذي حبيبي لا تكررها

حبك اصبح شيء عادي ماله تاثير بفؤادي
كنت في لماضي حبيبي يوم قلبك لي ينادي

ضحكوا عليك وغيروك سويت نفسك مضحكه
غروك بالقوال وغروك عشان خلك تتركه
غافل ودادك وانهبوك ساكن ما رمت اتحركه
صدقتهم بس اخدعوك وين الهوى لي تملكه

صبرت وقلت يمكن يوم اغير فيك نظراتي
نصحتك الاسف مرات ولا كنك سمعتيها

عطيتك الفين فرصه يمكن القابك
قلبا يعرف ويقدر قيمتي وقدري

لا معتذر منك ولو كنت معذور

نعم معك بلذات لي طبع ثاني

بس انسي اني كنت في يوم مذبح

عليت من شانك وطية شاني

يكفي ظلم انسان يغليك

عيد النظر يا صاحب الراي

ساعات احس اني عن الناس فل حال
وساعات اضحك من قسى وقتي وابكي

رحل عنك ولا وداك ولا اظنه بعد يرجع
تصبر بالندم و اقنع ترى هذا طبع دنياك
خسارة خاب ظنك خاب نسونا اقرب الاحباب
فتحنا للمحبه باب وضيعني انا وياك
متى ما اصفق اكفوفي من الي يصدق ويوفي

انا ما وعدتك بنهاية سعيده … ولاقلت اني وفي ما اخون…
انا ما رسمتك لابد حبيب… ولاحلفت لغيرك ما اكون…
اشتبي اكثر كل شي مفهوم… انتهى الوقت وروح بسكون…
اسحب قلبك من ارضي بمودة… واحرق الشوق بدمع العيون..
واذبل مع ذكرى المحبة… ماهمني عذابك والجنون…
اسفه..وقت غيرك ما اضيعه… لاتحسب قلبي طيب حنون…

السبب واضح ولا عندي سبب؟
كل شي راح واتحمل خطاك
لا تحاول تتصل هذا صعب
روح دور عالذي من مستواك

حسك تقول ان انا مقدر على بعدك
انا اقدر انساك واسيبك للضنى وحدك
قلبي بيدي وانا اللي قلت له يهواك
وان قلت له ينسى لحظه والله ترى ينساك
لو حد جاء لك وقال ان انا ابيك
حسك تصدق ترى ما عاد افكر فيك

بيني وبينك الايام روح بدل العام اعوام
مانته اول من جرح قلبي روح بيني وبينك الايام

ما ابي اسمع رجاوي ما ابي اسمع حلوف
كل عاشق يخطي مرة وانته تخطي بلاوف

طحت من عيني خلاص دور على غيري بديل
ما تنفعك كلمة سماح ولا كثرة الدمع الهميل
ذاك الزمن ولى وراح وهذا جزى كل من يعيل
لا فيك خير ولا صلاح خنت العهد بعت الجميل
خلاص يكفيني جراح ورقمك محيته من الدليل

تسليتوا عن اللي ما نسيكم وخنتوا عهدي اوصافي زمانك
وخليتوا محب يهتويكم على نار الصبر يرقب بيانك
احب الشوك لان الورد فيكم ابيع العمر في شفك او شانك
انا الزعلان واتغلا عليكم انا شرهان السبه هوانك
زعلت ازعل والله مرتضيكم رحلت ارحل وربك في املنك

استغنيت انا عنك خل ينفعك ظنك
خلك تذوق الجرح تذكر زمان راح يمكن يفيدك ظنك

روح يا خوان ما عندك ضمير
استدار الوقت واكشف لي هواك

يوم يتني من اقرب صاحب اصدمتني
كل شيء في عيوني تحطم وهان

يا من عطيته ودادي ويا من لحبه وفيت
طعنتني في فؤادي خساره اما عطيت

بعاند كل احاسيسي وابدا خطوت النسيان
ومتى ما زارني طيفك بقوله روح يا خوان

روح لهم وش تبي بي قريب جرحي يطيبي
رحمة الله حبيبي ولا رحمة عيونك

في ذمتك هذا كلام كل يوم لك حب و غرام
مانته صغير اعلمك الغش في الدنيا حرام
ماني وليك احاسبك ولاني غلاك اغاتبك
ولاني حرس و راقبك صدفة لقيتك و السلام
حبيت ابين لك و اقول لو تعتبر قولي فضول
من كان سهل في الحصول ما هو ترى قد الهيام

راح تعرف ان حبي مع مرور الوقت صايب
راح تعرف في النهاية ما حد يعوض مكاني
راح يكشف لك زمانك من هو اللي كان طيب
ومن هو اللي لجل خله عاند ضروف الزماني
هذي الدنيا غريبة… صعب تلقى لك حبايب
قلتها لك مالبداية صعب يوفي لك اناني

خذ راحتك صبري على بعدك كبير
لا تنزعج مني ابد دنياك عاشرها وسير
لا تتعب افكارك معاي انا مجرد ذكريات
راحت مع احلام السنين هذا المقدر والمصير
خذ راحتك عيش الهنا عيش الوفا مع من تريد
عسى الليالي تسعدك وتهنى مع الجو الجديد

قل كلام يشرح الخاط او ارحل
لا تطولها وهي عندي قصيرة
ولو تبي تزعل وانا ما خطيت ازعل
وابتعد ما دامت الدنيا كبير

اللعبة
سامحيني .. خانتك نظرة عيوني يوم شفتك للاسف لحظة لقانا كنت اظنك شخص ثاني
جت عيوني في عيونك .. صدقيني ما عرفتك!اعتذر قلبي تغير .. مثل ما قلبك نساني

التقينا ومالتقينا .. كفي بكفك .. لمستك لكن شعوري تبدل .. اعترف غيرك خذاني
مالوم نفسي .. لو بنسياني جرحتك ما بقالي منك ذكرى غير جرح في كياني
كنت انا طفل .. وكنتي لعبة يا كم عشقتك كانت دموعي تصبب لو يخبونك ثواني

اشكي من فرقاك وانتي جامدة في ثوب صمتك لعبة ما يوم حست في معاناتي وحناني

من طرف واحد هويتك .. حلم ايامي رسمتك واثرني مخدوع لما ,, كنت اظن قلبك
مكاني
سامحيني .. واعذريني .. لو صرختي وما سمعتك للاسف صوتك تغير .. صرت اظنه صوت
ثاني!!

في ذمتك هذا كلام كل يوم لك حب و غرام
مانته صغير اعلمك الغش في الدنيا حرام
ماني وليك احاسبك ولاني غلاك اغاتبك
ولاني حرس و راقبك صدفة لقيتك و السلام هذي الدنيا غريبة…

صقر لقيته مسقاي سم مكسور جناحه من اصحابه طايح على الارض وينزف دم ويبكي من
حر ما صابه حنيت له يوم يتالم والدمع قاطر من اهدابه اخذت عنه حمول الهم
عامين اراعيه واشقابه ويوم طار ما سلم قطع وريدي بمخلابه!

ياللي زعلت

ياللي زعلت ازعل ولاني مراضيك ….. اشرب كدر ماي البحر كانه ارضاك

لا تحسب اني عقب صدك بداريك ….. باعز نفسي عنك مدراك مدراك

اربع سنين وانا متحمل تغليك ….. راضي بتعذيبك لاجل قلب اغلاك

وخليتني واليوم والله لاخليك ….. وادوس قلبي لينه يقول خلاك

قبل توريني الحساير باوريك ….. ليمن يقال فلان هانك و وراك

كانك تحداني فانا اقبل تحديك ….. وانسى الغرام اللي مضى واتحداك

ماني بقايل لك عسى الله يهنيك ….. الله يحرمك كل ما كان هناك

عسى العمى ياخين العهد يعميك ….. فوق الغرور اللي عن الماضي اعماك

وعساك ما تسمع قريب يناديك ….. حيثك تجاهل صوت محروم ناداك

وعسى الشلل يعوق رجل تمشيك ….. لينك تندم ليه غيرت ممشاك

وعسى حياتك بس فرحة لشانيك ….. يلقى بها الفرصة عدوك ويشناك

وعسى الليالي اللي تجيني بطاريك ….. يصبح عليها الصبح ويموت طرياك

وعسى المنام وكل راحة تجافيك ….. امين حتى اللي تمناه يجفاك

وعساك ما تفرح وتكثر بلاويك ….. وامك تشق الجيب من عظم بلواك

والى مت جعلك في جهنم تصاليك ….. نار الجحيم ونار دنياك تصلاك

الله يكره فيك حتى دوانيك ….. غشاش خاين من من الناس داناك

هذه النهاية روح والله يجازيك ….. امسك ويومك عنهم الغد يجزاك