السلااام عليكم ورحمة الله وبركاته
معليش تحملوني بقول لكم قصتي قبل لا اعطيكم العلاج .. قصة قصيرة خخخخ
هذا الله يسلمكم من فترة قعدت من النوم الا واذني تعورني مادري ليش قلت يمكن
اتخيل او الم بسيط ويروح لكن الالم بدا يزيد شوي شوي
هو مش الم فظيع لكنه مزعج :wacko: وصاحبه الم بسييييط في اللوز فتوقعت ان عندي
التهاب بالاذن ومالي خلق اقعد من صباح الله خير واروح المستشفى فتذكرت ان عندي كتاب
بعنوان عالج نفسك بطعامك وشرابك
كتاب عجيب فيه عدة وصفات طبيعية لاغلب الامراض اللي نعرفها ودورت عن علاج لالتهاب الاذن
وفعلا لقيته .. والاحلى ان مكوناته سهلة و متوفرة في البيت
المكونات :
3 فص ثوم
فنجان زيت زيتون
طريقة صنع الترياق هههه
ندق الثوم ثمن نغليه في فنجان زيت زيتون بتلاحظون انه لما يغلي تطلع فقاعات (احلفي)
ولون الزييت صار افتح ونخليه الين مايبرد ونقطر فيه الاذن
اظن قطرة وحدة كفاية .. انه كثرت وانسدت اذني هههه .. قطرة قطرتين بالكثير كافية
واذا مانفع زيدو الكمية شوي
والله العظيم ان خلال فترة بسيطة خلال ثواني او خل اقول خلال دقايق علشان لا
اكون كذبت وانه مادري بدا الالم يخف شوي شوي اقول لنفسي يمكن اتخيل بنام واجوف
شلون لما اقعد الصبح
قعدت الصبح والا مافي الم كلش :laugh: ولله الحمد الى يومنا هذا بس اذني انسدت
شوي وخلال يوم او يومين عادي .. بس فيه عيب واحد ان له ريحة
تخيلو ثوم مقلي و زيت زيتون مغلي وحطوهم مع بعض عاد تخيلو الريحة بس بصراحة
انه ماانزعجت من الريحة فتحت الباب وخلال دقيقتين راحت الريحة في البيت
لكن الريحة تهون مشان العلاج موو ؟
سبحان الله رب العالمين مااحل لنا طعام الا وفيه فايدة وماحرم شي الا وفيه ضرر
لنا .. لكن يامين من يعتبر وهذي نعمة من رب العالمين ولله الحمد
وبس خلاص اعذروني ع الهذرة وان شاء الله ماتحتاجون هالوصفة
