واحد مسطول بيقول لصاحبه مش عارف يا اخي عود الكبريت ده ما بيولعش ليه مع
انه لسه مولع من شوية
· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين
، والصحراء ما فيهاش حد
· هل تعرف من هو اوفي مخلوق؟ نملة مات زوجها الفيل وقعدت طول حياتها تدفن
فيه
· زرافة و فيل واسد وفار وثعلب وارنب ماشيين في الغابة ، وقعوا كلهم في
حفرة الا الزرافة ،قالولها :جيبي لنا حبل. قالتلهم :ما فيش. قالولها :احنا جعانين عايزين ناكل
قالتلهم: ماعرفش اجيب لكم اكل. قالولها: والعمل؟ قالت لهم: كلوا اضعفكم …. قام الفار نط
مفزوع وقال لهم : اللي حيقرب من الاسد حيعرف شغله
· مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة
· تايه بيسال واحد ماشى فى الشارع اية اسرع طريق اروح بيه للمستشفى ؟؟ قالوة
غمض عينك وعدى الشارع
· مرة واحد غبي ماشي في الشارع لقي واحد صاحبه قاله ازيك ياعلي شكلك اتغير
خالص الثاني رد عليه بس انا مش علي الاول قاله وكمان غيرت اسمك
· اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ،
فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ،
فواحد منهم بص ورا ملقاش الهدوم فقال له كفاية كدة احنا بعدنا اوى
· محشش يسال محشش تتوقع الجمعة يوافق اخر الشهر ؟ رد عليه : لو ضغطنا
عليه يمكن يوافق
· واحد ندل فتح مصنع بيبسي كتب على كل علبة : رج جيدا قبل الفتح
· واحد راح للدكتور بيقولوا يا دكتور كل ما اكلم واحد ينام مني ……….. يا
دكتور ……….. يا دكتور
· بلديات فتح محل انابيب غاز .. فجر اسطوانتين فى وسط البلد . دعاية
· واحدة راحت تخطب لابنها . ام العروسة بتسالها … وياترى ابنك بيدخن ؟؟؟ ردت
عليها : لا لا لا الحمد لله ، ابنى ما بيدخنش….. الا اذا سكر
· ,احد بيقول لصاحبه … الحق الثعبان دخل غرفة حماتك … قاله: سيبه يستاهل
· اثنين ساكنين في خيمة ونايمين على ظهورهم بالليل.. بص الاول للسما وقال للثاني شايف
ايه ؟ قال اشوف نجوم كثيرة…. قال وده يدل على ايه ة ؟ قال الثاني
: ان فيه مجرات وكواكب غيرنا في الكون ده . قال الاول ده يدل ان
سقف خيمتنا انسرق ياغبي
· ثعبان نظره ضعيف يوم ما حب واحده….. طلعت خرطوم
· بلدينا ماسك قنبله وعمال يحدفها من الايد دى للايد دى ، قابله واحد تانى
قال له :يخرب بيتك ولما تنفجر فى وشك ، قاله : ماتخافش معايه غيرها
· بلدياتنا نجح في انتخابات مجلس الشعب، ففي اول جلسة قاعد جنب واحد افندى فالافندى
عزم عليه بسيجارة مارلبورو، وبعد شويه بيسالوا ايه رايك في الديمقراطية ياحاج؟؟.. فرد الحاج :
والله احسن من الكيلوبترا !!
· واحد قال لابنه: نابليون وهو ادك كان اول واحد في الفصل،… رد الواد على
ابوه : نابليون وهو ادك يا بابا كان امبراطور
· واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل
، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30
يلا اصحى
مرة واحد بلدياتنا واقف في الشارع و بيتكلم في المحمول و عمال يزعق و يقول:
بس دوري تاني ، دوري كويس.
قام واحد معدي في الشارع جه قال له: في ايه
قام بلدياتنا قال له: طلبت رقم قامت طلعتلي ست عمالة تقول
(الرقم الذي طلبته غير موجود في الخدمة)!!!!
واحد بلدينا اشترى موبايل، ركبله جهاز اظهار رقم الطالب!!!!
مرة اربعة بلدياتنا راحوا فرح
الاول:- نقط بخمسة جنيه و ضرب طلقة رصاص
الثانى:- نقط بعشرة جنيه و ضرب طلقتين
الثالث:- نقط بخمستاشر جنيه و ضرب 3 طلقات
ابوهم الراجل الكبير بقى عايز يعمل منظر راح منقط ب ميت جنيه و رمي قنبلة!!!
بلدياتنا و امريكى و يابانى عرضوهم على جهاز كشف الكذب
اليابانى: احنا بنفكر نعمل انسان الى و نستغنى عن البشر ، راح الجهاز ضربه..
الامريكى: احنا بنفكر نطلع المريخ و نعمل مستوطنات عليه، راح الجهاز ضربه..
بلدياتنا: احنا (بنفكر) ولسه مكملش ،،،،،،،،،،راح الجهاز ضربه!!
مرة واحد موظف ماشى الصبح رايح شغلة وهو ماشي شاف جماعة بلدياتنا واقفين فوق
كوبري قصر النيل مهيصين و بيسقفوا و بيصفروا ويرقصوا ويهللوا وينادوا هاريدي
هاريدي هاريدي، تاني يوم شاف الموظف نفس الحكاية، ثالث يوم شاف نفس الحكاية
فراح يسال حد من الجماعة دية والنبي يا بالادينا شايفكوا بتسقافوا و مهياصين
على الاخر هو في اية قالوا احسن غطاس عنديكم بيجعد جد اية تحت المية قالوا
ثلاث دقائق قالوا هريدي ولد عمي !!!! بجالوا تلات تيام في المية ومطلعش
بلادينا بيقول لبلادينا (انا تعبان من الروماتزم) رد عليه وقاله انا جرجاوي من فرشوط
مره مسئول كبير راح يفتتح حمام سباحه كبير في سوهاج
فكان مدير الحمام بيشرحله مميزات الحمام فقال
ده يا فندم المنط العشرين متر اطلع يا محمدين نط فنط
و ده يا فندم المنط الاربعين متر اطلع يا حسنين نط فنط
فقال المسئول هايل هايل
فقاله المدير ولسه كمان يا فندم لما نملاه ميه
واحد بلدياتنا ركب سيارة مرسيدس حديثه فتح الراديو لقي المذيعه بتقول هنا
لندن راح قايل يلعن ابو السرعة
واحد بلديتنا سافر بره بعتوله برقيه ارجع فورا يوجد امر خطير رجع على اول
طياره قابل اخوه الكبير فى المطار تعبان وحالته حاله ودقنه طويله قاله فى ايه
طمنى ابويا جراله حاجه راح مطبطب عليه وخده فى حضنه وركبوا العربيه لقا اخوه
الثانى فى السياره تعبان وحالته حاله ودقنه طويله قاله فى ايه طمنى ابويا
جراله حاجه راح مطبطب عليه وخده فى حضنه سافروا لقا اخوه الثالث على باب
البيت تعبان وحالته حاله ودقنه طويله قاله فى ايه طمنى ابويا جراله حاجه راح
مطبطب عليه وخده فى حضنه دخل على ابوه فى السرير لقاه نائم تعبان وحالته حاله
ودقنه طويله قاله فى ايه طمنى يا ابويه انت كويس رد عليا راح ابوه قاله
يا
حسنين وديت ماكينه الحلاقه فين
بلدياتنا دخل صالون حلاقة و لما الزباين مشيت الحلاق قال له تعالى احلق لك
فقاله بلدياتنا انا مش جاى احلق…. قاله: امال اية………. قال انا جاى
اسال عن البيه اللى ساكن فوق.. الست قالت لي اقعد فى الصالون لغايه ما البيه
يجى
بلديتنا شاف فى الجرايد حادثه واحد فى امريكا قتل مراته ودفنها تحت السرير
والبوليس الامريكى لم يكتشف ذلك الا بعد 25 سنه قام قال لنفسه يبقى انا لو
عملت كده البوليس عندنا مش حيكتشف ابدا راح فعلا قاتل مراته وحفر تحت
السرير وحطها مفيش ربع ساعه والبوليس قبض عليه فتعجب قوى وسال الظابط انتم
ازاى كشفتم الجريمه بسرعه قوى كده ده فى امريكا ماكتشفوهاش الا بعد 25 سنه رد
عليه الظابط اصل فى امريكا الراجل كان ساكن فى الدور الارضى وانت ساكن فى
الدور الخامس
مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء.
قعد اصحابه يشدوه و يضربوه علشان يبعد عن الحيطة ما عرفوش. لحد ما
ودوه المستشفى و لكنه مات. …..تقرير الطبيب الشرعي: سبب الوفاة ضرب افضى
الى موت
مرة واحد بلدياتنا دخل مطعم بيتزا الرجل جابلة البيتزا قاله تحب نقطعها علي 8
قطع ولا 16 قطعة.. قاله لا 8 قطع علشان ما اقدرش اكل ال 16
واحد معدى لقى ناس بتهيص قوى قالولهم فية ايه
قالوله فى واحد بلدياتناعايز ينط من سطح العمارة
قالهم خلاص انا طالعلة…
طلعلة وقاله عايز تنتحر لية…
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها .. بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم .. بلدياتنا :ماخبرش
الراجل: بيضتين.. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا : 3 بيضات
راح الراجل ماسكه وراميه
