نشارككم بعشيوتى البارح خذيت الدجاج شرملتو بملح+ابزار+سكنجبير + قزبر يابس+ ثومه محكوكه + قزبر و معدنوس مقطع رقيق + عصير نص حامضه + شويه تحميره + خرقوم بلدى +3المعالق كبار زيت بلديه نشرملو الدجاج و نخليو تقريبا واحد ساعتين فالثلاجه من بعد نفوروة منى يطيب ندهنوة بالزبدة و لاموطارد و ندخلوه
خذيت خضر مشكلة فورتها (خيزو+ كورجيط + لوبيا ممكن ديرى اي خضر عندك فالثلاجة) منى كاطيب الخضر نديرو شويه الثومه و زبدة و معدنوس+ملح+ابزار فالمقله و نسوطيو بها الخضر جميع نوع بوحديتو منى نبغيو نطفيو على الخضر نضيفو معلقه صغار عصير حامضكاندير هد الكيفية حتي البيض مصلوق كايجى بنين