المكونات
حليب
قشطة و بالتاكيد تفضل طازه
باف بسترى ( و يمكن تستغنى عنه بالجلاش او الرقاق الموجود عندك هينفع ان شاء الله و برضة هتكون نفس الكيفية )
مكسرات اي مكسرات بتحبيها ( انا حطيت فستق و جوزهند و زبيب )
الطريقه
اولا قطعت الباف بسترى و رصيتة فصينية بالشكل ده
ودخلية الفرن عشان يتحمض معاكى بالشكل ده
ودى القوالب بتاعتى و لازم بالتاكيد تكون بتدخل الفرن
نبتدى نعمل طبقات من المكسرات و الباف بستري
حطيت الاول شوية مكسرات
و ثم الباف بستري
وكمان مكسرات و يمكن تزودى او تقللى منها زي ما تحبى انا حطيت منها كتير لانى بحب المكسرات بها كتير
وكمان باف بستري
واخيرا مكسرات
ثانيا نجهز الحليب بتاعنا
نظبط السكر بتاعة كويس و عليه رشة فانيليا و على النار و قبل ما يغلى نضيف القشطة بتاعتك و ياسلام بقة لو طازجة بتكون اجمل و احلي
وخلاص بقة الحليب جاهز اهو
نضيفة للاطباق بتاعتنا
ملحوظة مهمة يافتيات الباف بسترى بيحتاج كمية حليب كتييير شوية يعني لازم تزودى منه عشان مش يطلع زي العجين معاكي
وندخلة الفرن و نفتح لشواية عشان ياخد لون حلو معاكى و يمكن ترشى شوية مكسرات تانى على الوش
ودة شكلة خلاص جاهز هي بتتاكل سخنة بتكون تحففه