مقادير جديد حلويات اللوز،جديد حلويات اللوز بالصور
نبداو ان شاء الله بحلاوى اللوز ديرو عجينتكم المعتمدة ديال الكعبه خاصها تكون شويه قاسحه و كندلكوها مزيان و نديروها فبلاستيكه ترتاح باش تطلق و تعطينا الطوع
عقده اللوز كننسموها باش بغينا يا اما قشور الحامض او فانيلا او ماء الزهر او اللوز مقلى مخلط مع اللوز المفسخ و مطحونين المهم كلا على حسب ذوقه
كنطبعو العجين بالقطاعه ديال الورده و نلصقوها بيالكعبه و نوضعو عليه حبه ديال السكر الفضي
العقده نسمتها بفانيلا و عملو بها حفره بيديكم او بحالى بخشبه و دوزوا الجوانب فبياض البيض بعدها اللوز مهرمش و منين تطيب عملو فالحفره الشكلاط الاسود و رخموها بالابيض
و يعد ما يجمد الشكلاط نقطعوها بموس ما ضى و ذلك الشكل النهائي
نعملو دائره من العجينه البيضه فوق الملونه و نقطعو بالموس اطراقها و نبداو نلوو جميع دزء و نوضعوة فالوسط اخرة و كذا حتي تسال يالدوره و تلصقى و ريدات ببياض البيض
الشكل الرابع نسمتة بالحامض كنعمل مثلتات و العقده و ندمعو عليها الحواشى حتي للقمه و نجمعو القنات بعويد و ننقشو و سط الجهات الي فيهم رؤوس القمم و نعملو و ريدات و نتنيوهم و نتكوهم
الفقاص ديال الحاجة كلثوم
بيضة
رابعة دقيق
60 غرام سنيدة
50 غ زبدة
نص فانيلا
نص خمارة
ملح
70 غ لوز مهرمش
نخلطو كلشى و نعملوة قضبان و يلف فبلاستيك غذائى و نعملوة فكونجيلاتور باش يقساح و يسهال فالتقطاع بعدها ندخلوة للفران
صابلى عادي ملى يطيب كتلصقى و حده مع ثانية و و تدهنى الوجة بالكوفتير و لصقى عليه اللوز افيلي
كورني
العجينه الي بقات لى بلا ما نعاود ندلكها كندوزها مباشره فالمكينه باش تجى ديكرادى اي مدرجه فاللون و عمرتها بكركاع محمر مع شويه الكراميل كان باقى لى و شويه الشكلاط بيض او لعسل و من الاقوى يتخلط الكركاع مع اللوز و ندهن الحلاوى بالعسل و الراس بالشكلاط ابيض و البيستاش