المقادير:
2/1 كيلو لحمة مفرومه
1بصلة مقطعة ناعم
2 فص توم مفروم
1 قرن شطة خضراء او فلفل رومى مقطع ناعم
3 ملاعق بقدونس مقطع ناعم
2 ملعقة صلصة طماطم
2 ملعقة كاتشاب
4/1 كاس لبن حليب
4/1 كاس بقسماط او شوفان
ملح _ فلفل _ شطه
للوجه:هنحتاج حوالى 3 ملاعق كاتشاب كمان
الطريقه:
اول حاجة هنقلب الشوفان على اللبن و نسيبهم ربع ساعة لحد الشوفان ما يتشرب باللبن
هنخلط جميع المكونات مع بعضها
اللحمة و اللبن و الشوفان و الصلصة و الكاتشاب و البصل و التوم و الفلفل و البقدونس و الملح و الفلفل و الشطة و نخلطهم كويس
ونسيبهم ربع ساعة عشان اللحمة تتشرب التتبيله
هنا يمكن نجيب قالب الانجلش كيك و نحط بها خليط اللحمه
وممكن نحشيها زي كده
هنجيب و رقة فويل نفردها و ندهنها زيت
ونحط عليها خليط اللحمة و نفردة بحيث انه اللحمة تكون مساوية لطول قالب الانجلش كيك
بالنسبة للحشو يمكن تحشيها اشياء كتير
انا هنا كان عندي شوية بطاطس مسلوقة فالتلاجة فردتها على اللحمة و رشيت شوية جبنة رومى مبشورة و جبنة موتزاريلا و فلفل الوان مقطع
بلف اللحمة رول و هنا و رقة الفويل بتساعدنى فلف اللحمه
هنحط رول اللحمة فالقالب باستعمال الفويل عشان ما تتبهدلش مننا
وندهن الوجة بكاتشاب
هنغطى القالب بورق فويل و ندخلة الفرن على 200 درجة لحد ما يستوي
هنسيبة يبرد شوية و نقلبة و نقطعة طرنشات
(اهم حاجة نقلب اللحمة و نقطعها لما تبرد شوية لكن لو سخنة هتتفتفت مننا)
ودا شكله
ا
