فى الصالون :
نور : بسرعه ترانى متاخره على الحفلة
الكوافيره : اوك مدام
نور : اي عفية
و بعد ربع ساعة كملت الكوافيره تسريحه شعرها .
.
فخذت ثيابها و راحت تبدل .
.
نور : كم صار ؟
الكوافيره : 20 دينار
نور : تفضلى .
.
مع السلامة
الكوافيره : مع السلامة
ركبت سيارتها و قعدت تمشي بسرعه جنونيه لان حفله زواج خالها بدا و هي لحد الحين مب هنالك .
.
و ما انتبهت الا على صوت ارتطام .
.
فطلعت من سيارتها مستحمقه .
.
نور : انت عمي ما تشوف ؟
….
: مسامحه اختي ما كنت اقصد ادعمج بس لانى مستعجل .
.
نور و هي تقاطعة : لا و الله بس تفكر بنفسك حتي انا مستعجلة
….
و هو يطالعها من فوق لتحت : اي يبين عندج حفله .
.
عيل ما نى معطلتج و له معطل نفسي .
.
بعطيج رقم موبايلى عشان تتصلين فينى و نحدد تكاليف سيارتج .
.
نور : شوف يا .
.
….
: يوسف
نور : شوف يا اخ يوسف انا ما اقدر اطول الحين .
.
انت هات الرقم و انا بعطية لابوى عشان يتصرف
يوسف : تفضلي
نور : دام فضلك
يوسف : اكرر اسفى .
.
فى امان الله
نور : مع السلامة .
.
و ركبت سيارتها بس ها المره كانت تمشي بهدوء و تفكر بالحادثه الي صار لها الى ان و صلت تفكر فالاخ الي دعمها .
.
كان و سيم بطولة و شكلة .
.
نور و هي تقول بقلبها : اعوذ بالله انا فشنو قاعده افكر .
.
بس شخصيتة كانت قويه .
.
ليصبح هاى اعجاب ؟
..
و استغرقت فتفكيرها الى ان و صلت للفندق
..
فى الفندق ::
نور :
نوف : و عليكم السلام .
.
و ينج ؟
جان رقدتى اكثر ؟
نور : شاسوى فطريجى واحد دعمني
نوف و هي تشهق : الله يقطع ابليسة ما لقي الا اليوم يدعمج .
.
بس عسي سيارتج ما تضررت و ايد ؟
نور : لا بس انشمخت شوى .
.
و هو عطانى رقمة عشان يدفع تكاليف التصليح
نوف : لازم يدفع الا تعالى امج و ايد تحاتيج
نور : و يه عليها مسكينة
نوف : بسرعه امشي ندش القاعه عشان تتطمن عليج
نور : يالله عيل امشي
( نوف هي اعز رفيجه عند نور .
.
و الي قوي علاقتهم اكثر هو ان اليوم عرس خال نور ( حسن ) من خاله نوف ( احلام ) )
فى القاعه :
ام نور : و ينج يمه تاخرتى و ايد ؟
نور : شاسوى يمه تدرين زحمه الشوارع و لا واحد دعمني
ام نور و هي خايفه : و يه على بنيتى الوحيده عسي ما صادج شيء ؟
نور : لا يمه الحمدلله بس سيارتى شوى تشمخت
ام نور : الف حمدلله بدال السيارة عشر .
.
ما يغلي عليج شيء بنيتي
نور : يعلنى ما انحرم منج يمة
ام نور : شخبارج نوف ؟
و شخبار امج ؟
نوف : الحمدلله كلنا بخير .
.
ام نور : امج ما تبين و ينها ؟
نوف : اكاهى عند العروس
ام نور : عيل استاذنكم بروح عندها
نوف : نواره قومى نرقص ؟
نور : اوك
